Ауа райы
Мерекелер

МЕДИЦИНА ҚЫЗМЕТКЕРЛЕРІ СПАРТАКИАДАСЫНЫҢ АШЫЛУЫ


Қызылорда медициналық жоғарғы колледжінің спорт алаңында Қызылорда қаласының 200 жылдығы және медицина ардагері Ақмырза Сыздықов 80 жылдық мерейтойына арналған облыстық медицина қызметкерлерінің 52-ші спартакиадасының ашылуы болды. Бұл туралы қалалық аурухананың баспасөз қызметі хабарлады.

Жарыстың ашылуында облыстық денсаулық сақтау басқармасы басшысының орынбасары Жақсылық, Абдусаметов, Қызылорда медициналық жоғарғы колледжінің директоры Салтанат Тасмағамбетова және сала ардагері Ақмырза Сыздықов қатысушыларға сәттілік тіледі.

Бір айға жуық созылатын жарыста қатысушылар спорттың 8 түрінен бақ сынамақ.

МЕДИЦИНА ҚЫЗМЕТКЕРЛЕРІ СПАРТАКИАДАСЫНЫҢ АШЫЛУЫ
МЕДИЦИНА ҚЫЗМЕТКЕРЛЕРІ СПАРТАКИАДАСЫНЫҢ АШЫЛУЫ

https://syr-media.kz/sport/3538-medicina-yzmetkerler-spartakiadasyny-ashyluy.html

ҚОЛЫ ШИПА, СӨЗІ ДӘРУ ДӘРІГЕРӘр кезеңнің алмағайып күндерін өз абыройына, адами биіктігіне сай өткере білу, азаматтық таным-пайымына сәйкес етіп тіршілік кешу — шын мәнінде, қажырлы да табанды кісілердің еншісіндегі қасиет. 1938 жылдың 15 қарашасында Сайғонды ауылдық кеңесіндегі Ақжона елді мекенінде дүниеге келген Қали Әбішев талайлы тірлікке, құндылық пен құбылыстарға куә болған ақсақал. Арал-Қазалы өңіріне жігерімен, өз саласына адалдығымен танымал болған Қалидың өрелі де өнеге тұтарлық өмір жолы көпке үлгі. Әр заманның өзіндік құбылыстары, дүрбелеңі болатындығы уақыт шындығы емес пе?

 

Иә, ол жылдары Арал-Қазалы өңірінде лепра ауруымен ауыратын жеті мыңдай адам бар еді. Екі ауданда бұл сырқатпен күресетін 11 пункт ажал аузындағы адамдарды арашалау жолында жұмыс жасап, жыл сайын Қызылорда қаласындағы емдеу ауруханасына жүздеген осы аурумен ауыратын адамдарды жіберіп тұратын. Маман аз ба, әлде дәрі жеткіліксіз бе, әйтеуір, сонда да бүл дерттен сауығып қайтушылар аз еді. Осындай зұлмат жылдарды басынан өткерген Қали қария бүгінде сексеннің сеңгіріне шығып отыр. Кезінде қара халықты күйзелткен дертпен күресу жолында аянбай тер төге еңбек еткен білікті маман саналы ғұмырында сан алуан тірліктің дәмін татты. Түйткілі мол тіршіліктің тауқыметіне ерте араласты. Жас күнінде әке жолын қуып шопан да болды. Ерте есейіп, бауырларына қамқор, қорған да бола білді. Алайда, бала күннен бері дәрігер болсам деген арманын ешқашан естен шығарған емес. Сол мақсатына жету үшін 1958 жылы Ақтөбе мемлекеттік медицина институтына оқуға түсіп, емдеу ісі факультеті бойынша тәмамдады. Жоғары оқу орында оқып жүрген кезінен білімпаздығымен, жан-жақтылығымен ерекшеленді. Өз дарынымен көзге түскен болашақ маманнан ұстаздары үлкен үміт күтті.

Дәрігер мамандығын алған Қали 1966 жылы Қазақстан денсаулық сақтау министрлігінің жолдамасымен сол кездегі «Арал-Қазалы» лепродиспансеріне жұмысқа жіберіледі. Институтта үздік болуды мақсат еткен ол, медицина жайлы кітаптарды ізденіп оқыған болса, жұмысқа орналасқан соң да, ел ішінде «жаман ауру», «алапес» деп аталатын дертпен күресу жолында жазылған әдебиеттерді ақтарды. Сонау Қытай, Индия, Парсы, Африка, Латын Америкада көптеп кезігетін бұл лепра ауруы Арал-Қазалы аймағындағы Карл Маркс кеңшары, Құланды, Ауан, Ұялы, Аманөткел елді мекендерінен қылаң беруі қатты алаңдатты. Жүртшылық үшін де үлкен қасірет болған бүл дертпен күресу жолында, яғни, 1962-1965 жылдар аралығында екі ауданның кішкене баладан қарияға дейін жалпы саны 70 мыңга жуық адамға екпе жасалды. Сол қажырлы еңбектің арқасында ауру саны күрт азайды. Яғни, Арал-Қазалы лепродиспансерінде меңгеруші-дәрігер қызметін атқарған Қали ағамыздың ұжымы көптеген жетістіктерге жетті. Ұйымшыл басшының жүйелі жоспарларының нәтижесінде жыл сайын бұл ауруды емдейтін әдістер жетілдіріліп, дәрілердің түрлері табылды. Мәселен, жыл өткен сайын елді мекендерде аталған ауру түрімен ауыратындар саны өте сирек болып, кейіннен мүлдем жойылды.

Осы салада 40 жылдан астам басшылық қызмет жасаған «Қазақстанның денсаулық саласының үздігі», «Еңбек ардагері» төсбелгілерінің иесі, бірінші санатты білікті дәрігер Қали Әбішев мехнаты бөлек абыройлы жұмыс жасап, өз ісіне деген жауапкершілігімен ел құрметіне бөленіп отыр. Абыройлы жұмыс жасаған сала мақтанышы Қали Әбішев:

— Дәрігер болуды арман ететін жандар өте көп. Алайда, екінің бірінің дәрігер бола алмасы анық. Ол үшін қызметке деген қызығушылық пен мамандық алу ғана жеткіліксіз. Сондай-ақ, олардың құлшынысы мен адалдығы, адамдығы маңызды. Дәрігер болатын жанға ең алдымен, үлкен жүрек пен өзіңе деген сенімділік қажет. Ұзақ жылғы жүмыс тәжірибемде қарамағымдағы мамандардың барлығы дерлік жауапкершіліктері жоғары, өз саласының үздіктері болатын, Атап айтар болсам, кезінде әр жылдары жұмыс істеген маман дәрігерлер — марқұм Зейнолла Мамырбаев, Аққағаз Оспанова, Ұзақбай Әлсейітов, Жеткерген Әзілхановтың еңбектері өлшеусіз. Олардың барлығы дерлік күн-түн демей елді мекендерді аралап, мүмкіндігінше көмек қолдарын созып, қажет болған жағдайда Қызылордадағы емдеу орталығына жолдама беріп отыратын. Ылғи өзім де, әріптестерім де Алматыдагы республикалық тері аурулары институтында, Ленинградта, Мәскеудегі Бүкілодақтық лепро институтында білім жетілдіру сатыларынан өтіп отыратынбыз. Қаншама адамның жазылуына себепші болып, ризашылығына бөлендік — деп, дәрігерлік қызметтің қыр-сырымен бөлісті.

Мыңдаган науқас жанды емдеп, алғысына бөленген Қали ақсақал жұмысқа келгенде қандай талапшыл болса, ұрпақ тәрбиесінде де сондай мінез-құлық танытты. Жұбайы, зейнеткер-ұстаз Света екеуі балаларына өнегелі тәлім-тәрбие бере білді. Әке мұратын, ана мерейін мәртебе тұтқан ұрпақтары азамат болып жетілді.

 

Света АРТЫҚБАЙҚЫЗЫ,

Арал қаласы.

Арал аудандық «Толқын» газеті.

11 мамыр 2018 жыл

ЖҮРЕКТІ ЕМДЕЙТІН ЖАБДЫҚҚА ЖАУАПТЫ КІМ?

ҚР Денсаулық сақтау министрі Е.Біртановтың,
Қызылорда облыстық денсаулық сақтау басқармасының
басшысы А.Әлназарованың назарына

Халықтың денсаулығын бақылап отырған жоғарғы лауазымды басшыларға науқастардың мұңын көзбен көріп, құлақпен естіген шынайы әңгімелерімді халықтың қамын ойлайтын «Халық» газеті арқылы білдірмек болып, қолыма қалам алдым.
Әңгіме түсінікті болуы үшін көргенімді айтайын.­ 2009 жылы облыстық ауруханада кар­диология орталығы ашылды. Оның ішінде кардио­хирургия бөлімі жұмыс істей бастады. Шетел­ден мамандар келіп, бір жылдай жергілікті жерден мамандар дайындап, тәжірибеден өткізіп, облыста­ алғаш рет жүрекке ашық ота жасауды бастады­. Халық­тың шексіз шынайы алғыстарына бөленді.
Жас мамандар жыл сайын шетелдегі білікті мамандардан тәжірибе жинай бастады. Жүрек, жүрек-қан тамырлары ауруларымен ауы­ра­тын адамдар ота жасату үшін Астана, Алматы қалаларына бармайтын болды. Әрине, бұл тұрмысы төмен отбасылар, зейнетақы алмайтындар, зей­нетақы алса да, отбасын толық қамтамасыз ете алмай­тын отбасыларға өте тиімді еді. Жылына 200-ден астам адамның жүрегіне ашық ота, 2500-ге жуық адамға коронарография жасап, қаншама адамның өмірін ұзартып, аман алып қалды. Есептей берсеңіз, 8-9 жылда қаншама адамның өмірін сақтады. Халыққа осындай түн ұйқысын төрт бөліп қызмет жасап жатқан білікті дәрігерлердің еңбектерін еш қылып, 2018 жылдан бастап облыстық кардиохирургия бөлімінде жүрекке ашық ота жасауд­ы тоқтатып отыр. Не себепті екенін ешкім дөп басып айта алмай­ды. Жүрек ауруымен ауыратын адамдардың жүздері солғын, емдеуші дәрігерлер «бізде аппарат бұзылып жатыр, оны жөндеу үшін көп уақыт кетеді, уақыт кетірмей Астана, Алма­тыға барыңыздар» дейді. «Осы облыс орталығына зорға жол қаражатын тауып келгенімізде Астан­а, Алматыға қалай барамыз, тағы да портал дегені бар, ол қай уақытта болады? Оған дейін кім бар, кім жоқ? Мұңымызды кім тыңдайды, бұған кім жауап беретінін де білмейміз?» деп, науқастар­ төмен қарайды, жанарына жанарың түссе, өзің ауырасың.
Бүгінгі таңда жүрек ауруы өте белең алып тұрған жоқ па? Қаншама адам аяқ астынан өліп кетіп жатыр­. Бұл дерт жас та талғап тұрған жоқ. Біздің облыс нағыз экологияның орталығы емес пе? Жел батыстан соқса, Арал теңізінің ұлтанынан ұшқан тұзды шаң үстімізді басып, тынысымызды тарылтып жатқан жоқ па? Соны біле тұра, халыққа адам өмірін сақтап қалу үшін күні-түні қызмет жасап жатқан жабдықты «бұзылып жатыр» деп, неге жүрекке ашық ота жасауды тоқтатады? Біздің білуімізше, әңгіме аппараттың бұзылуында емес, әңгіме қаражаттың жоқтығында болуы керек. «Ауруын жасырған өледі» демекші, түбінде шындықтың беті ашылады емес пе? Халықты қашанғы алдайды?
2010 жылы облыстарда кардиохирургия орталығ­ы сынақ үшін ашылды дейді. Сонда кімді кім сынап жүр? Халықты ма, әлде халыққа көмек көрсеткен дәрігерлерді ме? Қаншама жас мамандар шетелге барып оқып, тәжірибеден өтіп туған жерінде қаншама халыққа қалтқысыз қызмет жасап­ жатыр, олардың ертеңі қалай болады? Кім тұрақтайды?
Тұңғыш Президентіміз Н.Назарбаевтың Қазақстан халқына биылғы Жолдауының жетінші міндетінде «Денсаулық сақтау саласында жаңа техно­логияларды қолдану, аурулардың алдын алу мен емдеуді айтарлықтай жақсартып, медициналық қызмет көрсетулердің сапасын жоғарылатуы тиіс» деген. Ал ойланып көрейік, бұл Елбасымыздың Жолдауына қарама-қайшы жұмыс емес пе? Аурудың алдын алғанымыз қайсы, жаңа технология дейміз, жаңа аппарат қайда? Облыстық медициналық орталықтың эндоваскулярлық бөлімінде коронарография жасайтын жалғыз-ақ аппарат бар. Ол да 2009 жылы алынған. Ал қазіргі кезде 10 жыл­ға жуық үздіксіз жұмыс істеп келеді. Құдай білсін, оның да қай уақытта істен шығатынын, әйтеуір операцияның үстінде бұзылмасын деп тілейік. Бұзылған жағдайда ауыстыра қоятын қосымша жабдық жоқ. Сонда науқастың күні не болмақ, шарасыз дәрігер не істейді?
Оқырман қауымға түсінікті болу үшін бұл аппа­раттың қызметін айтайын. Бұл аппарат жүректің, жүрекке баратын қан тамырларының, мидың, миға баратын қан тамырларының қызметін анықтайды. Қан тамырларының бітелген жерлері болса ашып, стенд (стенд дегеніміз – кәдімгі серіппе.-ред.) қояды, жүрек-қан тамырлары қалыңдау болып бітсе, онда оған ота жасау керек екендігін анықтап береді. Менің білуімше, бұл ангиография аппараты күрделі аурулардың қай түрі болмасын, анықтап береді.
Халық саны бойынша бізде 3 аппарат болуға тиіс. Ал бізде біреу-ақ. Ол да ескі. Ойланып көрейік, ағайын. Әлемдегі дамыған 30 елдің қатарында боламыз дейміз, сонда 30 елдің қатарында қалай боламыз? Ұлттың байлығы – адамның денсаул­ығы емес пе?
Дені сау ұлттың ғана келешегі кемел болмай ма? Олай болса, ҚР Денсаулық сақтау министрі Е.Біртанов, Қызыл­орда облыстық денсаулық сақтау басқармасының басшысы А.Әлназарова тұшымды жауап берер деген үміттеміз. Біреуді кінәлаудан аулақпыз. Тек түсіністікпен қарап, қаражат көздерін тауып, облыс орталығындағы жүрекке ашық ота жасап жатқан кардиохирургия бөлімін жаппай, қолдан келген көмегін халыққа көрсетеді деген сенімдеміз.
ТҮЙІН. Ойлы да білікті, елдің қамын күні-түні ойлап, халықтың көңілінен шыға білген аймақ басшысы­ Қырымбек Елеуұлы бұл жағдайды біл­мей­тін шығар. Білсе, науқастарды әуре-сарсаңға салмай­, оң нәтиже шығарады деген ойдамыз.
 

Сердалы ШАЛБАЕВ,
Жаңақұрылыс ауылдық ардагерлер
кеңесінің төрағасы,
Арал ауданы
Сурет Tomografa.net сайтынан алынды.
«Халық» газеті

 


 

АУРУХАНА ЖАҢА ЗАМАНАУИ МЕДИЦИНАЛЫҚ ҚҰРЫЛҒЫЛАРМЕН ТОЛЫҒЫП КЕЛЕДІ«Амбулаториялық-емханалық қызметі бар Арал аудандық ауруханасы» ШЖҚ КМК-ның хирургиялық бөлімшесінде кең көлемде және күрделі деген операция түрлері көптеп жасалады. Себебі бұл бөлімше жаңа медициналық құрал-жабдықтармен мүмкіндігінше толықтай жасақталған және оның заманауи медицинаның озық тәсілдерін игеруде мол тәжірибесі бар. Науқастарды диагностикалау, хирургиялық жолмен емдеу мен күтім жасауда жаңа технологияларды енгізуге зор мән беріледі. Соның куәсі ретінде 2012 жылы лизинг арқылы алынған құны 17 млн теңге тұратын KARL STORZ фирмасының эндохирругиялық кешенін айтуға болады. Бүгінгі таңда аталмыш құрылғының көмегімен лапароскопиялық холецистэктомия, кистэктомия, аппендэктомия, ұрық көктамырын байлау, асқазанның ойық жарасын тігу, диагностикалық лапароскопия кеңінен атқарылуда.

АУРУХАНА ЖАҢА ЗАМАНАУИ МЕДИЦИНАЛЫҚ ҚҰРЫЛҒЫЛАРМЕН ТОЛЫҒЫП КЕЛЕДІ2013 жылы Германияның Drager компаниясының «Fabius plus» наркоздық аппараты да осы тәсілмен алынды. Бұл наркоз беруді одан әрі жақсартып, оның мүмкіндігін арттыра түсті.

2015 жылы ауруханаға Германияның KARL STORZ фирмасының видеоэндохирургиялық кешені мен видеоуретроцистоскоп аппараттары әкелінді. Бұл құрылғылардың мүмкіндігін аурухана мамандары сәтті игеріп, өз күнделікті практикаларында табысты қолдануда.

АУРУХАНА ЖАҢА ЗАМАНАУИ МЕДИЦИНАЛЫҚ ҚҰРЫЛҒЫЛАРМЕН ТОЛЫҒЫП КЕЛЕДІ2017 жылы ERBE фирмасының VIO3003 жабдығы – кесу мен когалуляцияға арналған жоғары жиіліктегі хирургиялық аспабы ауруханаға алынды. Соның нәтижесінде отадан кейнігі жара асқынусыз жазылатын болды. Осы жылы «Жол картасы» бағдарламасының аясында Mindray компаниясынан хирургиялық стол мен жарық диодты хирургиялық үлкен шырағдан алынды. Бұл жабдықтардың ауруханада жасалған хирургиялық операциялардың тиімділігін арттырғаны еш шүбә келтірмейді.

Ағымдағы жылы құны 30 млн теңгелік «С дуга» мобилді рентген қондырғысы алынды. Енді хәлі ауыр науқастарды рентгендік зерттеу үшін басқа кабинетке тасымалдамай-ақ сол жатқан жерінде, оған еш қиындық келтірмей диагностикалау мүмкіндігі пайда болды. Сондай-ақ хирургиялық операция кезінде де холангиография, сүйек репозициялары және т.б. жасалуда.

Сонымен қатар осы жылы үлкен травматологиялық құрыл-саймандар жиынтығы алынды. Ол да аталмыш мамандардың еңбегін жеңілдетуде.

АУРУХАНА ЖАҢА ЗАМАНАУИ МЕДИЦИНАЛЫҚ ҚҰРЫЛҒЫЛАРМЕН ТОЛЫҒЫП КЕЛЕДІМұның бәрі аурухана бас дәрігері Марат Құбылұлы Ршымбетовтың бастамасымен, түсіністігімен және қолдауымен жүзеге асқан игі тірліктер.

Заман талабына сай жаңа медициналық жабдықтардың лайықты, өз мақсатында қолдануда хирургиялық бөлімше меңгерушісі жоғары санатты хирург Ә.І.Жүсіпов, травматологиялық бөлімше меңгерушісі, 1-ші санатты дәрігер Т.Ж.Ерсейтов, хирург дәрігерлер: А.Р.Гиззатов, О.М.Туремуратов, Н.Б.Кеулімжаев сынды азаматтардың еңбегі сіңген. Сондай-ақ олардың санатында анестезиолог-дәрігерлер: Т.Қ.Бердімағанбетов, Б.Е.Бармағанбетов, Д.С.Избасханов, Е.Қ.Ашықбаевтар да бар.

Хирургиялық бөлімшеде 6 орта және 5 кіші буын медицина қызметкері жұмыс істейді. Мейірбикелердің 3-інің - жоғары, 2-інің - 1-ші санатты біліктілігі бар. Хирургиялық бөлімшенің аға мейірбикесі жоғары санатты маман Айгүл Изикеева, кезекші мейірбике жоғары санатты Нұрсұлу Құдайбергенова, Тәжігүл Нұрымбетова, І-ші санатты Жаңагүл Қосқұлова, Роза Қуанышбаева, Назкен Оспановалар өздерін оталардың сәтті өтуіне хирургтермен қатар жауапты сезінеді. Өйткені олардың алдының қызмет еткеніне 37-38 жыл болған, мол тәжіірибе жинаған.

АУРУХАНА ЖАҢА ЗАМАНАУИ МЕДИЦИНАЛЫҚ ҚҰРЫЛҒЫЛАРМЕН ТОЛЫҒЫП КЕЛЕДІХирургиялық бөлмше мейірбикелері әр медициналық жабдыққа ыждағатты күтім жасап, олардың мүлтіксіз жұмыс істеуін қамтамасыз етеді. Әрбір хирургиялық операциядан кейін бағасы қымбат құрылғыларды талапқа сай зарарсыздандырып, көз қарашығындай аялап, келесі пайдалануға дайындайды.

Бұл жерде ота тазалықшылары Ләззат Айекешова, Айнұр Қоянбаева, Роза Қантаова, Ләззат Бижанова, Алтынкүл Ибраева сынды жандардың есімдерін де атап өткен жөн.

Мен осы бір бөлімше мысалында ауруханадағы орта медицина қызметкерлерінің толағай еңбегін қысқаша баяндай отырып, оларды алдағы келе жатқан төл мерекесі – Халықаралық мейірбике күнімен шын жүректен құттықтаймын. Дендеріне – саулық, кәсіптеріне – береке тілеймін.

 

Ж.З.ҚАЛМАҒАНБЕТОВА,

аурухана бас мейірбикесі,

Арал ауданы

«Сыр медицинасы» газеті

 

 

 

ҚЫЗЫЛОРДА ОБЛЫСЫНДА ТҰРҒЫНДАРДЫҢ ЭЛЕКТРОНДЫ ДЕНСАУЛЫҚ ПАСПОРТЫ ДАЯРЛАНДЫ

«Цифрлық Қазақстан» бағдарламасына сай сырбойылық ақ халаттылар қағазсыз құжат айналымына көшіп, өңір тұрғындарының электронды денсаулық паспортын даярлады,24.kz.

«Денсаулық сақтау саласындағы ең үздік IT шешімі» халықаралық байқауында жеңімпаз атанған «ДамуМед» мобильдік қосымшасы да аймақта қарқынды қолданысқа енген. Мәселен Арал ауданының мың бір жүзден астам тұрғыны кешенді медициналық ақпараттық жүйені пайдаланады. Аудандық ауруханаға қарасты 3 ауылдық емхана, 11 амбулатория түгелдей ғаламторға қосулы компьютермен жабдықталған. Алдағы мамыр айына дейін шалғай елді мекендерде орналасқан 36 медициналық бекеттің материалдық-техникалық жабдықталу көрсеткішін 100 пайызға жеткізу жоспарланып отыр.

Амантүгел Қырбасов, Арал аудандық аурухана бас дәрігерінің орынбасары:

- Барлық мектептің оператор-программистерімен кездесіп, мектептерді аралау үстіндеміз. Әуелі жұмысшы-қызметкерлерден бастап, аймақтық мейірбикелер өз аймағының тұрғындары үйлеріне күнделікті үй аралау арқылы барып, қазір осы мобильді қондырғыға енгізілуде.

https://syr-media.kz/kogam/3046-yzylorda-oblysynda-tryndardy-elektrondy-densauly-pasporty-dayarlandy.html

ДЕНІ САУ АДАМ – ЕҢ БАСТЫ КАПИТАЛ

Республикалық арнайы мониторингтік топ Қызылорда қаласының №3 емханасының жұмысымен танысты

20 сәуірде Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің бастамасымен құрылған мониторингтік топ №3 қалалық емханасында болды.

Топ құрамында республикалық арнайы мониторингтік топ жетекшісі Айгүл Соловьева, «Атамекен» Ұлттық кәсіпкерлер палатасының жасыл экономика және ақпараттық-коммуникациялық технологиялар комитетінің мүшесі Мұрат Абенов, «Экспо&Women» халықаралық ұйымының директоры Салтанат Рахымбекова, қолөнер шебері, этнодизайнер Ырза Тұрсынзада, Біріккен Ұлттар Ұйымының Даму бағдарламасы халықаралық ұйымының қызметкері Архат Қанатбаев және Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігінің (бұдан әрі - Агенттік) Қоғаммен байланыс департаментінің директоры Арман Бердалин, Агенттіктің Мемлекеттік көрсетілетін қызметтер департаментінің директоры Мұрат Байсалов, Агенттіктің Сыбайлас жемқорлыққа қарсы саясат департаменті директорының міндетін атқарушы Дидар Смағұлов бар.

Республикалық арнайы мониторинг топ мүшелерін облыстық денсаулық сақтау басқармасының басшысы А.Әлназарова №3 қалалық емхананың қызметімен және «DamuMed» медициналық ақпараттық жүйесінің мобильді қосымшасымен таныстырып өтті.

ДЕНІ САУ АДАМ – ЕҢ БАСТЫ КАПИТАЛ
ДЕНІ САУ АДАМ – ЕҢ БАСТЫ КАПИТАЛОблыс аумағындағы медициналық ұйымдарға кешенді медициналық ақпараттық жүйесін ендіру жұмысы жүзеге асырылып, қазіргі таңда облыс бойынша қала және аудан деңгейіндегі медициналық ұйымдардың медициналық ақпараттық жүйелермен қамтылуы 100 пайыз болғанын атап өтті.

2018 жылдың ақпан айынан бастап тұрғындарға ақпараттық және электронды көмек көрсету мақсатында «DamuMed» медициналық ақпараттық жүйесінің мобильді қосымшасы енгізіліп бүгінгі күнге есеппен 1832 тұрғын тіркелген. Жыл соңына дейін облыстың интернет белсенді тұрғындарының 30 пайызын мобильді қосымшамен қамту жоспарлануда.

«DamuMed» мобильді қосымшасында:

• Менің жазылуларым;

• Менің шақыртуларым;

• Менің жанұям;

• Хабарландырулар;

• Дабыл түймесі;

• Еңбекке жарамсыздық парағы;

• Рецепттер;

• Зертханалық зерттеулер модулдері қарастырылған.

https://syr-media.kz/kogam/3021-den-sau-adam-e-basty-kapital.html

ҚЫЗЫЛОРДА МЕДИЦИНАЛЫҚ ЖОҒАРЫ КОЛЛЕДЖІНІҢ - 90 ЖЫЛ

Қызылорда медициналық жоғары колледжінің 90 жылдығына орай колледж студенттері арасында «Рухани жаңғыру - туған жер тұтастығы мен ел болашағы» атты облыстық ғылыми-теориялық конференциясы өткізілді.

Конференция жұмысы «Туған жер - тұнған тарих», «Цифрлы Қазақстан - заман талабы», «Латын әліпбиі - рухани жаңғыру бастауы», «Жанында жүр жақсы адам» бағыттары бойынша жүргізілді. Оған өңіріміздің барлық колледждерінің студенттері қатысты.

Тәуелсіз еліміздің болашағы – жастарымыздың интеллектуалды көрсеткіштері олардың тек білім деңгейімен ғана емес, сонымен бірге олардың ұлттық тәрбиесімен, рухани жаңғыруымен де тікелей байланысты. Білім – рухани жаңғырудың басты алғышарты. Өйткені, ой жүйесі терең, алыстан пайымдап, тереңнен тамырланған дүниетанымы кең адам ғана бәсекеге төтеп бере алады.

Конференция қорытындысы бойынша барша жасқа білім рухани жаңғыру аясында бірлігі бекем елдің ғана әлемді мойындататын табысты ел болу, жарқын болашақты отырып, астында елімізді дамыту үшін бірге қызмет етуге үндеу айтылды.

Болашақ мамандардың кәсіби құзыреттілігін арттыру мақсатында өткен конференцияда «Менің болашақ Қазақстаным» тақырыбында ғылыми жобасын қорғаған И.Әбдікәрімов атындағы Қызылорда аграрлық техникалық жоғары колледжінің студенті Аян Сәрсенбек бас жүлде иеленсе, «Латын графикасына көшудің тиімділігі мен жолдары» тақырыбында ғылыми жұмысын қорғаған М.Мәметова атындағы педагогикалық жоғары колледжінің студенті Орынай Байтуғанова бірінші орынға лайық деп танылды. Екінші, үшінші орын иегерлері де марапатталып, қошеметке бөленді.

ҚЫЗЫЛОРДА МЕДИЦИНАЛЫҚ ЖОҒАРЫ КОЛЛЕДЖІНІҢ - 90 ЖЫЛ
ҚЫЗЫЛОРДА МЕДИЦИНАЛЫҚ ЖОҒАРЫ КОЛЛЕДЖІНІҢ - 90 ЖЫЛ

https://syr-media.kz/kogam/2975-yzylorda-medicinaly-zhoary-kolledzhn-90-zhyl.html

ҚАЛАМ ҚАНАТЫНДАҒЫ ҚҰДІРЕТЕкеуара әңгімеге арқау оқиға жетерлік. Ой тым жүйрік емес пе, бір демде өткеннен өзек тарта бастады. Сұхбаттасым – Аманкелді Суханберлиев. Белгілі дәрігер, танымал журналист. «Ерен еңбегі үшін» медалінің иегері, Қазақстанның құрметті журналисі, ҚР Денсаулық сақтау ісінің үздігі. Қысқа қайырғанда, ел ағасының атына атағы сай.

 

Әңгіме қызды-қыздымен өткен ғасырдың алпысыншы жылдарына жүгіріп, естеліктер есіле кетті. Сөйтіп Аманкелдінің атой салып жүрген оқушы кезін еске түсірдік. Болар бала басынан ғой, Арал аудандық «Толқын» газетіне дембіл-дембіл мақаласы жарық көріп, ол аздай айбарлы «Ара» журналында фельетоны жиі жарияланатын болды. Ауылдың кейбір көмескі келбеті сын тезіне іліккен соң шен-шекпенді оны жақтыра қоймайтын, есесіне ел «жазушы бала» деп аузынан тастамайтын абыройға ілікті. Бірде Бөген орта мектебінің беделі биік мектеп директоры Садық Жұмағұлов шұғыл шақыртады. Сабағы үздік, тәртібі жақсы оқушы бұған таңырқап қалды. «Не себепті шақырған? – дейді іштей, – мен тарапымнан кері қылық жоқ еді». Десе де, дереу барды. Директор тапжылмай күтіп отыр екен, жылы жүзбен қабылдады.

– Айналайын Аманкелді, әкең түйдей құрдасым еді, сыйластығым жақсы, өзің осы отбасынан оқ бойы озық шығып, жазу-сызуға қабілетті болдың. Менің қолдауым болсын, мына жолдама ҚазМУ-ға беріліп отыр. Білім бөлімінен алдырдым, саған сәттілік, – деді қуанышын жеткізіп.

– Сізге үлкен рахмет. Менің қалауым –дәрігерлік. Әкемнің көзін жазуым керек!

Садық ағай лезде тұтығып кетті. Өңі бұлттай бұлыңғыр тартып, артынша жауыннан кейінгі күндей жүзі жадырап сала берді.

– Жөн. Өте орынды. Қайда барсаң да, мен тілекшімін. Дегеніңе жет!

Осы оқиға естен кетпейді. Қайсар баланың қабілетін бағалағаны болар, директор одан үлкен үміт күтті. Және ол үміт ақталды.

Бейкүнә балалық шағынан бейнеттен белі бүгіліп, ертелі-кеш үйелмелі үйден үздігіп кете алмай, әке-шешенің, қабырғасы қатпаған бауырлардың қамын жейтін. Мектеп бітірген жылы да балық мекемесінде қара жұмысқа жегілді, ендігі кезекте жоғары оқу орнына бел буды. Арман Ақтөбеге жетеледі. Көңілі медициналық институттың емдеу факультеті еді, бағына қарай жолы болды. Ә дегеннен институттың белсенді студенті ретінде оқуда озат, қоғамдық жұмыстарға қанаттас болып, мерейі өсті. Бұл бұл ма, Ақтөбе облыстық «Коммунизм жолы» газетінде үздіксіз мақалалары жарияланып тұрды. Штаттан тыс тілші деп таныды. Бірде белгілі ақын, әдебиет бөлімінің меңгерушісі Есенбай Дүйсенбаевтан тілдей хат келді. «Құрметті Аманкелді! Мен осы бойда сіздің «Сағынышыңызды» машинкаға беріп отырмын. Жарайсың, өте әдемі жазып шыққансың. Шынайы сезім осылай берілер болар. Жалпы, сіздің қолыңыздан талантты дүниелер жасау келетіні көрініп тұр» делінген хатта. Бұған Әбекең бір желпініп қана қойған жоқ, шабытына шабыт қосып, шығармашылыққа шындап кірісті.

Иә, ол екінші курсқа көшкенде ойы нілдей бұзылды. Біржола журналистикаға жөнеп кеткісі келді. Сол үшін пединститутқа ауысқысы бар. Іштей піскен ниетті бөліскісі келіп, облыстық газеттің бас редакторы Нұрқайыр Телеуовтың қабылдауына кірді.

– Айналайын Аманжан, жаңа туындыларыңды әкелдің бе? Сені редакцияның бір мүшесі деп санаймыз. Қаламы жүйрік қаламгерге құрметіміз ерекше,– деді ол жанына жақын тартып.

– Сеніміңізге рахмет. Мен бұл жолы бір ұсыныспен келіп едім. Бәлкім, ақыл қосарсыз...

– Қысылма, айта бер.

– Пединститутқа ауыссам деп едім, сіз қалай қарайсыз?

– Әй, сенікі қай сасқаның? Беделді оқу орнынан ауысу деген не? Хирург болам деген арман қайда қалды? Ешкім сенің қаламыңды тартып алмайды. Ол – өмірлік рухани серік. Әлгі Зейін Шашкин, Естөре Оразақов кімнен кем жазады, солардың мамандығы дәрігер. Мен бұл ұсынысыңа түбегейлі қарсымын, – деп бұрқ етті.

Осы сөз қамшы болды да мединститут студенті сабағын, жарқын жолын жалғай берді.

Институтты бітірген бойда Атырау облысы Теңіз ауданына жолдама берілді. Кеңестік кезеңнің керемет үлгісі – жолдама бойынша жіберілген жерге бармай қалу, сылтау іздеу – үлкен сын, талап қойылды, орындау – міндет. Сырт ел, сырын сезе бермейді. Теңіз деген аты болмаса, су тапшы, аңызақ дала. Ұшы-қиыры жоқ Нарын құмында малшылар қонысы ғана тіршіліктің тұтқасын ұстап тұрды. Ол кезде бұл маңайда мұнай деген атымен жоқ уақыт. Аудандық ауруханаға хирург болып қызметке орналасқан Аманкелді Суханберлиев өз ісіне аса жауапкершілікпен қараған маман ретінде елге ерте танылды. Сондықтан оған көрінуші көп, ақыл-кеңес сұраушыдан кезек сүрінеді. Бірде Калинин атындағы совхоздан жедел шақырту жетті. Он төрт жасар Роман хал үстінде. Дене қызуы 39,5 градусқа көтерілген. Балқұдық станциясынан түскен хабарға қарағанда баланың соқырішекпен ауырғанына екі-үш күн болған. Басында учаскелік аурухана дәрігері Вячеслав Нәжімов күзетіп отыр. Ол ота жасауға мүмкіндігі келмеген соң ауданнан көмек сұраған. Шілденің кезі, күннің көзі төбені тесіп кетердей тегеурінді. Аудан орталығынан 400 шақырым шалғайдағы шаруашылықты санавиация таба алмай оралған. Амал жоқ, енді «Газ-66» автокөлігімен бір бригада жолға шықты. Әбекеңмен бірге Александра мен Ғалия дейтін екі медбике ілесті. Айқыш-ұйқыш жол, кемедей көлікті бесіктей тербетіп келеді. Түні бойы тоқтаусыз жүріп, таң саз бере малшының үйіне көлік тұмсығын бір-ақ тіреді.

Шынында, баланың халі өте ауыр. Соқырішек жарылып кеткен. Әрі-бері әурелеуге болмайды. Денсаулық көтермейді. Аманкелді Нұғманұлының шегінетін жері жоқ, хирург ойланбастан шұғыл шешім қабылдауға тиісті. Өйткені мәселенің бір ғана жолы бар – киіз үйдің ішінде ота жасауға тура келіп тұр.

Киіз үйдің ішкі бөлігі толық санитарлық тазалықтан өтті, кереует ақ бөзбен қапталды. Құдды ота үстеліндей талапқа келді. Ендігісі нартәуекел! Қолы шипалы хирургке үміт артқан ата-ана киізді айналшықтап, уайым жеп жүр. Еркек басымен жанардан парлаған жасты сүртіп әлек. Қайтсін байғұс, баласын жамандыққа қимайды, аяғынан тік тұрып кетсе дейді. Бұл кезде ауыр ота да басталып кеткен еді.

Алдын ала бойға қуат берер түрлі емдік шара жасалып, баланың беті бері қарағандай болғанымен, үміт пен күдік арпалыста. Тағдыр үшін тартысқа араша түсу – өзіне, кәсібіне сенген адамның ғана байламы. Мұндай батыл әрекетке «менмін» дегеніңнің өзі бата алмай шегіншектейді. Оның себебі де бар, алда-жалда мүлт кетсе, баланың обалына қалам ба деп қорқақтайды. Иә, қазір өмір кілті – тәңір мен дәрігердің қолында. Өте қауіпті ота болғасын жас хирург Әбекең әбден терге малшынды, бір жағынан аптап ыстық жүректі қыспақтап тұр. Бір құдайдың бары рас, сірә, оң көзбен қараған екен, үш сағатқа созылған ота сәтті шықты. Бір-екі күн әлденіп алғанша, екі медбикеге баланы бақылауда ұстауды тапсырды. Жолға жарайды деген жағдайға жеткенде ғана Әбекең аудандық ауруханаға алдырып емдеді, тоғыз күн өткенде бала аттай тұрып, шауып кетті. Осы оқиға облыста үлкен сенсацияға айналды. Тіпті облыстық денсаулық сақтау саласының басшысы шақыртып: «Мұндай қадамға бару дәрігер үшін ұлы ерлік. Сенің тәжірибеңді екінші ешкім қайталай алмауы мүмкін» дегені бар. Бір қызығы, сол Роман өсе келе дәрігер болуды армандапты. Сол мақсатпен Аманкелді ағасына ұдайы хабарласып, кеңес алыпты. Тіпті Әбекең өзі Ақтөбеге апарып, мединститутқа қабылдануына түрткі болған. Осынша жағдайдың жай-жапсарын денсаулық деген ұлы байлық байланыстырды, сөйтіп сәттілікке сабақтастырды.

Есті естеліктің тағы бірі еске түсті. Менің «Жас Алаш» газетінде қызмет істеп жатқан кезім. Ауылдан Әбекең жетсе, мәре-сәре болып, жігіттер бір жасап қалатын шақ. Сондай сәттің бірі болар, сол кезгі бас редактор, бүгінгі қоғам қайраткері Уәлихан Қалижан редакция ұжымын жинап, тұрақты авторымыз Аманкелді Суханберлиев туралы тағылымды әңгіме шертті.

– Сіздер журналистпін деп шіренесіздер, ал дәрігердің жазғанымен салыстырғанда көпшілігінің шығармасы кемшін түсіп қалады. Әсіресе, оның проблемалық мақалалары журналистік зерттеудің алдыңғы сапында тұр. Байқоңырдың базынасын, кенезесі кепкен Аралдың күйін, экологиялық аймақ тұрғындарының денсаулық жайын қозғау ой өлшемі жоғары маманның ғана қолынан келетін шаруа. Сондықтан сіздерге өнеге етіп айтып отырмын, –деп еді.

Сол сөз құлағымнан әлі кетер емес. Бұл баға журналистиканы жаны қалаған, әрі екінші мамандығым деп санаған, жан дүниесінің кеңістігі кең, тіл байлығы мен жазу шеберлігі шынайы шығармашыл өкілдің биік шоқтығын байқатты. Иә, ол 1968 жылы алғаш ұстаған қаламның құдіреті мен құндылығын бір мысқал төмен түсірмей, елу жылдан бері рухани серігі еткен ерекше жан. Табиғатынан танымы мықты, талғамы биік тұлғаны ел екі мамандық иесі деп таныса, оның бірі тікелей журналистикамен байланысты.

Бүгінде Аманкелді Суханберлиев алпыстың бесеуіндегі ел ағасы. Белсенді буын. Бір жағынан медициналық колледж студенттеріне дәріс оқиды, хирургия саласының қыр-сырын үйретеді. Ал, қаламгер ретінде шығармашылықпен әуелгі әрекетіндей біте қайнасып жүр. Оның жетекшілігімен ғылыми-көпшілік, рухани-танымдық республикалық «Нұр Жан» журналы жарыққа шығып келеді. Және «Нұржан Ишан Ата» атындағы қайырымдылық қоры» қоғамдық қорының президенті. Аймақ өміріне белсенді атсалысады, рухани ортада беделді. Осындай жайсаң жанмен әңгіме осы жерге келгенде тұйықталды. Бәлкім, әлі де айтыла түсер ме еді, уақыттың тапшылығы маған мұрша бермеді.

Қаныбек ҚҰРБАН.

http://syrboyi.kz/tagilim/19472-alam-anatynday-dret.html

ҚЫЗЫЛОРДА ОБЛЫСЫ МАУСЫМНАН БАСТАП МЕДИЦИНАЛЫҚ ҚҰЖАТТАМА ҚАҒАЗСЫЗ ЖҮРГІЗУГЕ КӨШІРІЛЕДІ

ҚР Премьер-Министрі Бақытжан Сағынтаевтың төрағалығымен өткен Үкімет отырысында денсаулық сақтау жүйесін цифрландыру барысы туралы денсаулық сақтау министрі Елжан Біртанов мәлімдеді.

Елбасы «Төртінші өнеркәсіптік революция жағдайындағы дамудың жаңа мүмкіндіктері» Жолдауында ақпараттық жүйелерді біріктіру, мобильдік цифрлық қосымшаларды қолдану, электрондық денсаулық паспорттарын енгізу, «қағаз қолданбайтын ауруханаға» көшу арқылы медициналық көмектің қолжетімділігі мен тиімділігін арттыру туралы тапсырма берді.

Ол цифрландыруды ескере отырып, оңтайландырылған медициналық қызметтерді енгізуден; цифрлық форматта медициналық құжаттаманы жүргізуден; денсаулықтың электронды паспортын іске қосудан; медициналық ақпараттық жүйелерге (МАЖ) минималды талаптарды бекітуден, сондай-ақ, мобильді қосымшалардың минималды функциялары бойынша; МАЖ-ге деректерді дауыспен енгізуден тұрады.

«Денсаулық сақтау жүйесін цифрландыру аясында жоғарыда айтылған барлық жобаларды толық іске асыру үшін бірінші кезекте денсаулық сақтау ұйымдарының АТ-инфрақұрылымын қамтамасыз ету қажет. Осылайша, қазіргі таңда 6 283 денсаулық сақтау объектісінің 3 050-і немесе 51% интернет желісіне қосылған. Дәрігерлердің және орта медицина қызметкерлерінің 97 784 жұмыс орнының (ауысымы мен кезекшілікті есепке алғанда) 82 149-сі немесе 84,9%-ы компьютерлік техникамен қамтылған», — деді Елжан Біртанов.

Медициналық ақпараттық жүйелермен 757 медициналық ұйымның 619 немесе 85,4%-і қамтылған.

Қазіргі таңда аудан орталықтары деңгейіне дейінгі денсаулық сақтау ұйымдарының барлығы Интернет желісіне 100% қосылған, бұл ел халқының 85% медициналық көмекпен қамтамасыз етеді.

Сонымен қатар, облыстардың және Астана қалаcының әкімдіктері осы жылдың соңына дейін қалалар мен аудан орталықтарының деңгейіне дейін дәрігерлер мен орта медицина персоналының жұмыс орындарын компьютерлік техникамен 100% қамтамасыз етуді жоспарлап отыр және 2021 жылға дейін фельдшерлік-акушерлік және медициналық пунктерді, дәрігерлік амбулаторияларды компьютерлік техникамен жабдықтауды кезең–кезеңімен қамтамсыз ету көзделген.

Е. Біртанов 2018 жылғы қаңтардан бастап медициналық құжаттаманы қағазсыз жүргізуге көшу процесі біртіндеп басталғанын атап өтті. Тоқсан сайын 4 өңір бастапқы медициналық құжаттаманы қағаз қолданбай жүргізуге кезең–кезеңімен көшірілетін болады.

2018 жылғы қаңтардан бастап —Ақмола, Қарағанды, Қостанай, Батыс Қазақстан облыстары;

2018 жылғы сәуірден бастап Алматы, Маңғыстау, Павлодар, Оңтүстік Қазақстан облыстары;

2018 жылғы маусымнан бастап Атырау, Жамбыл, Қызылорда, Солтүстік Қазақстан облыстары;

2018 жылғы қазаннан бастап Ақтөбе, Шығыс Қазақстан облыстары және Астана мен Алматы қалалары.

 

primeminister.kz

МӘЖІЛІС ДЕПУТАТТАРЫ ҚАЗАЛЫ АУДАНЫНДА

3 сәуірде Қазақстан Республикасы Парламенті Мәжілісінің депутаттары Дархан Мыңбай мен Амангелді Дәуренбеков жұмыс сапарымен Қазалы ауданына келіп, халықпен жүздесті.

Жыл басында іске қосылған аудандық аурухананы көріп, дәрігерлермен пікірлесті. Мұнан соң "Нұр Отан" партиясы аудандық филиалында қоғамдық қабылдау өткізді.

Депутаттар Қазалы локомотив жөндеу зауытында да болды.

http://syrboyi.kz/negizginews/19354-mzhls-deputattary-azaly-audanynda.html