Ауа райы
Мерекелер

Атырауда перинаталдық орталық ашылдыАТЫРАУ. ҚазАқпарат - Атырауда бұрынғы облыстық перзентханада 250 орынға арналған перинаталдық орталық ашылды.

«Ескі перзентханамыз толық жаңартылды. Жаңа сумен жабдықтау, электржабдықтау, кәріздік, жылыту және вентиляциялық жүйелер пайда болды. Жаңа оттегі стансасының арқасында палаталарда орталықтандырылған оттегін жіберуге арналған жабдықтар бар», - деп ҚазАқпарат тілшісіне облыстық перинаталдық орталықтың бас дәрігерінің орынбасары Асқар Кенжеғалиев мәлімдеді.

Оның сөзіне қарағанда, перинаталдық орталықтың стационарлық блогы 250 орынға шақталған. Олардың 50 жүктілердің патология бөлімшесінде, 110 орын туғаннан кейінгі бөлімшеде, 40 - гинекология бөлімшесінде және 50 сәбилердің патологиялары бөлімшесінде.

 

http://inform.kz/kaz/article/2836761


АҚТӨБЕДЕ ЖҮКТІ ӘЙЕЛГЕ БІР МЕЗЕТТЕ ЕКІ БІРДЕЙ ОТА ЖАСАЛДЫАқтөбелік дәрігерлер миына қан құйылған жүкті әйелдің өмірін сақтап қалды. Оның мерзімінен ерте туған сәбиі Айлин де аман-есен.

Темірлік Гүлзада Ақбалина жүктіліктің сегізінші айында аяқ астынан инсульт алады. 26 жастағы келіншек содан бірер күн бұрын жиенінің үйлену тойында қызмет көрсеткен екен. Тойдан келген түні Гүлзада басы қатты ауырып, есінен танып қалғанын айтады. Туыстары жедел жәрдем қызметін шақырады. Алайда, аудандық аурухана дәрігерлері аурудың нақты себебін анықтай алмаған. Жағдай ушыққандықтан, Гүлзада санавиациямен Ақтөбеге жеткізілді.

- Дәрігерлерді жинап, шұғыл жиналыс өткіздік. Миына қан құйылып кеткен екен. Жағдайы өте ауыр еді. Әйелден де, құрсақтағы шаранадан да айрылып қалуымыз мүмкін еді. Гинеколог Владимир Абраменко 10 минуттың ішінде кесарь тілігін жасап, әйелді босандырып алды. Қыз бала. Салмағы 2 келі 750 грамм. Сол бойда Гүлзаданың басына да ота жасадық,-дейді Ақтөбе облыстық ауруханасының бас дәрігері Самат Данияров.

Басына ота жасалғаны Гүлзаданың есінде жоқ. Өйткені,ол бір тәуліктей ес-түссіз жатыпты. Кейін бір аптаға жуық уақыт жансақтау бөлімінде болған. Қазір неврология бөлімінде ем қабылдап жатыр.
- Темір ауданына қарасты Жамбыл ауылында тұратын жиенімнің үйлену тойына барғанбыз. Үйге келгеннен кейін басым қатты ауырып, құса бастадым. Күйеуім қалада жұмыста болатын. Бірнәрсені сезген болар, апам мен жездем де үйге ертерек қайтыпты. Солар жедел жәрдем шақырды. Бұрын да басым ауыратын. Әрі балабақшада жұмыс істеймін. Той кезінде физикалық тұрғыдан шаршағаным жоқ. Мүмкін, жүйкем шаршаған болар,-деп есіне алады Гүлзада.
Қазір Гүлзаданың сәбиі туыстарының қарауында. Анасы оған Айлин деген есім беріп үлгерген. Жағдайы жақсарған келіншек осы жұмада үйіне шығып қалуы мүмкін. Кішкентай сәбиі мен 7 жастағы қызын көруге асығып отыр. Гүлзаданың екі бірдей өмірді аман алып қалған дәрігерлерге алғысы шексіз.

Неврология бөлімінің меңгерушісі Дон Қожақұловтың айтуынша, бұл сирек кездесетін жағдай. Алайда, науқас күтінбесе, ауру қайталануы да мүмкін.
Бұл Ақтөбедегі облыстық ауруханада инсульт алған жүкті әйелге жасалған кезекті сәтті ота. Биыл маусым айында дәрігерлер 28 жастағы шалқарлық келіншек пен оның сәбиін де ажалдан аман алып қалған болатын.

Жансая Есмағанбет 

 

http://kerek-info.kz/kerek-akparat/1290-atbede-zhkt-yelge-br-mezette-ek-brdey-ota-zhasaldy.html

Павлодарда нефрология және эфферентті терапия медициналық орталығы ашылдыАСТАНА. ҚазАқпарат - Павлодар қаласында тәулігіне бүйрек жетімсіздігі бар 100-ге жуық пациентті қабылдауға қауқары бар «BB NURA» бірегей нефрология және эфферентті терапия медициналық орталығы ашылды, деп хабарлайдыpavlodarnews.kz.

Медициналық орталық «ABM Investment Group» басқарушы компаниясы ЖШС арасындағы мемлекеттік-жекеменшік серіктестік аясында құрылды. Кәсіпорынның негізгі серіктесі - германиялық «B.Braun Avitum AG» компаниясы. Жекеменшік инвестор аталмыш жобаға 30 млн теңгеден астам қаржы жұмсаған.

«BB NURA» ЖШС аймақтық филиалдың директоры Амангелді Қасеновтің айтуынша, бүгінгі күннен бастап облыста ерте диагностика мен оңалту кезеңдерін қамтитын медициналық көмек көрсететін нефрологиялық кластер құрыла бастады. Сырқаттарға көрсетілетін қызметтердің бірі - «Жасанды бүйрек» апаратының көмегімен қан тазарту. Сонымен қатар кеңестер беріліп, медикаментоздық көмек ұсынылады. Орталық жылына 48 мың процедура жасай алатын 25 «Dialog» атты жаңа құралдармен жабдықталған.

Аталмыш ЖШС мен облыстағы денсаулық сақтау басқармасы арасында жасалатын келісімшартқа сәйкес сырқаттар диеталық тамақтану мен қажетті ем қабылдау тегін жүргізіледі.

- Толық нефрологиялық қызмет науқастарға көмек көрсетудің барлық түрін қамтиды. Атап айтқанда, гемодиализді қоса алғанда (қанды бүйректен тыс тазарту) ерте диагностикалаудан бастап, алдын алуға дейін, тамырларды қалыптастыру, кеңес беру, диагностикалық және медикаменттік көмекпен қамтамасыз ету. Орталықтағы емдік шаралардың барлығы «Dialog» атты заманауи диализ аппаратымен жасалады. Науқастарды бүйрек алмастыруға дайындау үшін нефрологиялық қызмет бастапқы медициналық буынмен және республикалық орталықтармен бірлесе жұмыс жасалады. Орталық мамандары аймақтағы науқастардың барлығын диализ қызметімен толық қамтитын болады, - дейді нефрологиялық орталық бөлімінің меңгерушісі Жасұлан Дүймағамбетов.

Ж. Дүймағамбетовтің айтуынша, павлодарлық сырқаттардың сараптама қорытындылары сырқаттарды бүйрек алмастыруға дайындау мақсатында жалпыреспубликалық мәліметтер базасында көрініс табады. Облыстық денсаулық сақтау басқармасының мәліметтеріне сүйенсек, нефрологиялық орталықтың көмегіне зәру азаматтардың саны жыл саны артып келеді. Өткен жылы бұл санаттағы сырқаттардың саны 136 болса, биылғы жылы олардың қатарына 143-ке жеткен. Пациенттердің 69-ы - мемлекеттік, ал 74-і жекеменшік денсаулық сақтау мекемелерінің есебінде тұр.

- Бүгін еліміздегі ірі диализ орталығы ашылды. Бұл нысан бүйрек жетімсіздігіне шалдыққан азаматтардың қажеттіліктерін өтейді. Орталық алғашқы пациенттерін ертең қабылдай бастайды. Болашақта әйелдердің репродуктивті денсаулығын жақсартуға бағытталған кіші инвазивті хирургиялық оталар жасалады деп күтілуде, - дейді облыс әкімі Қанат Бозымбаев.

Павлодарда нефрология және эфферентті терапия медициналық орталығы ашылды
Павлодарда нефрология және эфферентті терапия медициналық орталығы ашылды
Павлодарда нефрология және эфферентті терапия медициналық орталығы ашылды

 

 

Суреттерді түсірген -Светлана Воронова


 


Қайтып келдіСаясат әйелдердің ісі емес деп жатады. Бірақ, сол әйелдердің қолы тимеген сала жоқ десек, артық айтқандық емес. Бүгінде қоғамдағы әйелдердің саясат пен билікке, қоғамдық өмірге етене араласып кеткені ақиқат. Жоғарғы жақты былай қойғанда, төменгі жақта да саясатпен айналысқанда анау-мынау ер-азаматыңды он орап алатын нәзікжандылар жетіп артылады. Облыстағы сондай салмақты саясаткер әйелдердің қатарында Ақмарал Әлназарованың есімі жиі аталады.
Иә, оның саяси өсу жолы сатылы. Ең алдымен оны көпшілік ақ халатты дәрігер ретінде жақсы таниды.  Дәрігер-педиатр, экономист, медицина ғылымдарының докторы А.Шәріпбайқызының еңбек жолы қалалық балалар ауруханасынан басталып, одан  әрі облыстық балалар  ауруханасының бас дәрігері, облыстық денсаулық сақтау басқармасы бастығының орынбасары лауазымдарында жалғасты. Екі бірдей басқарманы да басқарды, медициналық  колледждің директоры да болды. Алайда алдыңғы жылдың ақпанында облыс билігінде орын алған ауыс-түйіс кезінде ақ халатын ақ жағаға алмастырған А.Шәріпбайқызы облыс идеологиясының тізгінін ұстағанда, таңданғандар аз болмады.
Екі жылға таяу уақытта, сол жолғы тағайындау барысында аймақ басшысы айтқанындай, саяси  технологияларды меңгерген тәжірибелі маман облыстық денсаулық сақтау, білім және  ғылым, мәдениет, әлеуметтік мәселелерге бас  қатырды.
Сөйтіп, колледж директорлығынан бірден жоғары  лауазымды  орынтаққа көтерілген А.Шәріпбайқызы былтырғы күзде облыстық мәслихаттың депутаттығына кандидат ретінде тіркелгенде-ақ, оның тағы бір «құтты орынға» қонатынын ішіміз сезген. Солай болды да, алдымен №8 Төретам сайлау округінен депутат болып сайланып, артынша облыстық  мәслихаттың хатшысы  болып шыға келді...
Апта басында облыс әкімінің  өкімімен облыстық  денсаулық  сақтау  басқармасының басшысы лауазымына Ақмарал Әлназарова тағайындалды. Бүрсігүні оны облыс әкімі Қ.Көшербаев облыс активіне таныстырды. Ол А.Шәріпбайқызының  өмір жолын  баяндап, қай қызметте болмасын, білікті де білімді тұлға екенін дәлелдей білгенін, соңғы қызметінде де жақсы қырымен көзге түскенін  жеткізді.
Айта кету керек, соңғы үш жыл ішінде аймақтың әлеуметтік саласын дамытуға қыруар қаржы жұмсалып, жаңа  жобалар жүзеге асырылуда. Соның ішінде денсаулық сақтау саласының нысандары жаңартылып, материалдық-техникалық базасы күшейтілді. Бүйрек ауыстыру, жүрекке ота жасау сияқты оталарды жергілікті дәрігерлер жасауға жағдай жасалды. Ана мен  бала  денсаулығы да үнемі бақылауда. Халыққа көрсетілетін қызметтің 83 пайызы медициналық қызметке байланысты. Сондықтан медициналық қызметтің сапасын арттыру мәселесі  күн тәртібінен түскен емес. Бірақ бір нәрсе ақиқат, соңғы жылдары облысқа да, тіпті облыстық медициналық  орталыққа да бас   дәрігер  құтаймай-ақ қойды. Басшы кадрлар жиі ауысып, саланың «салдыр-салақ» күйге  түскенін жасырудың еш реті жоқ. Енді осы олқылықтың  орнын толтырып, барлық істің тігісін жатқызып, жүйелі жұмыстарды жалғастыру Ақмарал Әлназароваға жүктеліп отыр.
 
Н.ЕРТУҒАН
http://halyk-gazeti.kz/index.php?option=com_content&view=article&id=4789%3A2015-11-05-06-18-55&catid=3%3A2011-11-18-09-00-35&Itemid=3 

Ғалымдар қорылға қарсы құрал ойлап таптыАмерикалық ғалымдар қорылдан құтылуға көмектесетінқұрылғы ойлап тапты. Әлемде жүздеген миллион адам осындай жағымсыз дауыс шығарып ұйықтайды. Қатты дыбысты олар өздері естімесе де қасындағылардың мазасын алатыны айтпаса да белгілі. Ғалымдардың айтуынша, адам қорылы денсаулыққа зиян. Мұның соңы семіздік пен күйзеліске әкеп соқтырады. Жаңа құралды сынақтан өткізуге 2 ай уақыт кеткен. Сәтті шыққаны сонша, қолданушылардың көбі құралды кері қайтарудан бас тартқан. Аппарат алдағы жылдың мамыр айында сатылымға шықпақ.


Дереккөз:http://24.kz/kz/zha-aly-tar/lemde/item/90467-ojlap-tapty

Қызылорда облысының денсаулық сақтау басқармасына жаңа басшы тағайындалдыБүгін облыс әкімі Қ.Көшербаев облыс активіне денсаулық сақтау басқармасының жаңа басшысын таныстырды. Облыс әкімінің өкімімен Қызылорда облысының денсаулық сақтау басқармасы басшысының лауазымына Әлназарова Ақмарал Шәріпбайқызытағайындалды.
А.Әлназарова 1971 жылы Қызылорда қаласында дүниеге келген. 1994 жылы Алматы мемлекеттік медицина институтын - дәрігер-педиатр, 2006 жылы Қорқыт ата атындағы Қызылорда мемлекеттік университетін - экономист мамандықтары бойынша бітірген. Медицина ғылымдарының докторы.
Еңбек жолын 1994 жылы Қызылорда қалалық балалар ауруханасының қабылдау бөлімінің дәрігері ретінде бастаған. 2001-2004 жылдары - Қызылорда облыстық балалар ауруханасының бас дәрігері, Қызылорда облыстық денсаулық сақтау басқармасы бастығының орынбасары, басқарма бастығы, 2005-2013 жылдары - Қазақстан Республикасы Денсаулық сақтау министрлігінің Медициналық қызмет көрсету саласындағы бақылау комитетінің Қызылорда облыстық басқармасының бастығы, Қызылорда медициналық колледжінің директоры, 2013-2014 жылдары - Қызылорда облысы әкімінің орынбасары лауазымдарында қызмет атқарған. 2014 жылдан бастап осы кезге дейін Қызылорда облыстық мәслихатының хатшысы қызметін атқарып келді.
Айта кету керек, соңғы 3 жыл ішінде аймақтың әлеуметтік саласын дамытуға қыруар қаржы жұмсалып, жаңа жобалар жүзеге асырылуда. Соның ішінде денсаулық сақтау саласының нысандары жаңартылып, материалдық-техникалық базасы күшейтілду. Бүйрек ауыстыру, жүреккке ота жасау сияқты оталарды жергілікті дәрігерлер жасауға жағдай жасалды. Ана мен бала денсаулығы да үнемі бақылауда. Халыққа көрсетілетін қызметтің 83 пайызы медициналық қызметке байланысты. Сондықтан медициналық қызметтің сапасын арттыру мәселесі күн тәртібінен түскен емес. Осы жұмыстарды жалғастыру енді Ақмарал Әлназароваға жүктеліп отыр.

Қызылорда Облысының Әкімдігі

https://www.facebook.com

Елімізде мейіргерлік іс мамандығының оқытушылары үшін қазақстандық-финдік магистратура енгізіледіАСТАНА. ҚазАқпарат - 2017 жылдан бастап Қазақстандағы ЖОО мен колледждерінің мейіргерлік іс мамандығының оқытушылары үшін қазақстандық-финдік ортақ магистратураны енгізу жоспарланып отыр. Бұл туралы «Қазақстан Республикасындағы мейіргерлік істі дамыту. Мейіргерлік іс мамандарын даярлаудағы заманауи тәсілдер» атты халықаралық ғылыми-тәжірибелік конференцияда ҚР ДСӘДМ Ғылым және адам ресурстары департаментінің директоры Алма Сыздықова мәлім етті, деп хабарлайды ведомствоның баспасөз қызметінен.

Ол «Қазақстан Республикасы денсаулық сақтау секторындағы институционалдық реформаларды жүргізу мен технологияларды тарату» атты Дүниежүзілік банк жобасының аясында ҚР ДСӘДМ Финляндияның қолданбалы ғылымдар университеттері федерациясымен бірлесе отырып, 2014 жылдан бастап мейіргерлік іс мамандарын даярлауды жетілдіру бойынша шаралар өткізіліп келе жатқандығын айтты.

Қазақстандық мамандар ФУАС халықаралық сарапшыларымен бірлесе отырып, практикалық дайындығы басым білікті мейіргерлерді дайындауға бағытталған «Мейіргерлік іс» мамандығы бойынша қолданбалы бакалавриат бағдарламасын жасады. 2014 жылдың 1 қыркүйегінен бастап аталған бағдарлама еліміздің алты медициналық колледжінің базасына пилоттық режімде енгізілді. Сонымен қатар 2016-2020 жылдарға арналған еліміздегі мейіргерлік білім беру жүйесін жетілдіру бойынша жол картасы әзірленді.

«Оның аясында мейіргерлік қызмет мамандарын дайындау оқыту бағдарламаларын жетілдіру, мейіргерлік білімді басқару қағидалары, медициналық колледждердің профессорлық-оқытушылық құрамының әлеуетін нығайту сияқты шаралар жүзеге асырылады. Жол картасын жүзеге асыру барысында ҚР ЖОО мен колледждеріндегі мейіргерлік іс оқытушылары үшін бірлескен қазақстандық-финдік магистратураны енгізу жоспарланып отыр», - деп хабарлады Алма Сыздықова.

Сонымен қатар ол медициналық колледждердегі оқытушылар мен басқарушы лауазымдарға халықаралық жетекші мамандар шақырылатынын айтты. Сондай-ақ мейіргерлік іс мамандарының регистрін жасау, мейіргерлік іс жоғарғы мектептері мен колледждерін қайта құру, медколледждер оқытушыларының біліктілігін арттыру бағдарламаларын енгізу жоспарланып отыр.

Астана медициналық колледжінің 80 жылдығына арналған конференция барысында ҚР ДСӘДМ, еліміздің медициналық колледждерінің, Омбы мемлекеттік медициналық университеті медициналық колледжінің (Ресей), қолданбалы ғылымдар университеттерінің федерациясы (Финляндия) өкілдер және өзге де мамандар Қазақстандағы мейіргерлік іс қызметін дамыту саласының өзекті мәселелерін талқылап, мейіргерлік іс мамандарын дайындаудың заманауи тәсілдері бойынша халықаралық серіктестермен тәжірбие алмасты.

 

http://inform.kz/kaz/article/2834254

Астанада балалар аутизмін анықтау үшін әлемнің ең озық диагностикалық әдісі қолданылмақАСТАНА. ҚазАқпарат - Астанада "Асыл Мирас" қорының қолдауымен балалар арасында аутизмді анықтау барысында әлемде өз тиімділігін дәлелдеген "ADOS" диагностикалық әдісі қолданылмақ.

Америкалық маман Марина Азимова қазақстандық әріптестермен бірге аутизм дерті анықталған балаларды қоғаммен бірге лайықты өмір сүруге бейімдеу бойынша 20 жылдық тәжірибесімен бөлісті.

Меценат Болат Өтемұратовтың "Асыл мирас" қорының профильдік орталығында Марина Азимованың көмегімен ABA-терапия арқылы емдеу әдісі енгізілуде.

Оның сөзіне қарағанда, біздің елде аутизммен ауыратын балалар мәселесі өте өзекті болып тұр. Қазақстанда аутизмі бар балаларды оқытудың білім беру стандарттары жоқ.

Ақыл есі кем болмаса да, бұл балалар орта білім беру мекемелерінде түсіністікке ие бола алмай, қоғамнан тыс қалып жатыр. Ал үйде оқыту ол балалардың толыққанды білім алуларын қамтамасыз ете алмайды және олардың азаматтық құқықтары мен мүмкіндіктерін шектейді.

"Сонымен қатар осы балалармен жұмыс жасайтын лайықты әдістемелер мен мамандар жоқ. Аутизм дерті анықталған балаларға ерте жастан, дер уақытында емдік шаралар қолдану өте маңызды", - деп атап өтті америкалық маман.

"Аутизммен ауыратын балаларды диагностикалаудың бірнеше қалыптасқан әдісі бар. Мысалы, әлемде нақты көрсеткіштерге сүйенетін ADOS (Autism Diagnostic Observation Schedule) деген әдіс кең қолданылады. Псиxологиялық маркерлер, псиxоневрологиялық сынақтардың түрлі кешендері, бірқатар сауалнамалар бар. Осыларды қолданудың нәтижесінде диагнозды дәл анықтауға болады. ADOS диагностикалық әдісі қазір "Асыл Мирас" орталығында енгізілуде", - деді Марина Азимова.

Маманның сөзіне қарағанда, бұл әдіс биылдан бастап іске қосылмақшы. Себебі балаларды диагостикалау неғұрлым ерте басталса, соғұрлым балалардың кейінгі өмірін жақсартуға мүмкіндік жоғары болмақ.

М. Азимова Астанадағы семинар-тренингтерді үш күн бойы өткізді. Астанаға келесі сапарын ол 2016 жылдың наурызында жасайды. Ал әзірге ол АҚШ-қа оралады.

"Мен келген сайын Қазақстанда кемінде 10 күн боламын. Себебі менің пациенттерім Алматыда және Астанада өте көп. Оларға дұрыс ем-дом мен тиімді әдістерді қолдану керек. Мен келесі жылы қуана қайта ораламын. Қазақстанға мен үлкен сенім артамын. Бұл елде аутизм лайықты шешімін табатынына сенімім мол", - деп атап өтті М. Азимова.

Бүгінде Астанада 200-ге жуық бала аутизм ауруына шалдыққан, Қазақстан бойынша 1,5 жуық бала есепте тұр.

Болат Өтемұратовтың "Асыл Мирас" қайырымдылық қорының бастамасымен жасалып жатқан "Аутизм". Әлем баршаға ортақ" бағдарламасының негізгі мақсаты аутизмге шалдыққан балаларды ерте анықтау, оңалту, инклюзивті білім беру және әлеуметтік интеграция жолымен - диагноз қойылғаннан бастап қоғамдағы жеке өміріне дейін қалыптастыру болып табылады.

Оңалту курсы 6 айға созылады. Бір жылдың ішінде 180 балаға кешенді көмек көрсетіледі. Орталық аутизмді коррекциялаудың екі әдістемесіне негізделген бірыңғай коррекциялық бағдарлама бойынша жұмыс істейді. Біріншісі - баламен бірге оның әлеуметтік-коммуникативтік және танымдық, сөйлеу сферасымен және күнделікті өмірдегі қажетті дағдыларымен жұмыс істеуді көздейтін классикалық әдістеме. Оның үстіне бұдан былай АВА-терапия әдістері кең қолданылады.

Қордың келесі орталықтары Өскемен және Қызылорда қалаларында ашылады деп жоспарлануда.

 

 

Автор:Жасұлан Жолдыбаев

http://www.inform.kz/kaz/article/2834132

Видеозапись виртуального мастер-класса по применению новых оральных антикоагулянтов в лечении венозной тромбоэмболии

http://vrachirf.ru/company-announce-single/16710

https://www.youtube.com/watch?v=qbwMmWYCqmk