Ауа райы
Мерекелер

АИТВ (ВИЧ) ауруынан сақ болайық!АИТВ (ВИЧ) инфекциясы бір ғана медициналық құрылымның мәселесі емес, қоғамның барлық сатысындағы серіктестестік ұйымдардың да проблемасына айналып отыр. АИТВ инфекциясының алдын алу мәселесінің маңыздылығы инфекцияны жұқтырып тіркелген адамдардың санының артуымен анықталатыны белгілі.

Қазіргі таңда инфекция ауқымды түрде таралып келеді, сондықтан бұл жағдай аурудың қауіптілігін сезінетін қоғамдық ұйымдардың да алаңдатушылығын тудыруда.

Инфекцияның зардаптары бүгінде дамудың барлық аспектілеріне, яғни кедейлік деңгейін төмендетуге, білім саласына, инновациялық технологияларды жетілдіруде, адам құқықтарына өз зардабын тигізуде.

Дүниежүзілік денсаулық сақтау ұйымының мәліметтеріне сай, жер шарында ЖИТС (СПИД) адам өміріне аса қауіпті аурулардың біріне жатады. Статистикалық мәліметтерге сүйенсек, АИТВ (ВИЧ) вирусынан 30 жыл ішінде 25 млн. астам адам қайтыс болды, 50 млн. астам адам осы вируспен өмір сүруде. Бұл инфекция адамдардың жынысына, жасына, ұлтына, әлеуметтік жағдайына қарамайтын аса қатерлі жұқпалы дерт және әлі күнге дейін адам ағзасын вирустан толық тазартатын дәрілік препараттар табылған жоқ.

Қазіргі таңда Қазақстан Республикасында барлығы 24645 АИТВ жұқтырған адам тіркеліп отыр. Үстіміздегі жылдың 1 айында 236 адамнан (оның 221-і ҚР азаматтары) осы инфекция анықталды. Тіркелгендердің 33%-ын инъекциялық есірткі тұтынушылар құраса, 48%-ын жыныстық қатынас арқылы жұқтырғандар құрауда. Аталмыш инфекциядан біздің облысымыз да шет қалған жоқ. Қызылорда облысында АИТВ-ның алғашқы оқиғасы 1990 жылы анықталса, сол сәттен бері 92 ҚР-ның азаматынан АИТВ жұқпасы анықталды. Жұғу жолдары бойынша 92 адамның 32-і (34,7%) инъекциялық есірткі тұтынушы, 51-і (55,4%) жыныстық қатынас арқылы және 2-еуі (2,2%) анасының жатырында жұқтырған, 1-нің (1,2%) жұғу жолы белгісіз, 5-і (5,4%) ерлермен жыныстық қатынас жасайтын еркек (гомосексуалист) арасында анықталуда. 92 адамның 32-і (34,8%) әйел, 60-ы (65,2 %) еркек.

2015 жылдың 1 айында облыста 3 адамнан АИТВ инфекциясы анықталды, оның 2-уі Қызылорда қаласының тұрғыны, 1-еуі Қазалы ауданынан. Жұғу жолына келер болсақ осы 3 адамның 2-і жыныстық қатынас арқылы, 1-і ерлермен жыныстық қатынас жасайтын ерлер арасында тіркелген. Қазіргі таңда АИТВ инфекциясы тіркелмеген бірде бір елді мекен қалған жоқ. Мысалы Қазалыда - 8, Арал - 2, Қармақшыда - 2, Сырдарияда - 1, Шиеліде - 7, Жаңақорғанда - 2, Жалағашта - 1.

Жұқтырылған ауруды емдеуге қарағанда, АИТВ-ны жұқтырудан сақтану анағұрлым маңызды екенін есте сақтау қажет. Бұл жағдай бізді және біздің жақындарымызды айналып өтуі үшін бар күшті салған жөн. Дегенмен, әрбір адамның өз мінез-құлқына, тәрбиесіне жауап беруі тиіс. Бұл ауру ауа арқылы және тұрмыстық жағдайда жұқпайды. Оның тек 3 түрлі жұғу жолы бар.

1. Қан арқылы

2. Жыныстық қатынас арқылы.

3. Анадан баласына жүктілік, босану, емізу кезінде жұғуы мүмкін.

Егер сен салауатты өмір салтын ұстансаң, есірткіден, ішкіліктен бас тартсаң, кездейсоқ, ретсіз жыныстық қатынастардан аулақ болсаң бұл дерттің сені айналып өтері сөзсіз. Қорыта келе айтарым, ауруға ем іздегенше ауырмаудың жолын іздейік, ағайын!

 

Асель ОРАЗАЛИЕВА,

ЖИТС орталығының

баспасөз хатшысы

Сурет www.aids.zhambyl.kz сайтынан алынды

Сирийский врач объяснил, почему полезно пускать людям кровьФото: kerekinfo.kz

 

После публикации жутковатых фотографийо мусульманском кровопускании, корреспондентИА «NewTimes.kz»нашел врача из Сирии, который практикует «хиджаму» в Алматы. Абдулджа бар Коурани имеет высшее медицинское образование и лечит людей этим необычным для западной цивилизации методом уже 15 лет. Он рассказал кому и в каких случаях рекомендована «хиджама».

- Аль-ходжами – это сунна (наследие) пророка, да благословит его Аллах и приветствует. С точки зрения медицины выпускание периферической венозной крови со спины и головы путем установки вакуумных банок на месте мелких надрезов – это провоцирование активности костного мозга на вырабатывание новых кровяных клеток. При этом очищается печень, и селезенка, которые так же участвуют в обновлении крови.

Часть крови, называемая «дипо», активно не участвует в кровообращении, она выполняет запасную функцию на случай кровопотери при ранениях, операциях и родах. Если ее удалить, в организме начинается перемещение крови.

Процедура аль-ходжами показана прежде всего для людей с малоподвижной, «сидячей» работой, это водители, конторские служащие, у которых повышенный риск возникновения варикоза и простатита. Кроме перемещения крови, аль-ходжами дает полное обновление организма на клеточном уровне.

Естественно, ко мне обращаются прежде всего люди с аденомой простаты, с заболеваниями печени, после прохождения лекарственных курсов, подвергающих организм длительным интоксикациям. После первого же кровопускания нормализуется повышенное давление, улучшается иммунитет. «Сухие» вакуумные банки без надрезов, снимают напряжение в мышцах, и проходит боль в спине и шее, что так же снимает связанные с ними головные боли. Быстро проходят угревые высыпания на коже, после выпускания крови с затылка и макушки, моментально обостряется зрение.

Кроме того, кровопускание положительно влияет на репродуктивную функцию, особенно у мужчин, оно улучшает спермограмму и усиливает производство активных сперматозоидов.

Главное условие проведения аль-ходжами – стерильность. Нежелательно делать кровопускание человеку без медицинского образования, потому, что некоторые клиенты, особенно впервые, теряют сознание, и нужно уметь правильно выводить из обморока.

Аль-ходжами очень простая процедура, но так же имеет и противопоказания, это острые периоды любых болезней, беременность, детский возраст (детям до 20 лет делаю кровопускания только при сильной необходимости), онкологические заболевания 3-4 степени, 1-2 степени допускается, но под строгим контролем лечащего врача и обязательно после анализа крови.

Отдельной статьей идет тромбоз. В этом случае ходжами категорически противопоказана, так как в последствие, или прямо в ходе процедуры может случиться инфаркт, или инсульт. Кроме того, что может оторваться тромб, во время и после кровопускания многократно усиливается образование лейкоцитов, клеток отвечающих за свертываемость крови. В случае тромбоза есть альтернативный метод кровопускания – гирудотерапия - лечение пиявками.

Я являюсь противником «традиционной» медицины с ее медикаментозным лечением и операционными вмешательствами, и советую всем людям правильно питаться, правильно мыслить, и заблаговременно заботиться о своем здоровье. Аль-ходжами проверенное веками средство укрепления здоровья и профилактики болезней, а западная медицина - это многомиллиардный бизнес, а не врачевание.

·

http://newtimes.kz/eksklyuziv/item/26784-sirijskij-vrach-ob-yasnil-pochemu-polezno-puskat-lyudyam-krov

Дұрыс тамақтану деген не?АСТАНА. ҚазАқпарат - Дұрыс тамақтану кезінде де көптеген тағамдардан бас тартуға тура келеді. Бірақ, күмәнданбаңыз, адам азғасы аталған тағамдарсыз-ақ өз қалыпты сақтай алады.

Адам сенгісіз нәтижесі туралы уәде беріп, ең соңында денсаулықты құртатын диеталардан «Дұрыс тамақтану жүйесінің» айырмашылығы қандай?

Кез келген диета - бұл тамақтану рационынан адам ағзасына өте қажетті тағамдарды түгелдей немесе біртіндеп алып тастау ғана емес. Ерте ме, кеш пе, әйтеуір, диетаның зардабын тартатын күн туады. Ал диета аяқталып, адам күнделікті тамақтану режиміне оралған кезде, онымен бірге артық салмақтар да қайта оралады. Дұрыс тамақтану - бұл диета емес, салауатты өмір салты.

Диета - өте қиын нәрсе. Мейлі, белгілі бір уақытқа болса да, диета сақтаған кезде көптеген тағамдарды жеуге рұқсат етілмейді. Ал дұрыс тамақтану жүйесіндегі қағидаларды ұстансаңыз, сіз тек газды тәтті сусын, фастфуд және жартылай фабрикаттарды жеуден бас тартасыз.

Арықтау үшін дұрыс тамақтану жүйесін сақтау - бұл аса қиын емес бірнеше ереже мен міндеттердің жиынтығы. Кез келген әдіс 40 күн ішінде жасалатыны анық. Бұл ережелерді сақтану арқылы сіз бір жарым айда дұрыс тамақтануға ден қойып, өз ағзаңызды қалыпқа келтіресіз. Сонымен, бастайық.

Бір стакан ыстық су - таңертегісін қабылдайтын ең бірінші ас болмақ. Мейілінде, таза ыстық су ішуге тырысыңыз, себебі, ыстық су асқазанды ас қалдықтарынан тазартып, ағзадағы барлық жүйелерді бірқалыпқа келтіреді. Тек қана су ішпей, стаканға лимон шырыны мен бір қасық балды, зімбір шырын мен ұсақталған корицаны қосып жіберсеңіз де болады. Бұл қоспалар ағзадағы зат алмасуды жақсартады. Таңғы асты 15-30 минуттан соң ішу керек.

Күні бойы су ішуді қолға алыңыз. Егер рұқсат етілсе, бір күнді 2 литр таза су ішкен жөн. Әр сағат сайын бір стакан су ішуге ден қойыңыз. Сонда сіз ісінудің азайғанын, алқынудың жоғалғанын, ал тамаққа тәбет ашылғанын байқайсыз.

Бала бақшадағы секілді, күніне 4-5 рет шағын мөлшерде тамақтануды үйреніңіз. Ас қабылдау арасындағы ұзақ уақыт ас мөлшері көбейіп, тамақты артығымен жегізіп, адам аранын ашып жібереді.

Жатар алдында көп тамақ жемеңіз. Сағат кешкі 18:00-ден соң тамақ ішпеу керек деген қағиданы ұстанып, қарныңыз ашып қалмасын. Ең соңғы ас қабылдау жатардан үш сағат бұрын болуы керек. Егер сіз түн ортасында ұйықтайтын болсаңыз, кешкі асты 21-00-де қабылдаңыз.

Керек кеңес confederation.kz сайтынан алынды.

 

http://inform.kz/kaz/article/2869579

ДЕНСАУЛЫҚ: Балды массаждың пайдасы неде?АСТАНА. ҚазАқпарат - Балды массаж бізге ежелгі Тибеттен келген,бірақ ол көне Русь елінде бал молынан болған соң сол жерлерде жақсы дамыған. Балды массаж жайлы естіген боларсыз,бірақ оның пайдалылығы жайлы толық білмеуіңіз мүмкін. Сондықтан біз осы массаждың пайдалылығы жайлы сіздермен бөліспекпіз.

Барлық мамандар балды массаждың химиялық препараттарға қарағанда берері мол деп отыр.

Алдымен балды массаж барлығына да бола бермейтінін ескертуіміз керек. Оны гипертониясы, дене температурасы жоғары, түгі мол адамдарға қолданбау керек. Басқа адамдарға ол тек пайдасын тигізеді. Ол тері тесіктері арқылы шлактарды шығарып, көңіл күйіңізді көтеріп, сергектік сыйлайды. Сонымен балды массаждың қандай пайдасы бар?

Бал ол - табиғи өнім, оның құрамы адам ағзасына керекті элементтерге толы.

Бал құрамындағы заттар адам денесіне сіңіп, оны түбегейлі тазартады. 15 минуттан кейін ол жалтырап тұрған балдың түсі қоңырлана түседі. Балдың түсінің өзгеруі ол тері арасындағы шлактарды алып шығуда. Ал тері жұмсарып және тері көздері тұздармен шлактардан тазартады. Массаждың осы түрі - целлюлитпен күресіп жүрген әйелдерге таптырмас әдіс. Олардан толық құтылу үшін,бір емес бірнеше балды массажды курс қабылдауы керек.

Балды массаж тек косметологиялық жағынан емес, басқа да жағынан пайдалы. Бәрімізге белгілі, біздің ішкі ағзаларымыз, буындарымыз, бұлшық еттерімен терімен тығыз байланыста. Ал сол массаж тері тесіктерінің көзін ашып, сонымен қатар ішкі ағзаларды да тазарта алады. Сізде зат алмасу процесі жақсарады. Осы массаж түрін қолданған нәзік жандылар, өздерінде қанат пайда болғанын айтып жатады.

Балды массаж жүйке жүйесіне пайдалы. Ол стресте және ұйқы бұзылғанда көмекке келеді. Балды массажды тек сұлулық жағынан керек деп ойламаңыз.

Мысалы, ішке де балды массаж жасай аласыз. Ол үшін:2 шай қасық табиғи балға бірнеше тамшы кез келген эфирлі май қосыңыз. Балды алақаныңызбен ысқылап, ішіңізді шапалақап койыңыз. Дауа барысында бал қоюлана түсіп, қол мен ішіңізге жабысады. Осылайша вакуум әсері орын алып, массажды одан әрі әсерлі қылады. Бал ағара бастаған сәтте, тереңізден зиянды заттар бөлінгенін біліңіз. Оны жылы сумен сүртіп, қайта бал жағып, массажды жалғастырыңыз. Бұл емге 20 минут жарап жатыр, деп жазады anabol.kz.

Остеохондрозда табылмас ем. Адамның әдемі жүруі оның омыртқасына байланысты. Егер сізде арқаңызда және мойыныңызда тұз жиналған болса,сізге керегі осы. Омыртқа ол су ағатын арық секілді. Сіз жылына бір рет болса да артық қоқыстардан тазартасыз. Сол секілді жылына бір рет омыртқаны шлактар мен тұздардан тазартып тұру керек.

 

http://inform.kz/kaz/article/2868716

КЕРЕК КЕҢЕС: Миға кері әсер ететін 10 нәрсеАСТАНА. ҚазАқпарат - Ми-адам ағзасының ең басты мүшесі. Біз онсыз өмір сүре алмаймыз. Ал бүгінгі таңда, яғни ХХI ғасырда мамандықтардың басым көпшілігі ақылды керек етеді. Сондықтан біз миымызды қорғауымыз керек. Алайда ақыл-ойымызға кері әсерін тигізетін әдеттер бар.

Ғалымдардың айтуынша, үндемей отыра беру де миға әсер етеді екен. Ал әңгіме айтып, әрдайым белсенді жүрсеңіз, жаңа сөздер үйренесіз, миыңызды жаттықтырасыз. Олай болса, миға теріс әсер ететін әдеттерме таныс болыңыз.

1. Ұйқының қанбауы. Бәріне таныс бұл құбылыс елеулі мәселеге айналып барады. БДҰ-ның мәліметінше, соңғы 100 жылда адамзат ұйықтау уақытын орташа есеппен 20%-ға азайтқан. Ұйқысыздықтың салдарынан адам сергек күйінде мидың әр жері баяу ұйқы фазасына ауыса бастайды. Бұл уақытта адам бір нүктеге «қадалып» қалады, бытыраңқы жүреді, ұсақ моторикасы бұзылады. Ұдайы ұйқысыздық ми жасушаларының өлуіне әкеп соғады.

2. Таңғы ас ішпеу. Таңғы ас ішпеу адамның еңбекке қабілеттілігі мен күні бойғы тонусына кері әсер етеді. Бұл түсінікті жайт болып көрінуі мүмкін, алайда мұнда тек ағзаға қажетті қуат алу мәселесі ғана емес, таңғы асты ішпеу қандағы қант мөлшерін азайтады. Ал бұл өз кезегінде, миға нәрлі заттардың жетуін төмендетеді және қиындатады.

3. Артық қант мөлшері. Алдыңғы тармақта мидың өнімді жұмыс істеуі үшін тәттіні, әсіресе ащы шоколадты не үшін жеу керектігі түсіндірілді. Алайда ағзада қанттың шамадан тыс көп болуы ақуыз бен нәрлі заттарды сіңіруді қиындатады. Нәтижесінде қант деңгейі төмен болған жағдай қайталанады: нәрлі заттар миға жетпей қалады.

4. Стресс. Қатты психоэмоционалдық стресс нейрондар арасындағы арақатынасты ажыратып, жағдайлардың себеп-салдар байланысын және жүйелілігін түсінуді қиындатады. Бұл жүйке жүйенің қатты қозуы мен шарасыздық сезімін тудырады. Жиналып қалған стресс есте сақтауды қиындатып, интеллектуалдық мүмкіндіктерді төмендетеді.

5. Антидепрессанттар мен ұйықтататын дәрілер. Жақсы әсер ететін дәрі-дәрмекке жаппай құмар болу мәселесі әсіресе АҚШ-та өзекті, себебі мұндай дәрілерді сатып алу оңай. Ұйықтататын дәрілер мен ксанакс сияқты танымал антидепрессанттарды ішу есті амнезияға дейін нашарлатуы мүмкін, сонымен қатар жарымес етіп, суицидтік ойларға жетелеуі мүмкін.

6. Темекі шегу. Темекі шегудің ағзаға кері әсері жайлы әңгіме қозғалғанда, ең әуелі қарайған өкпе мен құрттаған тістерді елестетеміз. Дегенмен темекінің миға қалай әсер ететіні жайлы көп айтылмайды: никотин қан тамырларын тарылтады. Миға нәрлі заттарды жеткізбеу сияқты кері әсерімен қатар, бұл зиянды әдет Альцгеймер ауруына шалдығу қатерін бірнеше есеге арттырады.

7. Күн. Адам ағзасына күн сәулесінің жетіспеуі адамның танымдық қасиеттеріне тікелей әсер етеді. Біріншіден, күн сәулесімен бірге алынатын ультракүлгін, қан айналымын реттейді, яғни оттегі мен нәрлі заттардың тасымалын. Екіншіден, күн сәулесі серотониннің - адамның көңіл күйіне әсер ететін гормонның бөлінуіне әсер етеді.

8. Су. Ағзаға судың жетіспеуі ми көлемінің кішірейуіне әкеледі, ал бұл оның еңбекке қабілеттілігін төмендетеді және ақпаратты сақтай алу қабілетін нөлдік деңгейге дейін түсіреді. Күніне шамамен 2 литр су ішу ұсынылады.

9. Шамадан тыс көп ақпарат. Жыл өткен сайын адам қабылдайтын ақпарат мөлшері өсіп келеді. Бұл миды жаттықтыру мен оны қалыпты деңгейде ұстап тұруға көмектесетін сияқты көрінеді. Бірақ шын мәнінде, шамадан тыс көп ақпаратқа ми қарсылықпен жауап береді. Ол ақпаратты мүлдем қабылдай алмай қалуы мүмкін, кейде тіпті көп нәрсе естен шығып кететін кездер болады.

10. Бір мезетте көп ақпаратты қабылдау. Ақпараттық дәуірдің тағы бір дерті: адам бір мезетте бірнеше ақпаратты игеруге тырысады. Нәтижесінде, бірде біреуі лайықты түрде сіңірілмейді, ал ес осы режимге үйрене бастайды. Ақпарат атүсті қабылданады, екіншісіне ауыспай, біреуіне ғана ден қойып орындау күн өткен сайын қиындай түседі.

 

Ақпарат ғаламтор беттерінен алынды.

 

http://m.inform.kz/kz/article/2868141

Жақсы ұйықтауға арналған 15 кеңесАСТАНА. ҚазАқпарат - ҚР Спорттық жекпе-жек және күш қолданылатын спорт түрлері конфедерациясының «confederation.kz» сайтында жария болған керек кеңесті оқырман назарына ұсынамыз. Сонымен, жақсы тынығу үшін қажет 15 кеңес қандай?

1.Ұйықтар алдында кітап оқымаңыз, теледидар көрмеңіз

Егер ұйықтар алдында теледидар көру немесе кітап оқу тез ұйықтауға көмектеседі деп ойласаңыз, қателесесіз. Кітап оқып немесе теледидар көргеннен кейін сіздің миыңыз бірнеше сағат бойы демалмайды. Сол себепті, тәтті ұйқыға кету үшін де тағы біраз уақыт жоғалтасыз. Әсіресе, түнімен ұйықтай алмайтын дертке ұшыраған жандар үшін ұйықтар алдында теледидар көрген қауіпті.

2. Ұйқыңыз келгенде ғана жастыққа бас қойыңыз

Жақсы ұйықтап, денсаулығыңызды бір қалыпта сақтау үшін ағзаңыз шаршап, шынымен ұйықтағыңыз келгенде ғана демалыңыз. Ешқашан да, «ұйықтайтын уақыт болды» деп жатып қалмаңыз. Егер сіз сағат 9-да жатып, түнгі 12-ге дейін ұйықтамайтын болсаңыз, бұл денсаулығыңыз зиянын тигізеді. Сонымен қатар, ұйқы режимі бұзылған соң, біраз уақытыңызды жоғалтасыз.

3. Ұйықтар алдында белсенді қимылдаудан бас тартыңыз

Мамандар кештің екінші бөлігінде белсенді қимылдаудан бас тарту керектігін айтады. Ертеңгі күннің жоспарлары мен түрлі мәселелерді ұйықтардан бір жарым сағат бұрын талқылағаныңыз жөн. Бұл уақыт ағзаның тынығуы үшін жеткілікті. Осыдан соң, жақсы ұйықтайтыныңызға толық кепілдік бар.

4. Тыныс алу жаттығуларын орындаңыз

Көптеген медицина мамандарының пікірінше, тыныс алу жаттығуларын орындау жақсы ұйықтаудың кепілі. Мұндай жаттығулар тәтті ұйқыға дайындық есебінде орындалады. Сонымен қатар, шаршағаныңызды басып, жақсы тынығуға әсерін тигізеді. Мамандар пікіріне сенсек, жатар алдында керіліп-созылу денсаулыққа өте пайдалы.

5. Еркін демалатын істермен шұғылданыңыз

Кереует - жақсы ұйықтап, демалатын орын. Егер сіздің 15-20 минут бойы ұйқыңыз келмесе, басқа нәрсемен айналысу керек. Мысалы, өзіңізді тыныштандыратын іспен айналыссаңыз, бұл жақсы ұйықтауға әсерін тигізеді.

6. Жатар алдында ұйықтайтын бөлменің ауасын тазартыпалыңыз

Жақсы демалу үшін таза ауа қажеттігі бәріне белгілі жайт. Сондықтан, күн сайын ұйықтайтын бөлмені желдетіп алу керек. Оның үстіне, жатын бөлмедегі ауа таза болған сайын, салқынырақ болатынын ұмытпаңыз. Ал дәл осындай жағдай сіздің тәтті ұйқыға тез берілуіңізге көмектеседі.

7. Қой санаудың қажеті жоқ

Үлкендер жағының ұйқысы келмесе қой немесе піл санайтын әдеті бар. Ал шын мәнінде мұның ұйқыға еш әсері жоқ. Егер дұрыстап бағамдасаңыз, санауға кіріскен соң, ми күндізгі уақыттағы секілді, белсенді жұмыс істейді. Бұл сіздің тезірек ұйықтауыңызға әсер етпейді. Сондықтан, жатар алдында ештеңе санамаған жөн.

8. Кешкісін спортпен шұғылданбаңыз

Ұйықтар алдында физикалық тұрғыда белсенді қимылдау ұйқыға кері әсер ететінін психологтар баяғыда дәлелдеді. Ағза түгелдей белсенді жұмысқа кіріскен соң, ұйқының ауылы алыстап кетеді. Егер сіз кешкісін жүгіріп келуді әдетке айналдырсаңыз, бұл жаттығуды ұйықтардан 2-3 сағат бұрын орындаған дұрыс. Ағза демалып, ұйықтар алдында қандай да бір қиындық болмау үшін бұл уақыт жеткілікті.

9. Ұйықтар алдында көп тамақ жемеңіз

Ұйықтар алдында ешқашан көп тамақ жеуге болмайды. Мейілінше, жатардан 2-3 сағат бұрын тамақтанған жөн. Осы уақыт аралығында асқазандағы ас қорытылып, ағза демалуға дайын болады. Егер қарныңызды тойдырып алып, ұйықтауға бет алсаңыз, ағза бір түннің ішінде толыққанды қалпына келмейді де, келесі күні өзіңізді жайсыз сезінесіз.

10. Күндіз қалғымаңыз

Күндізгі уақытта қалғып кету әркімде бар әдет. Алайда, мейілінше бұл әдеттен құтылуға тырысыңыз. Себебі, күндіз қалғыған түнде жақсы ұйықтауға кері әсер етеді. Ағза миға демалып, ұйықтайтын уақыт болғаны жөнінде сигнал береді. Ал бұл бар болғаны қалғу болған соң, тез үзіліп қалады. Сол себепті, кешкісін ұйықтау сіз үшін үлкен қиындық тудырмақ.

11. Өзіңізді қинап ұйықтауға тырыспаңыз

Кейде түн ортасында оянып кетіп, қайтадан ұйықтай алмайтын кездер болады. Мұндай уақытта өзіңізді қинап ұйықтауға тырыспаңыз. Мамандар мұндай кезде төсектен тұрып, басқа тыныштандыратын шаруамен айналысу дұрыстығын айтады. Тек шаршап, ұйқыңыз келгенде ғана қайтадан жастыққа бас қойыңыз.

12. Жатар алдында алкогольді өнім қабылдамаңыз және шылым шекпеңіз

Шылым және алкоголь сіздің денсаулығыңызға ғана емес, жақсы ұйықтауыңызға да кері әсер етеді. Сондай-ақ, жатар алдында кофе ішпегеніңіз жөн. Бұл заттардың барлығы мидың белсенді жұмыс істеуіне әкеледі. Сондықтан, ұйықтап кету қиындық тудырады. Көпшіліктің пікірінше, алкоголь өнімдерін қабылдаған соң, ұйықтап кету оңай секілді көрінеді. Алайда, бұл пікір дұрыс емес. Керісінше, дәл осы қалыпта ұйықтау сіздің денсаулығыңызға кері әсерін тигізеді.

13. Қорқынышты түстерден қорықпаңыз

Кейде түн ішінде қорқынышты түстен оянып кететін кездер бәріміздің өмірімізде кездеседі. Бұл жағдайда, түсті жақсыға жорып жатыңыз.

14. Жан дүниеңізді тыныштандыратын әуендер тыңдаңыз

Егер тезірек ұйқыңыз келгенін қаласаңыз, музыка тыңдаған дұрыс. Бұл жерде әңгіме асықпай орындалатын әуендер турасында. Әсіресе, ұйықтар алдында классикалық әуендер тыңдауға кеңес береміз. Бұл ағзаның демалуы мен сіздің жақсы ұйықтауыңызға көп көмектеседі. Егер сіз мұндай әуендерді аутотренингпен байланыстырсаңыз, әсері жақсырақ болады.

15. Бір шай қасық балдан бас тартпаңыз

Балдың адам ағзасын босаңсытып, ұйқы шақыратын құрал ретінде қолданылатыны бағзы заманнан бері белгілі. Сол себепті, ұйықтардан жарты сағат бұрын бір стакан бал қосылған жылы су ішкен жөн. Мұндай сусын жақсы ұйықтауға ғана емес, жүйке жүйесін қатайтуға көмектеседі.

 

http://www.inform.kz/kaz/article/2867957

ДЕНСАУЛЫҚ: Тұмау тиген кезде кір сабынның пайдасы барАСТАНА. ҚазАқпарат - Қазіргі таңда біз кірсабынды киім жуғанда көмекші құрал ретінде ғана пайдаланатын болдық. Бірақ оның адам денсаулығына тигізер пайдасы да мол.

•Мәселен, адамның қолына тікен немесе ағаштың жаңқасы кіріп кеткен жағдайда оны инемен тескілеп, жанымызды ауыртамыз. Осындайда кір сабынды жылы суға езіп, дәкеге қалыңдау етіп жағып, тікен кірген жерге таңып қойсаңыз, бір сағаттың ішінде тікен өзінен-өзі сыртқа шығады.

•Егер шашыңыз қалың әрі ұзын болғанын қаласаңыз, онда мамандар шашыңызды кір сабынмен жууға кеңес береді. Сусабынды пайдаланып болғаннан соң, артынша басты кір сабынмен жуу керек. Содан соң суға бір-екі тамшы сірке суын қосып шашты қайта жусаңыз, шаштың түбін қатайтуға көмектеседі. Оған қоса, шаш түсе бастағанда дәрігерлер кір сабынмен жуынуға кеңес береді.

•Бетті аптасына екі рет кір сабынмен жуу керек. Ол беттің тері қабатына терең сіңіп, бетті майланудан сақтайды. Кір сабынмен жуынғаннан кейін, артынан балаларға арналған крем жағуды ұмытпаңыз.

•Моншаға түсуді ұнататындарға кеңес. Буға түсерде сыпырғыны кір сабын салынған суға батырып қолданса, теріңіз тазарып қана қоймай, денеңіз сергіп қалады.

•Сулы беторамалды кір сабынға үйкеп, ащы иісін 5-10 минуттан күніне үш рет иіскеп тұрған адам тұмауынан айығады.

•Іріңдеген жараларға сықпа майын жаға бергеннен, кір сабынның көмегін пайдаланған да пайдалы. Ол үшін кір сабынды ірі үккіштен өткізіп, табаға ені 1 сантиметр етіп жаймалап салыңыз. Үстінен сабынның көлемінен екі есе асатындай етіп сүт құйып, әбден қою болғанша баяу отта бір жарым сағат бойы қайнатыңыз. Суыған осы қоспаны жұқалап қағаз бетіне жағып, жара үстіне дәкемен орап қойсаңыз жетіп жатыр. Үш күн қайталасаңыз жараның іріңдеуі қойып, тез жазылып кетеді.

•Көгерген, жарақаттанған жеріңізді кір сабынмен жусаңыз, жараны асқынуынан және микроб тусуінен қорғайды. Жараның бетін күніне екі-үш рет жусаңыз жеткілікті.

•Күйіп қалған жараға (суға немесе отқа күйгенде) сабынды езіп жақсаңыз ісікті қайтарып, ауырғанын басады.

•Дәрі-дәрмектен, улы заттардан абайсызда уланғанда немесе сәбилер металл заттарды жұтып қойғанда, аздап сабын суын ішкізіп, аууханаға жеткізуден бұрын шұғыл алдын алу шарасын жүргізуге болады. Оны қолдануда көңіл бөлетін тұстар: әсте көп мөлшерде ішкізіп жіберуге болмайды. Таза сабынды жұқа жапырақтап турап, қайнаған жылы суға ерітеді. Сосын, ересек адамға 300-500 мл, ал балаларға 100-200 мл ішкізсеңіз улы зат құсықпен бірге түседі. Және маталл заттардың асқазанды зақымдауынан сақтана тұруға болады.
•Ит тістеп алған жағдайда қан тоқтағаннан кейін жараға сабын ертіндісіне малынған дәкені басыңыз.

•Құлап қалған жағдайда дереу кір сабынды жағыңыз,ол көгеруден сақтайды.

•Ер адамдар қырынғаннан кейін тері тітіркенсе, кір сабынмен сабындап қоюға болады. Көпіршік кебуін күтіп, кепкеннен кейін сумен шайыңыз.

Керек кеңес Интернеттен алынды.

http://www.inform.kz/kaz/article/2868172

 

Біліктілікті анықтау неге ақылы?Астана. Baq.kz – Өткен аптада бірқатар басылымдар әлеуметтік желі қолданушыларының мәліметіне сүйене отырып, медициналық қызметкерлер жұмысқа рұқсат алу үшін 25 мың теңгеге дейін ақы төлеуі тиіс деген ақпарат таратқан болатын.

Алайда бұл ақпаратты Денсаулық сақтауды дамыту орталығының өкілдері жоққа шығарып, әңгіме сертификат алу үшін қажетті бағалау шарасына төленетін 2950 теңге туралы екендігін мәлімдеген еді. Ал 13 мың мен 25 мың теңге аралығындағы категория алу шарасы ерікті жүргізіліп, бұл үшін медицина қызметкерлеріне ай сайын үстемақы төленеді екен. Дегенмен, бағалау шарасының ақылы жүргізілуіне көңіл толмағандар да табылып, өз наразылықтарын әлеуметтік парақшаларында білдіріп жатты. Осыған орай, біз аталған мәселе бойынша еліміздегі көптеген медициналық мекемелердің басын қосып отырған Ұлттық денсаулық сақтау палатасының басқарма төрағасы, медицина ғылымдарының докторы, профессор Қадыр Тоқтамысұлы Омаровпен сұхбаттасқан едік.

– Қадыр Тоқтамысұлы, дәрігерлер мен мейіргерлерді сертификаттау не үшін қажет? Жекелеген дәрігерлер әлеуметтік желіде «онсыз да жалақымыз мардымды емес, біліктілігімізді бағалау үшін неліктен ақша төлеуіміз керек?» деген пікір білдіріпті. Бұған не дейсіз?

– Медицина саласының қызметi кез келген елде мемлекет тарапынан қатаң реттеледі. Мұның себебін түсіндіріп жатудың қажеті болмас, әңгіме адамдардың қауіпсіздігі және денсаулығы туралы болғандықтан, медициналық қызмет сапасы әрдайым басты назарда болуы тиіс. Дәрігерлердің білімін тәуелсіз бағалау – әлемнің басым елдерінде енгізілген тәжірибе. Қазақстанда медицина қызметкерлерінің клиникалық тәжірибеге, яғни науқас емдеуге кірісу үшін міндетті түрде сертификат алу қажеттігі «Халық денсаулығы және денсаулық сақтау жүйесі туралы» кодексте белгіленген. Сонымен қатар сала мамандарының білімін және білігін бағалаудың тәуелсіз жүйесін қалыптастыру мәселесі 2016-2019 жылдарға арналған «Денсаулық» бағдарламасында да қарастырылған.
Дәрігер қауымының өз біліктілігін тәуелсіз ұйымдарда растауы, жоғарыда айтып кеткендей, бүкіл әлемде қалыптаcқан тәжірибе. Бірақ оның тәртібі, төленетін ақысы да, әлбетте әр елде өзгеше. Шетелдердің көбісінде бұл қызмет түріне лицензия беріледі. Бұл үшін ақыны сол дәрігерлердің кәсіби қауымдастықтары төлейді. Есесіне, дәрігер осындай қауымдастыққа мүше болуы міндетті және ол үшін жүйелі түрде жарна төлеп тұрады. Егер маман заңға томпақ әрекетке барса, болмаса өрескел қате жіберсе, онда оның әрекеті үшін сол қауымдастық та жауап береді әрі мұндай дәрігер клиникалық тәжірибемен айналысу құқынан мүлде айырылуы мүмкін. Жалпы, клиникалық тәжірибемен айналысу үшін шетелдерде де маман көптеген дайындық сатысынан өтіп, тәжірибе жинап, біліктілігін дәлелдеуі тиіс. Сонда ғана адам емдеу құқына қол жеткізе алады.

– Лицензия алу үшін емтиханнан өтуге шетелдерде қанша қаржы төлейді?

– АҚШ-та бұл шамамен 3-4 мың доллар шамасында. Канадада бірінші кезең – 980 – 1470 доллар шамасында; екінші кезең – 2350 – 3525 доллар шамасында. Ал бұл үшін төленетін ақыны салыстырар болсақ, Қазақстанда дәрігер сертификатын бес жылда бір жаңартуы тиіс. Ақысы 3 мың теңгеге жуық. Шетелде сертификаттау, категория беру деген ұғым жоқ. Онда дәрігерлер лицензия бойынша жұмыс істейді. Бірақ көріп отырғандарыңыздай, лицензия алу тәртібі де әлдеқайда қатаң, оған ие болу үшін тапсырылатын емтихан ақысы бізден жүздеген, мыңдаған есе қымбат.

– Ал бізде неліктен осындай тәжірибе енгізбеске?

– Елімізде биылдан бастап міндетті әлеуметтік медициналық сақтандыру енгізілгеннен кейін медицина мамандарының жұмысын дифференциалды бағалау жүйесі енгізіліп, бірте-бірте бізде де лицензиялау болатынына сенімдімін. Бұл мәселе тиісті мемлекеттік бағдарламаларда да көрініс тапқан. Ал әзірге медициналық сала қызметкерлерін білімін жүйелі жетілдіруге, кәсіби біліктілігін арттыруға ынталандыру үшін кеңестік кезеңнен қалған категория ұғымы әлі сақталып келеді. Оны алу-алмау мәселесін әр дәрігер өз еркімен шешеді. Категорияның үш түрі бар. Екінші, бірінші және жоғары. Категорияға өтуге мүдделі маман білігін растау үшін емтихан тапсырады. Оның теориялық білімі және тәжірибелік дағдылары тексеріліп, тиісті бағасы жазылған куәлік беріледі. Осы куәлік бойынша ол қосымша құжаттарын тапсырып, құзырлы мемлекеттік органнан категориясын алады. Категория үшін шамамен 11 мың теңгеден 26 мың теңгеге дейін ай сайынғы жалақысына үстеме төленеді. Бес жыл ішінде бұл үстемақы 690 мыңнан 1,5 млн теңгеге дейін жетеді. Есептер болсақ, бағалаушы ұйымның қызметіне төленетін пұл 5 жыл ішінде маманның үстемақы ретінде алатын табысының 1,7 пайызын құрайды. Сондықтан ақылы бағалау медицина мамандарының қалтасына ауыр тиеді деу артық болар.

– Бұрын бұл қызмет тегін көрсетіліп келген еді. Ал биылдан бастап ақылы негізге көшіріліпті. Мұның себебі неде?

– Бұрын бұл шараны министрлік құрамындағы құзырлы орган жүргізетін және де ол тест тапсыру мен әңгімелеу сынды екі кезеңнен тұратын. Бетпе-бет әңгіме жүргізу шын мәнісінде, бағалаудың әділдігіне күмән келтіретіні белгілі. Сондықтан әлемдік тәжірибеге сәйкес бұл кезең мамандардың нақты білігін анықтау шарасына өзгертілді. Онда дәрігерлер мен мейірбикелер адамның ағзасындағы түрлі ауытқуларды айна-қатесіз сипаттайтын стимулятор-роботтарға көмек көрсету арқылы білігін көрсетеді. Жалпы, тәуелсіз бағалау жүйесі елімізде былтыр күшіне еніп, бәсекелі ортаға берілді. Осындай бағалауды жүргізуге ниетті ұйымдар құзырлы органға ұлттық аккредитация өтуге өтінім берді. Алайда оның ішінде кадрлық, материалдық-техникалық ресурсын дәлелдеп, аккредиттеуден өткен тек қана Біліктілікті және білімді бағалау республикалық орталығы болды. Бұл құрылым Республикалық денсаулық сақтауды дамыту орталығының құрамында жұмыс істейді. Орталық бірнеше жыл бұрын Әлемдік банк пен Қазақстан Үкіметінің арасында денсаулық сақтау саласында институттық реформа жүргізу жобасының аясында құрылған болатын. Осы уақыт ішінде орталық пилотты режимде жұмыс істеп, үлкен тәжірибе жанақтады, мамандарды дайындады, Қазақстанның өзіндік бағалау жүйесін жасақтады. Әзірге медицина мамандарын бағалау құқына ие болған тек осы орталық қана. Ал болашақта мұндай ұйымдар саны арта түсетіні күмәнсіз.

– Былтыр аккредитация алғаннан кейін орталық алғашқы бағалау шарасын тегін жүргізген екен. Дәрігерлер «неліктен биыл ақылы тапсыруымыз керек?» деген сауал қоюда. Бұған не дейсіз?

– Себебі ол кезде Әлемдік банк тарапынан бұл шараға қаржы қарастырылған болатын. Ал қазір бағалау ұйымның өз есебінен жүргізіледі. Яғни ғимарат жалдаудан бастап, емтихан сұрақтарын жаңалауға, сынаққа тәуелсіз сарапшыларды тартуға, компьютерлік жүйелерге қызмет көрсетуге, жоғарыда айтып кеткен робот-манекендерді бұзылған жағдайда жөндеп, қалпына келтіруге, оларға техникалық қызмет көр-сетуге, тіпті қағаз сатып алуға да қаражат кететіні мәлім ғой. Біз бұл шығындарды есептеп көрдік, шын мәнісінде, емтихан өтуге белгіленген баға осы шығындардың құнынан аспайды.

– Медицина саласының өкілі ретінде біліктілікті растау бұл сала мамандары үшін қажет деп ойлайсыз ба?

– Әлбетте қажет. Себебі дәл қазіргі жағдайда бұл саланың қызмет сапасын әлемдік деңгейге жеткізу үшін өте көп жұмыс жасауымыз керек. Мемлекет тарапынан денсаулық сақтау мекемелерінің материалдық-техникалық жағдайын жақсарту үшін қыруар қаржы жұмсалып, көптеген жұмыс атқарылды. Бірақ медициналық қызмет сапасын қамтамасыз ету үшін кадрлардың біліктілігі үлкен рөл атқарады. Сондықтан дәрігерлерді оқу орындарының қабырғасында дайындау сатысынан бастап олардың білімін, білігін тәуелсіз бағалап, кемшін тұстарын толықтырып отыру үшін осындай тәжірибе бізде де енгізіліп отыр. Меніңше, медицина саласының мамандары бұған үрке қарамай, керісінше, өзінің кәсіби деңгейін көтерудің жолы ретінде қабылдауы тиіс.

– Әңгімеңізге рақмет!



Сұхбаттасқан
Бейсенбай ДӘУЛЕТҰЛЫ

https://baq.kz/kk/news/ult-sauligi/biliktilikti-aniktau-nege-akili-79274

Қазақстанда доңыз тұмауынан тағы бір адам көз жұмдыҚазақстанда доңыз тұмауынан көз жұмған тағы бір адам тіркелді. 33 жастағы Қарағандының тұрғыны ауруы асқынған кезде дәрігерлер көмегіне жүгінген. Бұл туралы Қарағанды облысының Денсаулық сақтау басқармасы басшысының орынбасары Гүлбан Мамалинова мәлімдеді.

 

Бұл өз тарапынан қарағандылықтардың денсаулыққа жауапкершілікпен қарауына сеп болды. Өйткені дәріханаларда адам саны көбейіп, тұмаудың алдын- алу шараларына көшкен. Дегенмен дәрігерлер дер кезінде ем алса, қорқудың қажеті жоқ дейді.Бұл мәселе тікелей Денсаулық сақтау және әлеуметтік даму министрлігінің назарында. Ақпарға сүйенсек, жыл басынан бері елімізде тұмаумен ауырған 245 адам ауруханаға түскен.

http://www.almaty.tv/kz/newsline/news/aza-standa-do-yz-t-mauynan-ta-y-b-r-adam-k-z-zh-md.html

ДЕНСАУЛЫҚ: Тыртықтан қалай арылуға болады?



АСТАНА. ҚазАқпарат - Түрлі себептермен болған жарақаттан қалатын тыртықтан арылу жолдары жетерлік. Солардыңanabol.kzсайтында жазған бірнеше түрін ұсынамыз.

Лимон шырыны

Лимон шырынын тыртыққа күнделікті жағып отыру керек. Бұл емді нәтиже шыққанша жалғастырыңыз. С дәруменіне бай лимон шырыны дөңкиіп тұрған теріні жұмсартып, орнына келтіреді және қызарғанын (кейбірі көгергенді) басады.

ДЕНСАУЛЫҚ: Тыртықтан қалай арылуға болады?

Алоэ вера

Ол терінің қайта қалпына келуін қамтамасыз етеді. Алоэ вера шырынында С және Е дәрумендерінің мөлшері көп. Олар теріні жасартып, емдейтін антиоксиданттар екені белгілі.

ДЕНСАУЛЫҚ: Тыртықтан қалай арылуға болады?Аспирин


2 таблетканы ұнтақтап, қоймалжың болуы үшін 1-2 тамшы су тамызыңыз. Оны тыртыққа жағып, кеуіп қалғанда сумен жуып тастаңыз. Бұл емді күнделікті қайталаңыз.

ДЕНСАУЛЫҚ: Тыртықтан қалай арылуға болады?


Бал

Бал теріні қажетті дәрумендермен, минералдармен және антиоксиданттармен қамтамасыз етеді. Тыртық болып, қатайған теріні жұмсартып, терінің табиғи түсін қайтарады. Сондай-ақ, терінің жаңа жасушаларының түзілуіне әсер етеді.

ДЕНСАУЛЫҚ: Тыртықтан қалай арылуға болады?


Алма сіркесуы

Оның да қатайған теріні жұмсартатын, түсін қайта қалпына келтіретін әсері бар. Сондықтан, күніне бірнеше рет алма сіркесуымен тыртықты сүрту пайдалы.

ДЕНСАУЛЫҚ: Тыртықтан қалай арылуға болады?

Сарымсақ майы

Онымен де тыртықты емдеуге болады. Егер сарымсақ майы табылмаса, сарымсақтың өзін езіп алып, тыртыққа басу керек.

ДЕНСАУЛЫҚ: Тыртықтан қалай арылуға болады?

 

http://inform.kz/kaz/article/2866289