Ауа райы
Мерекелер
Сіз емшіге қаралдыңыз ба?

ТҰРҒЫНДАР САУЛЫҒЫ ТҰРАҚТЫ НАЗАРДА

Өңірлік коммуникация қызметінде өткен брифингте Қазалы ауданының әкімі М. Ергешбаев БАҚ өкілдеріне өңірдегі медициналық қызмет бағытындағы жұмыстарды да тарата айтты.

Ауданда 1 аурухана, 1 орталық, 2 ауылдық емхана, 1 қалалық құрылымдық бөлімше, 16 дәрігерлік амбулатория және 18 медициналық пункт ел саулығын сақтау жолында жұмыс жасайды.

Биыл сәбилер шетінеуінің көрсеткіштерінде төмендеу тенденциясы байқалды.

Сондай-ақ, жуырда ауданда 150 орындық аурухана пайдалануға беріледі. Қазіргі таңда заманауи медициналық құрал-жабдықтармен жабдықтау мәселелері шешілуде. Облыс әкімінің тікелей қолдауымен «Ангиограф» медициналық аппараты алынып, Ресей мамандарымен келісім жасалынды. Қазір жаңа ғимаратқа қондыру жұмыстары жүргізілуде.

Жаңа аурухана жанынан аудандық емхана салу жоспарлануда. 250 келушіге арналған емхана құрылысын салу жобасының құжаттарын әзірлеуге облыстық бюджеттен 16,7 млн.теңге бөлінді.

https://syr-media.kz/news/980-tryndar-saulyy-traty-nazarda.html

ҚОСЖАРДА МЕДИЦИНАЛЫҚ БЕКЕТ АШЫЛДЫ

Арал ауданында Қосжар ауылдық округінде тағы бір медициналық бекеттің ашылу рәсімі өтті. Жаңа әлеуметтік нысанның ашылу салтанатына аудан әкімі Мұхтар Оразбаев арнайы қатысып, ауыл тұрғындарын Тұңғыш Президент күнімен құттықтап, «Биыл еліміз айтулы мереке – Тұңғыш Президент күнін бесінші мәрте мерекелеуде. Осы ретте, біздер бесінші рет мерекеленіп отырған Президент күніне орай аудан көлемінде ел игілігіне бағытталған бес бірдей жаңа нысанды іске қостық. Бұл көрсеткіштер, әрине, ең бірінші еліміздегі Елбасының жүргізіп отырған сарабдал саясатының нәтижесі деп білемін»,- деді. Мұнан соң, Арал қалалық ардагерлер кеңесінің төрағасы Ә.Садықбаев пен ауыл ардагерлер кеңесінің төрағасы Ө.Аймырзаев көпшілікті қуанышымен құттықтап, іргелі істерге ұйытқы болып жүрген ел азаматтарына алғысын білдірді.

Заманауи талаптарға сай бой көтерген бұл нысан елді мекендегі 600-ге жуық жанға сапалы медициналық қызмет көрсететін болады.

https://aqmeshit-aptalygy.kz/kogam/1202-oszharda-medicinaly-beket-ashyldy.html

ТӘУЕЛСІЗДІК МЕРЕКЕСІНДЕ ҚАЗАЛЫДА АУДАНДЫҚ АУРУХАНА АШЫЛАДЫ

Биыл Қазалы ауданында 4 млрд. теңгеден астам қаржының құрылыс жұмыстары жүргізілуде. Бұл туралы аудан әкімі М.Ергешбаевтың қатысуымен Өңірлік коммуникация орталығында өткен брифингте айтылды.

Әйтеке би кентіндегі №216 мектепке қосымша құрылыстар салу, Бірлік, Лақалы, Майдакөл, Шилі, Шәкен елді мекендерінде мектептер мен Жалаңтөс батыр ауылынан 150 орындық ауылдық клуб құрылысы аяқталып, пайдалануға берілді.

– Әлеуметтік салада салынып жатқан құрылыстың бірі 150 орындық аурухана осы айда пайдалануға берілмек. Қазір оны заманауи медициналық құрал-жабдықтармен жабдықтау мәселелері шешілуде. Облыс әкімінің тікелей қолдауымен «Ангиограф» медициналық аппараты алынып, Ресей елінің мамандарымен келісім жасалынды, – деді аудан әкімі.

Қазір жаңа ғимаратқа қондыру жұмыстары жүргізілуде. Сонымен қатар, жаңа аурухана жанынан аудандық емхана салу жоспарланып отыр. 250 келушіге арналған емхана құрылысын салу жобасының құжаттарын әзірлеуге облыстық бюджеттен 16,7 млн.теңге бөлінді.

https://syr-media.kz/news/949-tuelszdk-merekesnde-azalyda-audandy-auruhana-ashylady.html

МЕДИЦИНАЛЫҚ ҚЫЗМЕТ САПАСЫ АРТЫП КЕЛЕДІ

Өңірлік коммуникация қызметі мамандары аймақтағы медицина саласындағы жұмыстарды таныстыру мақсатында БАҚ өкілдері үшін пресс-тур ұйымдастырды. Шара аясында Қазақстан Республикасының денсаулық сақтау саласын дамытудың 2016-2019 жылдарға арналған «Денсаулық» мемлекеттік бағдарламасын жүзеге асыру, медициналық қызметтердің сапасы мен қолжетімділігін жақсарту, денсаулық сақтау жүйесін басқару және қаржыландыру жүйесінің тиімділігін арттыру бағытындағы жұмыстар нәтижесі көрсетілді.

Мемлекеттік бағдарламаны іске асыру бағытында аймақ басшысының өкімімен облыстық іс-шаралар жоспары бекітіліп, 7 бағытта 200-ден аса іс-шара қолға алынған.

Жоспардың басты мақсаты – облыс тұрғындарының денсаулығын нығайтып, олардың өмір сүру ұзақтығын 72,1 жасқа ұзарту.

Сонымен қатар, іс-шаралар бойынша денсаулық сақтау саласының жұмысын бағалайтын 36 индикаторлық көрсеткіш бекітілген.

Жалпы өлім-жітімнің себептерінің 52% құрайтын аурулардың 5 негізгі нозологиясы бойынша Жол карталары бекітілді. Соған сәйкес, осы ауруларға көрсетіліп жатқан медициналық көмек сапасы, оның толықтығы және ресурстар жағдайы назарға алынып, жол карталарын жүзеге асыру үшін облыстық бюджеттен 1,7 млрд. теңге бөлініп, 150 дана медициналық құрал-жабдық сатып Бастапқы медициналық-санитариялық көмек көрсету ұйымдарында (БМСК) барлық 5 бағыт бойынша 89 мамандандырылған кабинеттер ашылды.

Ал ауыр экстрагенитальді аурулармен босанғандар мен жарақаттанғандар, инсульт алған науқастарға оңалту жұмыстарын жүргізу мақсатында реабилитациялық және қайта қалпына келтіру бөлімшелері пайдалануға беріліп, барлық аудандық ауруханаларда ауданаралық травматологиялық бөлімшелерді медициналық құрал жабдықтармен жабдықтау жұмыстары жүргізілуде.

Қатерлі ісікке шалдыққан ауыр науқастардың өмірін ұзарту, күтуге бағытталған паллиативтік көмек көрсету үшін онкология орталығында 30 төсекке паллиативтік бөлімше ашылып (хоспис) және аудандық ауруханаларда арнайы 35 төсек–орын бөлінді.

Өңіріміздегі кадрлар жетіспеушілігі мәселесін шешу мақсатында медициналық қызметкерлердің біліктілігін арттырудың 2016-2018 жылдарға арналған 3 жылдық перспективті жоспары бекітіліп отыр. Кадрларды оқыту, қайта даярлау және біліктілігін жетілдіру үшін облыс бюджетінен 60 млн.теңге бөлінді. Соңғы екі жыл қатарынан облыс үшін қажетті мамандарды резидентураға дайындау мақсатында облыс әкімінің 20 гранты бөлінді. Қазір 22 резидент грантқа түсті.

Осы жылы дәрігерлік аймақтағы халық санын 2200-ден 1800-ге дейін төмендетіліп, 2019 жылға 1500-ға дейін кезең – кезеңімен азайту жоспарлануда. Биыл жаңадан 33 жалпы дәрігерлік аймақ ашылды.

Денсаулық сақтау саласын медициналық ақпараттық жүйемен қамту бағытында да жүйелі жұмыс бар.

Электронды денсаулық сақтауды дамыту концепциясына сәйкес, медициналық ұйымдардың IT-инфрақұрылымдарын жақсарту жүзеге асырылуда.

Қызылорда облысының барлық аумағында 22 республикалық ақпараттық жүйе енгізілген және жұмыс істеуде.

Ағымдағы жылы мыңнан аса компьютерлік техника алынды . Қазіргі таңда сала бойынша компьютерлік техникамен жабдықталу 75,2 пайызды құрап отыр.

Осы ай ортасында Жаңақорған аудандық емханасы, Қазалы аудандық орталық ауруханасы, 11 медициналық бекет қолданысқа беріледі.

Мемлекеттік-жекеменшік әріптестік шеңбері аясында 400 келушіге арналған №2 қалалық емхана ашылады және осы бағытта 4 дәрігерлік амбулатория салу жоспарлануда.

МЕДИЦИНАЛЫҚ ҚЫЗМЕТ САПАСЫ АРТЫП КЕЛЕДІ
МЕДИЦИНАЛЫҚ ҚЫЗМЕТ САПАСЫ АРТЫП КЕЛЕДІ

https://syr-media.kz/news/939-medicinaly-yzmet-sapasy-artyp-keled.html

Қызылорда облыстық онкология орталығының жетістіктері мен проблемалары

Кәрібай ТӨЛЕУТАЙҰЛЫ,

медицина ғылымдарының докторы, профессор, жоғары санатты дәрігер онколог және денсаулық саласын ұйымдастырушы

 


 

Бүгінгі таңда Қызылорда облысында 750000- нан астам халық тұрады десек, жыл сайын олардыңң мыңнан астамы қатерлі ісікке шалдығады. Яғни, әр 100 мың адамға шаққанда 135,0 келеді.Бұл республика көрсеткішімен салыстырғанда төмен ( 198,8).

Облыстық онкологиялық орталықтың тарихы 1949 жылы Қызылорда қаласындағы облыстық аурухана емханасының жанынан ашылған онкологиялық кабинеттен басталады. 1951 жылдың желтоқсан айында рентген сәулесімен емдейтін қондырғы орнатылып, ол 1952 жылдың қырқүйек айынан жұмыс істей бастады.

1956 жылдың мамыр айының 29 жұлдызында облыстық денсаулық сақтау бөлімінің №163-А бұйрығымен бекітілген 25 төсек орындық Қызылорда облыстық онкологиялық диспансері құрылды. Бас дәрігер болып медицина ғылымдарының кандидаты Алексеев Алексей Семенович тағайындалып, осы қызметті 1974 жылға дейін үлкен абыроймен атқарды.

1974-1977 жылдары облыстық онкологи ялық диспансерінің бас дәрігері қызметін Байкенжеев Роберт Абдуллинұлы атқарса , 1977-1985 жылдары онкологиялық диспансердің бас дәрігері қызметін медицина ғылымдарының кандидаты Мұсабеков Темірбек Мұсабекұлы атқарды. 1977-1978 жылдары радиологиялық кабинет салынып, Ресейден шыққан Агат- с дистанциялық гамма сәулесімен емдейтін қондырғы алынып, сәлемен емдеу әдісі енгізілді.

1982 жылы онкология диспансері 75, 1986 жылы 100 төсектік орынға кеңейтіліп, түнгі дәрігерлік кезекшілік ұйымдастырылды.

Онкологиялық диспансердің ғимаратының авариялық жағдайда екені ескеріліп, республика деңгейіне дейін көтерілді. Қазақстан Республикасының жоғарғы кеңесінің 1989 жылы өткен 12 сессиясында Қызылорда облысында онкологилық диспансер салу туралы сессия төрағасы Ерік Асанбаев өз баяндамасында атап өтті. Осыдан кейін 240 төсек орынға арналған онкология диспансеріне жоба сметалық құжат жасалып, ол Алматы қаласында экспертизадан өтіп оңтайлы баға алды. Бұған сол кездегі облыс әкімінің орынбасары Кемал Нұрекешов тікелей атсалысып, ауыз толтырып айтарплықтай көмек көрсеткен болатын. Өкінішке орай Кеңес үкіметі таралып, бұл жұмыс тоқтап қалды.

1997 жылы қала әкімі Б.С. Досманбетовтің қолдауымен диспансер "Мерей” мөлтек ауданында орналасқан екі қабатты "Алпамыс” балалар бақшасының ғимаратына көшірілді. 2002 жылдың ақпан айында онкологиядық диспансер облыстық онкологиялық орталық болып өзгертіліп, архитектуралық құрылысы және жабдықталуы жағынан Қазақстан Республикасы бойынша ешбір теңдесі жоқ Еуропалық стандартпен салынған облыстық медицина орталығының типтік ауруханалық ғимаратына көшірілді.

Осы медицина орталығының жанынан 2002-2003 жылдары санитарлық талаптарға сай екі радиологиялық корпус салынып, іске қосылды.

Қызылорда облыстық онкологиялық диспансердің деректері негізінде бес медицина ғылымдарының кандидаттары ( И.П. Шапочников, А.С. Алексеев, Т.М. Мұсабеков, А.Ж. Жадырасынов, К.Төлеутайұлы) және екі дәрігер онколог медицина ғылымдарының докторы атағын алу мақсатында диссертация қорғады (К. Төлеутайұлы, Ұ. К. Төлеутай -Phd).

Онкологиялық диспансердің қызметкерлері екі монография, жоғарғы оқу орнына арналған екі оқулық, бір ғылыми-көпшілік кітап, төрт оқу-әдістемелік құрал және 200 астам ғылыми-мақалаларды облыс, республика, жақын және алыс шет елдерде баспа беттерінде жариялады. 2006 онкология диспансерінің 50 жылдығы республика көлемінде аталып өтіліп, ғылыми- практикалық конференция материалдары өз алдына жинақ болып шығарылды.

2009 жылы Тынық мұхит және Европа Университеттерінің бірлестігі негізінде облыс көлемінде орын алып отырған экологиялық ахуал жөнінде мақала жазылып, ол Қытай елінің Шанхай қаласында баяндалып, баспа бетіне жарияланса, 2015 жылы Австрия және Неапал елдерінің ғалымдарының қатысуымен Қызылорда қаласынды Қорқыт Ата мемлекеттік университетінде онкология саласының жетістіктері баяндалды.

Онкологиялық орталықта 30 дәрігер қызмет атқарады. Олардың ішінде 13 жоғары, 5 бірінші және 1 екінші біліктілік санатты дәрігерлер, немесе дәрігерлердің 63,3 пайызы біліктілік санатына ие. Орта буын медицина 75 қызметкерлері арасында 14 жоғары, 17 бірінші және 8 екінші біліктілік санаттары бар (51,8%) .

Облыстық онкология орталығы 2013 жылдың көрсеткіштеріне орай Қазақстан Республикасының ұлттық бизнес рейтингісінің қорытындысы бойынша көшбасшы мекеме атығына ие болды.

2015 жылдың август айында облыстық онкология орталығының директоры болып медицина ғылымдарының кандидаты Сәкен Бақтыбергенұлы Сергазиев тағайындалды.

Ұйымдастыру-әдістемелік бөлімі қатерлі ісік алдындағы және қатерлі ісік кеселдерін анықтау, онкологиялық науқастарды есепке алу, онкологиялық қызметке талдау жүргізу және облыстың емдеу-алдын алу мекемелерінде ұйымдастыру-әдістемелік көмек көрсету сияқты жұмыстарымен айналысады. Қазіргі кезде ұйымдастыру-әдістемелік бөлімімен онкологиялық науқастарды есепке алу және диспансеризациялау «Канцер-регистр-онкологиялық науқастың электронды тіркелімі», ауруханалық және амбулаториялық қызметке талдау және ауруханаға жатқызу компьютерлік бағдарламалары енгізілді.

Онкологиялық науқастарды ерте және дер кезінде анықтау мақсатында барлық аудан және қала емханаларында әйелдерді тексеру кабинеттері жұмыс істеуде. 2014 жылы Шиелі ауданында және қалалық №6 ЕМХАНАДА ЕР АДАМДАРДЫ ПРОФИЛАКТИКАЛЫҚ МАҚСАТТА ТЕКСЕРУ КАБИНЕТТЕРІ АШЫЛДЫ.

Хирургия бөлімі 50 төсек орынға жабдықталып. қазіргі таңда асқазан-ішек, өңеш жолдарына, бауырға; өкпеге, бүйрекке, қуық, қалқанша, сүт бездеріне, сүйекке және дәнекер тіндеріне оташылдық ем жүргізілуде. Сонымен қатар, ауыр науқастарды емдейтін және операциялық емнен кейін бақылайтын реанимация бөлімі ашылды (2007). Хирургия бөлімінде күрделі оташылдық емнің жүргізілуіне байланысты және жаңа технологияны енгізу мақсатында облыстық денсаулық сақтау басқармасының қолдауымен жергілікті бюджеттен және Республика көлемінде онкологиялық бағдарлама қабылданып, арнайы қаржы бөлініп, шетелдерден шыққан жасанды дем және наркоз беретін, қан кетуді тоқтататын, операция үстінде жарық беретін (2008), санды маммограф (2007), эндовидеогастроскоп, эндовидеоколоноскоп, рентгендиагностикалық (20014) сияқты қондырғылар алынып іске қосылды.

Дәрігерлердің білімін көтеруге аса назар аударылып, бес дәрігер екі жылдық клиникалық ординатура бітіріп, жоғары маманданған хирургиялық көмек көрсетілуде. Мен олардың елдік іске жұдырықтай жұмылып, атқарып жатқан қызметтерін өз басым мақтанышпен айтып жүремін. Мен бұл арада өте күрделі ота емін, атап айтқанда «субтотальды» өңеш резекциясы, асқазанды толық кесіп алып тастау, қуық асты безімен қуықты бірге кесіп алып тастап, ішектен жасанды қуық жасау, бауыр және ұйқы бездерінің резекциясы, гистерэктомия және т. б. операциялар жасап жүрген жоғарғы санатты хирург Шахмарат Есенжолұлы Оспановпен, Болат Қожабайұлы Тлеулиевті және Азиз Раушанбекұлы Құрбанбаевті ерекше атап өтер едім.

Химиотерапия және сәуле бөлімі 50 төсек орынға арналып, қазіргі заманға сай европалық сапамен шығарылған дәрі-дәрмектер (гемзар, роферон, таксотер, навельбин, кселода, гливек, ГЕРЦЕПТИН және т.б.) онкологиялық кеселдерді емдеуде кең түрде қолданылуда.

2003 жылдың 12 қыркүйегінде Чехия елінде шыққан «Терагам» аппаратымен жабдықталған жаңа радиологиялық корпус салынып, дәрігер-радиолог Чехия елінде мамандандырылып, қазіргі таңда «Терагам»- қондырғысы арқылы онкологиялық ауруларға сәуле емі жүргізілуде. «ТЕРАГАМ» гамма-терапиялық аппаратымен жұмыс істеу өте тиімді. Орталықтандырылған компьютерлі бағдарламамен қамтамасыз етілген, соңғы үлгідегі ротациялық терапиялық қондырғысы бар және халықаралық стандартқа, қауіпсіздік талаптарына сай келеді. 2001 жылдан бастап ми қатерлі ісігіне сәуле емі, 2007 ж. Германия елінде шыққан қуысты дене мүшелеріне құралас сәуле емін жүргізетін «Мультисорос», 2008 ж. Англия елінде шыққан сәуле еміне топографиялық дайындық жүргізетін қондырғы «Симулятор» алынып, сәуле көзімен емдеуге қолайлы жағдай туғызылды.

Қызылорда облыстық онкология орталығының жетістіктері мен проблемалары

«Терагам» гамма-терапиялық қондырғысы

Қызылорда облыстық онкология орталығының жетістіктері мен проблемалары

Құралас сәуле емін жасайтын «мультисорос» қондырғысы

Амбулаториялық-емханалық бөлім. Емхана облыс тұрғындарына диагностикалау және мамандандырылған көмек көрсетеді. Емханада жалпы онкология, онко-урология, онко-гинекология, онко-хирургия, лор, маммология, химиотерапия және радиология бойынша қабылдау жұмыстары жүргізіліп, кеңес беріледі. Халыққа тегін медициналық көмектің кепілдік берілген көлемінің шеңберінде онкологиялық науқастарды дәрілік заттармен қамтамасыз ете отырып, жаңа стационарды алмастыру технологиясы енгізілді. Атап айтқанда, 2013 жылы амбулаториялық химиотерапия және әлеуметтік қызмет көрсететін кабинеттер, емхана жанынан 15 төсек орынға арналған күндізгі стационар ашылып, жылына 600-700- дей науқас ем алып шығуына жағдай жасалды. Сонымен қатар, амбулаториялық жағдайда ота жасайтын кабинет ашылып, 2013 жылы көлемі жағынан шағын 286 ота емі диагностикалық және емдік мақсатта жасалса, 2014 жылы 393 адамға осындай жұмыстар жасалды.

Эндоскопиялық кабинет 1986 жылы ашылып, эндоскопиялық зерттеулер кең түрде қолданыла бастады. Эндоскопиялық әдіс жоғарғы тыныс алу және асқазан-ішек жолдары ауруларын анықтаудағы күрделі сұрақтарды шешуге, сонымен қатар келешекте емдеу әдісін таңдауға және морфологиялық зерттеуге мүмкіндік береді.

Қазіргі таңда онкология орталығында кабинет асқазан-ішек жолдарын және тыныс алу жүйелерін тексеретін Жапон фирмаларының «Олимпус» және «Пентакс» эндовидеофиброталшықты оптикалық аппаратураларымен толық қамтамасыз етілген.

1994 жылы ультрадыбысты зерттеу кабинеті ашылып, Австрия фирмасының «Combison» аппаратымен жабдықталды. Сонымен қатар Италия-АҚШ-Германия фирмасының «Sonolain G-50» түрлі-түсті доплері бар аппараты алынып (2005), ол әр түрлі дене мүшелерінің патологияларын, атап айтқанда қабыну, қатерлі және қатерсіз ісіктерді анықтауға қол жеткізілді.

Рентген-диагностикалық кабинетте компьютер арқылы басқарылатын цифрлы «Маммограф» (2008) және жылжымалы рентгендиагностикалық«» (2008) және үш орынды санды рентген диагностикалық аппараттарымен (20014) қамтамасыз етілді. 2013-2014 жылдары онкологиялық бағдарлама арқылы дірігер маммологтың 8 штаты бөлініп, оның үшеуі Арал, Қазалы және Жаңақорған аудандарына, бесеуі қала емханаларына бөлінді. Облыс әкімі Қ. Көшербаевтің қолдауымен жол картасы арқылы 2014 жылы жүргізіліп жатқан скрининг жұмыстарына байланысты онкология орталығына қосымша 4 штат дәрігерлік және 4 штаттық бірлік орта буынды қызметкерлерге қаражат бөлінді. Сонымен қатар жеті ауданға жеті Фиброколоноскоп және жеті компьютер алынып онкологиялық науқастың электрондық тіркелімімен аудан деңгейінде жұмыс істеуге қол жеткізілді.

Цитологиялық зертхана облыс бойынша орталықтандырылған және барлық қалалық кеңес беру диагностикалық емханалардан түскен материалдарға зерттеулер жүргізеді.. 1996 жылы Қазақстан Республикасының ДСМ-нің 29.12.1993ж. шыққан № 509 «Республикада цитологиялық қызметті жетілдіру» бұйрығына сәйкес барлық аудандарда цитологиялық зертхана ұйымдастырылып, оларға дәріс беріліп, қазіргі таңда барлық аудандарда цитологиялық зертханалар қатерлі ісік және ісік алды дерттерін анықтауда өз үлестерін қосуда. 2008 жылы өркениетті елдерде қолданылып отырған Пап -тест зерттеу әдісі енгізіліп, Корея елінен шыққан шыны препараттарды автоматты түрде бояйтын және сұйықты цитология қондырғылары (2012). Алынып жаңа технологиялар енгізілді.

Патоморфологиялық зертхана. 1957 жылы облыстық онкологиялық диспансерінде патоморфологиялық зертхана ұйымдастырылып,. 1968 ж. облыстық диспансердің патоморфологиялық зертханасы облыстық аурухананың патоморфологиялық зертханасымен біріктіріліп орталықтандырылған зертхана ашылды. 1999 ж. бастап патоморфологиялық зертхана облыстық онкологиялық диспансерінде қайтадан ұйымдастырылды.

2012 жылы Жапония елінен шыққан цифрлы видеомикроскоп алынса, иммуногистохимиялық зерттеу әдістері 1913 лизинг арқылы иммуногистохимиялық анализатор алынғаннан кейін басталып, әр науқастың организмінің жеке ерекшелігіне орай емдеу жұмыстары енгізілді. Сонымен қатар телепатология қондырғысы 2014 жылы алынып, ол интернет желісіне қосылып, онкология институтына патоморфологиялық материал электронды желі арқылы жіберіліп, кеңес алуға мүмкіндік туып отыр.

Қәзіргі таңда 175 төсек орынға арналған аурухана емханасымен жаңадан ғимарат салуға техникалық экономикалық негіздеме жасалуда.

Облыстық онкология орталығы 2013 жылдың көрсеткіштеріне орай Қазақстан ұлттық бизнес рейтингісінің қорытындысы бойынша көшбасшы мекеме атығына ие болды.

Сонымен облыстық онкологиялық орталықта келешекте компьютерлі томографпен, сызықты үдеткішпен, жақын фокусты рентген-терапиялық және қәзіргі заманның талабына сай ультрадыбысты қондырғылармен жабдықтау жоспарлануда.

 

Алда тұрған міндеттер де аз емес. Олардың бастысы – адам денсаулығын жақсарту. Көмек сұрап келгендерге сапалы ем жасай отырып, ауырмаудың жолын ұсыну. Қатерлі ісік бұрынғыдай мүлде үміт үзетін ауру емес. Тек ерте анықталса оның нәтижесі де жақсы болатыны сөзсіз. Ол үшін қәзіргі таңда жүргізіліп жатқан профилактикалық тексерулерден (скрининг) өтіп тұрса болды.


ҚАЗАЛЫДА ҚАРҚЫНДЫ ІСТЕР КӨП

Қазақстан Республикасының Президенті Н.Ә.Назарбаев халыққа арнаған жолдауында 2050 жылға дейін экономикалық-әлеуметтік биіктерге көтерілу үшін рухани байлықтың, денсаулықтың қажеттігін атап көрсеткені баршаңызға мәлім. расында да, дені сау ұрпаққоғамның байлығы.

Сыр өңіріне арнайы іссапармен келген Елбасы атқарылған жұмыстарға оң бағасын берді. Мемлекет басшысының ұрпақ болашағы үшін білім саласының алдына қойған 3-6 жас аралығындағы балаларды мектепке дейінгі біліммен 100 пайыз қамту, үш ауысымдық білім беруді болдырмау, апатты мектептер орнына жаңа мектептер құрылысын салу жөніндегі негізгі үш тапсырмасы Қызылорда облысында мерзімінен бұрын толықтай орындалды.Сонымен қатар, биыл апаттық жағдайдағы мектептердің мәселесі толығымен шешілді. Балабақшалардың 71 пайызы мемлекеттік-жекеменшік әріптестік негізінде жұмыс жасауда. Соңғы 4 жылда мұндай балабақшалар саны екі есеге артты.Ресейдің жетекші техникалық жоғары оқу орындарында бүгінде 452 түлек грант негізінде білім алуда.

Денсаулықсаласы да қарқынды дамуда. Осы жылы «Денсаулық» бағдарламасын орындау аясында медициналық ұйымдардың медициналық техникамен қамтамасыз ету көрсеткіші 45,19% -дан 73,4% -ға дейін өсті.

Мұның бәрі біздің аймақтағы білім мен денсаулық сақтау салаларына ерекше мән берілуінің нақты көрсеткіші. Қазалы ауданының барлық ауылдарында денсаулық сақтау орындары жаңадан салынған. Аудан орталығынан типтік жобадағы 150 орындық аурухана ғимараты бой көтеріп жатыр. Жаңадан салынып жатқан аурухана құрылысының соңғы жұмыстары жүргізіліп жатыр. 16 желтоқсан тәуелсіздік мерекесі қарсаңында пайдалануға беріледі деп күтілуде. Бұдан өзге денсаулық сақтау саласында қандай өзгерістер мен жетістіктер жайлы Қазалы аудандық аурухана басшысы Күншығар Әбіловтен сұраған едік.

– Күншығар Әбілұлы, әңгімемізді Қазақстан Республикасының денсаулық сақтау саласын дамытудың 2016-2019 жылдарға арналған «Денсаулық» мемлекеттік бағдарламасынан бастасақ...

– Аталған бағдарлама аясында Қазалы ауданының денсаулық сақтау саласында медициналық қызметті жетілдіру, медициналық қызмет сапасын арттыру, халықты қолжетімді дәрігерлік көмекпен қамтамасыз ету, профилак­тикалық медицинаны дамыту, аурудың алдын алу шаралары, скринингтік бақылау мен алғашқы медициналық көмекті жетілдіру, ана мен бала денсаулығын қорғау саласы бойынша жұмыстар атқарылуда.

Бүгінгі күні амбулаториялық-емханалық қызметі бар орталық ауруханаға аурухана, орталық емхана, 2 ауылдық емхана, 1 қалалық құрылымдық бөлімше, 14 дәрігерлік амбулатория және 3 фельдшерлік-акушерлік бекет, 15 медициналық бекет қарайды.

Халыққа 145 дәрігер мен 763 орта буын медицина қызметкерлері медициналық көмек көрсетеді.

Соныменқатар, Қазақстан Республикасының Денсаулық сақтау және даму министрлігі мен Қызылорда облысы әкімдігінің арасындағы облыс тұрғындарының денсаулық жағдайын жақсарту жөніндегі 2015-2018 жылдарға арналған меморандумының нысаналы көрсеткіштеріне сәйкес Қазалы аудандық орталық ауруханасының мақсатты индикаторлары және көрсеткіштеріне қол жеткізу мақсатында халыққақолжетімді жұмысты ұйымдастыру жүзеге асырылуда, «электронды үкімет» www.e.gov.kz веб-порталы арқылы алдын ала дәрігердің қабылдауына жазылып, уақытылы кезексіз қызмет көрсетілуде. Жалпыайтқандаденсаулықсақтаусаласыдамыпкеледі.

– Биыл денсаулық сақтау саласына енген жаңалық, яғни, медициналық әлеуметтік сақтандыру жүйесі ауданымызда қалай жүзеге асуда?

– Қазалы ауданы әкімінің 2016 жылғы 4 қарашадағы №345-ші өкіміне сәйкес «100 нақты қадам»Ұлт жоспарының денсаулық сақтау мен әлеуметтік даму саласы бойынша түсіндіру штабы құрылып, штаб ережесі бекітілді. Штабтың негізгі міндеттерінің бірі – міндетті әлеуметтік медициналық сақтандыруды енгізуге, еліміздегі демографиялық ахуалға анағұрлымәсер етуші аурулардың 5 тобы бойынша медициналық көмек көрсетудіңинтеграцияланған моделін енгізу.

«100 нақты қадам» ұлт жоспарының іске асырылуын ұйымдастыруға штаб мүшелерімен бірге орталықа урухана қызметкерлерінен жұмысшы топ құрылып, тұрғындар арасында ақпараттықтүсіндірме жұмыстары жүргізілуде. Халықтың әлеуметтік статусын анықтауда да жұмыстар атқарылып жатыр.

– Ана мен бала денсаулығы аса маңызды. Жүкті және босанатын әйелдерге медициналық көмекті жетілдіру және ана мен бала өлімін төмендету мақсатында қандай шаралар жасалуда?

– Облыстық денсаулық сақтау басқармасының «Отбасын жоспарлау бөлмелерінің жұмысын жетілдіру туралы» және «Жасыл дәліз» бұйрығы негізінде емханада арнайы жүкті әйелдерді тіркеу орны ашылды. Тіркеу бөлмесінде жүкті әйелдерге психолог маман кеңес беруде.

Ауданымызда ана өлімі тіркелмеген. Ұрпақты болу жасындағы әйелдер жыл сайын профилактикалық бақылауданөткізіліп, электронды базаға салынуда. Сәбилер арасында өлім-жітімді азайту және аурушаңдықты төмендету мақсатында емдеу мекемелерінде КЗР, отбасын жоспарлауресурстық орталық, жас аналар мектебі ұйымдастырылып, жұмыс жасалуда.

– Жыл өткен сайын аурухананың материалдық-техникалық базасы жақсарып келе жатқанындығын естіп-біліп жүрміз. Биылғы жылы қандай медициналық аппараттармен толықты?

– Иә, дұрыс айтасыз. Жыл сайын медициналық аппараттардыңжаңа легі алынуда. Мәселен, 2017 жылы 3 ЭКГ аппараты, пациент мониторы, 2 микроскоп, 3 рецикулятор сәулелендіргіші, ИВЛ – HAMILTON – C-1 – 2 дана лизинг әдісі бойынша, ранимациялық балалар керуеті, ВМЗ пациент мониторы, 3пульсоксиметр, ота шарықшамы, жаңа туылған балаларды қайта тазалайтын үстел, ауа реттегіш центратор алынды.

– Тұрғындар асыға күтіп жүрген жаңа аурухана ғимараты қашан пайдалануға беріледі?

– Әйтеке би кентіндегі 150 төсектік орталық аудандық аурухана құрылысының жоба-сметалық құны 4285,3 миллион теңге. Жобалаушы «Крез-Сервис» ЖШС. Техникалық қадағалаушы «СК Энерго-OIL» ЖШС. Бас мердігер «КАЗҚұрылысСервис» ЖШС. 2016 жылға республикалық бюджеттен 200,0 миллион, облыстық бюджеттен 20,0 миллион теңге бөлінді.

Жаңа аурухана пайдалануға берілгенде толық заманауи медициналық құралдар мен жабдықталмақ. Облыс әкімінің қолдауымен «Ангиограф» медициналық аппараты алынып, Ресей елінің мамандарымен келісім жасалынып, жаңа ғимаратқа қондыру жұмыстары жүргізілуде. Аурухана жуық арада ашылады деп күтілуде.

Оқырманға түсінікті болу үшін ангиограмм аппаратына тоқтала кетейін. Бұл құрылғы медицинада ұзақ уақыттан бері қолданылып келеді. Ангиграф жүрек-қан тамырлары диагностикасына аса қажет. Бүгінгі күні көптеген медициналық мекемелерде ангиограмманың сандық форматтағы түрін көп пайдаланады. Рентген жүйесінде пайдаланылатын құрылғы буын және жұмсақтіндерде болатын түрлі процестерді көруге мүмкіндік береді.

– Жаңалықтарыңызбен бөліскеніңізге рахмет.

Сұхбаттасқан Ұлболсын ТАЛАПБАЕВА

http://syrboyi.kz/suhbat/15621-azalyda-aryndy-ster-kp.html
АМБУЛАТОРЛЫҚ ДЕҢГЕЙДЕ КІМГЕ ТЕГІН ДӘРІ-ДӘРМЕКТЕР БЕРІЛЕДІ? (1 БӨЛІМ)АМБУЛАТОРЛЫҚ ДЕҢГЕЙДЕ КІМГЕ ТЕГІН ДӘРІ-ДӘРМЕКТЕР БЕРІЛЕДІ? (1 БӨЛІМ)

МЕРЕЙЛІ МЕЙІРБИКЕ

Облыстық медициналық орталықтың жедел хирургия бөлімінің аға мейірбикесі Мәдина Шамұханбетова 1976 жылы қазіргі медициналық колледжге оқуға түсіп, оны үздікке бітірген. Содан бастап, бүгінге дейін осы салада қызмет етіп келеді. Еңбек жолын ең алғаш теміржол ауруханасынан бастаған. Ол 17 жыл сонда қызмет атқарып, 2000 жылы осы облыстық аурухананың жедел хирургиясына ауысқан. Содан бері аталған емдеу орнында қызмет етіп келеді.

Осы жылдар ішінде мыңдаған адамның алғысын алды. Сондай-ақ, айтулы мерекелер де еңбегі еленіп жүр. Атап айтсақ, 2015 жылы республикалық «Мейірім» төсбелгісі табысталған. Сондай-ақ, бүгінге дейін облыстық, қалалық деңгейде түрлі марапат төрінен көрінді.

Мұндай міндеттің талабынан шығу әрине оңай емес. Десе де, бүгінде ол қажырлы еңбек тың ізденіс, жүйелі жұмыстың арқасында ұжымда абыройлы. Олар кіші мен үлкеннің дертіне дауа, еміне шипа іздеп шарқ ұрып, емделушінің сауығып кетуіне аянбай еңбек етеді. Сондықтан бұл саланың қызметі қашанда сұранысқа ие. Мәселен, жаны қиналған әрбір адам әрдайым ақ халаттылардың көмегіне жүгінеді.

Өз жұмысының жемісін көріп жүрген Мәдина апай бүгінде ізбасарларын дайындауда. Жаңадан келген мейірбикелерді үйретуден еш жалықпайды. Білікті адам әрдайым жас мамандарға үлгі. Өйткені, медицина күнінде әріптестері кейіпкерімізге ерекше құрмет көрсетіп, жылы лебіздерін арнауда.

 

Ақмарал ҚАДЫРХАНҚЫЗЫ.

https://aqmeshit-aptalygy.kz/baskatakiriptar/birbailik/1042-mereyl-meyrbike.html

МИНИСТРДІ ҚАБЫЛДАДЫ

25 қараша 2017 г.

Мемлекет басшысы Нұрсұлтан Назарбаев Денсаулық сақтау министрі Елжан Біртановты қабылдады.

Кездесу барысында Мемлекет басшысына денсаулықсақтау саласын дамытуға арналған «Денсаулық» мемлекеттік бағдарламасыныңіске асырылуы жөнінде аралықесеп беріліп, министрліктің алдына қойылған міндеттердің орындалуы туралы ақпаратұсынылды.

Елбасы ауру-сырқаудыңалдын алу шараларының маңыздылығын атап өтіп, салауатты ұлтқалыптастыру ісінде халықтың ерекше рөл атқаратынын айтты.

– Азаматтарымызды өздерініңденсаулықтарын нығайтуға тартуымыз қажет. Адам денсаулығының10-15 пайызы ғана медицинаға тәуелді. Қалғаныныңбәрі тек өзіне байланысты болады, – деді Нұрсұлтан Назарбаев.

Қазақстан Президенті халықарасында салауатты өмір салтын насихаттау мәселесіне тоқталып, қазақстандықтардыңөмір сүруініңорташа ұзақтығын 80 жасқа дейін көтеру жөніндегі міндеттің өзектілігіне назар аударды.

Денсаулықсақтау министрі Қазақстан Президентіне тұрғындар денсаулығының негізгі көрсеткіштерініңжақсарып келе жатқанын мәлімдеді.

– Барлықкөрсеткіш бойынша ахуал тұрақты.Өмір сүрудіңорташа ұзақтығы көтерілуде. Ана өлімініңкөрсеткіші төмендеп келеді. Бала өлімінің көрсеткіші де қатарынан бірнеше жыл бойы төмендеуде, – деді Елжан Біртанов.

Денсаулықсақтау министрі халықтыңденсаулығын жақсарту бойынша министрліктің қабылдап жатқан шаралары жөнінде айтып, ауру-сырқау белгілерін бастапқы сатыда анықтаудың маңызды екенін атап өтті.

– Қазақстанда 2012 жылдан бастап тегін дәрі-дәрмекпенқамту жөніндегі бағдарлама жүзеге асырылуда. Оныңтиімділігі өте жоғары. Бағдарлама аясында 2,5 миллионға жуықадам аурудың 50 түрі бойынша, соның ішінде күретамыр гипертониясы, қант диабеті және онкологиялық аурулар бойынша тегін дәрі-дәрмекке қол жеткізіп отыр, – деді Е.Біртанов.

Сондай-ақ, Елжан Біртанов Нұрсұлтан Назарбаевқа көрсетілетін алғашқы медициналық қызметтердіңсапасын арттыру және денсаулықсақтау жүйесіне цифрлық технологияларды енгізу жөніндеқабылданып жатқан шаралардың нәтижелері туралы баяндады.

Кездесу барысында Мемлекет басшысы дәрі-дәрмек бағасын мемлекеттік реттеу және фармацевтика саласындағы сыбайлас жемқорлықпен күрес жүргізу мәселелеріне ерекше тоқталды.

– Меніңбағаға қатысты мәселені шешу жөнінде берген тапсырмамнан кейін Фармация комитетініңтөрағасы, «СК-Фармация» компаниясының басшылығы және бес облыстыңбасқарма басшылары ұсталды. Дәрі-дәрмек бағасыныңнегізсіз өсуі шарттар жасасудағы заңнан тыс әрекеттер нәтижесінде орын алады, – деді Елбасы.

Қазақстан Президенті алғақойылған міндеттердің уақытылы іске асырылуын қамтамасыз етуді және денсаулық сақтау саласына, соның ішінде дәрі-дәрмектерді сатып алу үрдісіне тиісті бақылау орнатуды тапсырды.

Бұл ретте Нұрсұлтан Назарбаев Е.Біртановқа өзі басшылық ететін салаға дербес жауап беретінін ескертті.

http://syrboyi.kz/negizginews/15451-ministrd-abyldady.html

Бес облыстың денсаулық сақтау басқармасындағы басшылары ұсталды - Назарбаев

24 Қараша,

© Тұрар Қазанғапов

Қазақстан Президенті Нұрсұлтан Назарбаев денсаулық сақтау министрі Елжан Біртановты қабылдады, - деп хабарлайды Tengrinews.kz тілшісі Ақордаға сілтеме жасап. Кездесу барысында Мемлекет басшысы дәрі-дәрмек бағасын мемлекеттік реттеу және фармацевтика саласындағы сыбайлас жемқорлықпен күрес жүргізу мәселелеріне ерекше тоқталды. "Менің бағаға қатысты мәселені шешу жөнінде берген тапсырмамнан кейін Фармация комитетінің төрағасы, "СК-Фармация" компаниясының басшылығы және бес облыстың басқарма басшылары ұсталды. Дәрі-дәрмек бағасының негізсіз өсуі шарттар жасасудағы заңнан тыс әрекеттер нәтижесінде орын алады", - деді Елбасы. Қазақстан Президенті алға қойылған міндеттердің уақтылы іске асырылуын қамтамасыз етуді және денсаулық сақтау саласына, соның ішінде дәрі-дәрмектерді сатып алу үрдісіне тиісті бақылау орнатуды тапсырды. Бұл ретте Нұрсұлтан Назарбаев Е.Біртановқа өзі басшылық ететін салаға дербес жауап беретінін ескертті.


Толығырақ:https://kaz.tengrinews.kz/kazakhstan_news/bes-oblyistyin-densaulyik-saktau-baskarmasyindagyi-285159/