Ауа райы
Мерекелер
Сіз емшіге қаралдыңыз ба?
МЕДИЦИНАЛЫҚ САҚТАНДЫРУ ҚЫЗМЕТІН АЛУ ҮШІН БІР АУРУХАНАҒА ТІРКЕЛУ КЕРЕК

Қазақстандықтар медициналық көмектен тысқары қалмау үшін таңдау жасауы тиіс. Бірінші айдың қорытындысы бойынша Әлеуметтік медициналық сақтандыру қорына 70 млн теңге түсті. Бұл сіз бен біздің ақшамыз.

Ол қаражатқажеке меншік емханаларқызмет көрсететін болады. Ол үшін медициналық мекемеге тіркелу керек, деп хабарлады 31 арна.

Нақты бір ауруханаға қабылдану үшін жеке куәлік пен мекен жай анықтамасын беріп, өтініш жазу керек.

Медициналқ сақтандырудың міндетті талабы бойынша, әрбір қазақстандық нақты бір ауруханаға тіркелуі тиіс.

«Әрбір азамат өзінің қандай категорияға жататынын білуі керек. Ол үшін мемлекет есебінен сақтандыру ақысы төленуі де мүмкін. Мемлекет халықтың әлеуметтік, тұрмысы төмен азаматтарына 14 категория бойынша ақысын төлейді», – дейді Павлодар облысының әлеуметтік медициналы қорының директоры Нұрлан Насимов.

Қазақстандықтар жолда келе жатқанда денсаулығымыз сыр берсе немесе өзге қалада болып қалған жайғдайда ауырсақ қайтеміз де алаңдайды.

Мамандардың айутынша, тегін қызмет түрі арта береді. Мемлекеттік мекемелер ғана емес, жеке меншік емханалар да тегін қызмет көрсетеді. Ол үшін әр адам ай сайын 780 теңге төлеп тұруы керек.

http://zhalagash-zharshysy.kz/meditsinaly-sa-tandyru-yzmetin-alu-shin-bir-auruhana-a-tirkelu-kerek/


Гиппократ антына адалдық дәрігер атаулыға артылар асыл аманат. Десек те оны көз қылып ұрандап, шартты түрде міндетке алу бір басқа да, жүректен өткізіп, сүйекке жеткізіп, өмірлік мұратының сертіне айналдыру бір басқа. Біздің бүгінгі кейіпкеріміз, туған топырағымыздан түлеп ұшқан, бүгінде қазақ медицина ғылымында ғаламат қолтаңбасы бар ақ халатты абзал жан, Ұлттық Медициналық ассоциациясының «Алтын дәрігер» медалі және «Гиппократ» төсбелгісі иегері Искаков Марат Шәмшіұлын нақ осындай жандардың қатарына қосуға болады.

Ауыл мектебінде білім алған, шаруа баққан қарапайым малшының баласына тісі батпастай көрінер дәрігерлік оқу орнына түсуге тастай тәуекел жасауына төмендегі жағдай себеп болған еді. Қатты науқастанып, ауруханаға жеткізілген әкесінің сырқатының сыры анықталып, амал етіп үлгермей, соңғы демі үзілді. Қысылғанда басында отырған Маратының қолына тастай қатып, «Балам, дәрігер болшы» деп қиылғандай болып еді. Әкесінің осы тілегі мұның көкейіне «қайтсем де дәрігер болып, сырқаттарды емдеймін» деген тастүлек талапты берік орнықтырды.
Ол осы мақсатқа жету жолында бар күш жігерін арнады. Ауылдағы ұстаханада көмекші болып жүрген жас жігіт Алматы медицина институтының даярлық бөліміне қабылданып, бір жылдан кейін, 1983-85 жылдары Беларусь мемлекетіне әскери міндетін өтеуге аттанады. Келе сала оқуын жалғастырды. 1991 жылы институтты бітірісімен №5 қалалық клиникалық ауруханасында интернатурадан өтіп, АГМИ-дің хирургиялық стоматология кафедрасына қызметке қабылданады.
Марат Шәмшіұлы денсаулық сақтау саласында ұстаздық етумен қатар 1993 жылдан бері Алматы облыстық клиникалық ауруханасында «Бет-жақ» аймағының хирургі болып үздіксіз еңбек етіп келеді. Қазірде ол Алматы облысы бойынша «Бет-жақ» хирургиясының бас маманы.
Адам саулығында әрбір ағза маңызды. Науқастардың сырқат сипатын байқау, тексеру, оларға тиісті кеңес беру, белгіленген кесте бойынша ем тағайындау – бәрі де дәрігердің білімі мен тәжірибесінің тұтасуынан туындайды. Сырқаты асқына келе әралуан қауіпті-қатерлі сатысына жетіп жаны қысылған талайды ауруынан құлан-таза айықтырып, жарық ғұмырдың сәулесін сыйлаған «қолы алтын» дәрігер Марат Шәмшіұлын шынайы құрметтейтіндер қатары уақыт өте қалыңдап келеді. Солардың қатарында жаңақорғандықтар да өте көп. Ауылдық жерде маман жағы тапшы. Оның үстіне жанына батқан сырқатқа мән бермей жүріп, асқынтып алатын жағдай да көп. Титтей жерден дерт жамап, жанын жегіқұрттай кемірген кеселдің талайын шипагерліктің тылсым демімен ұшықтап, ағзаға азу салған аждаһа-ажалға қарсы тұрған қайсар жанның осындай жеңістерінің аржағында қаншама ұйқысыз күндер мен түндер, кәсібінің қыр-сырын игеруге бағытталған түпсіз терең ғылыми-зерттеу, ізденісті еңбекке толы маңдай тері жатыр десеңізші.
Сөзімізге дәлел келтірейік, Жайылма ауылының тұрғыны Жапеков Нұрлан былай дейді:
«Далада ойнап жүрген кішкентай жиеніміз аяқастынан жазым болып, жанарына ағаштың үшкір жаңқасы кіріп кетіп, жапа шекті. Алматы облыстық клиникасына Маратқа алып келдік. Тексере келе, мыйдың аумағында жаңқаның бөлігі қалып кеткені анықталды. Марат өзі ота жасап, жасанды көз салып берді». Бұл пікірді осындай түрлі жағдаймен «алтын қолды» дәрігердің алдынан өткен жүздеген жаңақорғандықтар қуаттайды. Сіз мұны сірә жершілдік дей көрмеңіз. Туған жерге деген сарқылмас сағыныштың өтеуі, атамекеннің аңқылдаған ақ жүрек адамдарын аяу, аялау сезімдерінен туған жанашырлықтың ұшқыны деп қана пайымдаңыз. Дәйім ел-жұртының тағдырына алаңдап, алдына барғандарға барынша қамқор болып бағатын қайырымды мамандықтың иесіне елдің де ықыласы ерек, алғысы ұшан теңіз.
Әлемдегі мемлекеттердің халықаралық байланыстары жүйесін құрайтын медициналық қоғамдардың іс-шаралары аясында Марат Шәмшіұлының нақты тәжірибелік-зертханалық талдауларға негізделген өз ғылыми бағдары бар. Ол «Денсаулық сақтау ұйымының менеджмент және фармация» мамандығы бойынша екінші жоғары білім алуымен бірге Ресей-Қазақ медицина университеті мен Санжар Асфендияров атындағы Қазақ Ұлттық медицина университетінде «Стоматология» кафедрасының профессоры, медицина ғылымдарының кандидаты, «Денсаулық сақтауды ұйымдастыру менеджменті» ғылыми атағы тағы бар. Еліміздегі және халықаралық медицинаның өзекті мәселелері жөнінде ғылыми жаңалықтары, қолданысқа енгізілген туындылары, сегіз патенті жоғарғы оқу орындарында «Операция гайморотами по методу Искакова» деген тақырыппен оқулыққа енген.
Ғалым – дәрігердің кәсіби қызметіне адалдығы, ұжыммен және емделушілермен қарым-қатынасындағы әлемдік өркениетке ортақ дәрігер этикасы талаптарына сай адамгершілік, имандылық қасиеттері мен жоғары ұйымдастырушылық, біліктілік қабілеттілігі ұштасқан еңбегі мемлекеттік басқару орындары тарапынан лайықты бағаланып, марапатталып келеді. Ол «Қазақстан Республикасы денсаулық сақтау ісінің үздігі».
«Алтын алма, алғыс ал» деген қасиетті нақыл осы кісінің өмірінде өрнектеліп жатқандай. Бұл кісіні елдің алғысына бөлеген қолының қайыры мен жанының жомарттығы десек, бұл оның бойында бала кезден бар қасиеттер. Бұл жөнінде оның сыныптас досы, қазірде №255 мектеп директорының бейіндік бағдар жөніндегі орынбасары Садыбаев Кенжебек былай дейді: «Оқуға астанаға аттанып бара жатқан Маратқа анасы 25 сомды беріп жатып, «жарты жыл ауылға келу жоқ, ұқыптап жаратарсың» деп тапсырып жатыр. Ал ол болса ақшасының басын ауылдан шықпай-ақ бұзып, Төменарық станциясына дейін пойызға шығарып салу үшін ере шыққан сыныптастарына жұмсап үлгірді.. Пойызға мініп бара жатып қимаса керек, соңғы бес сомын да бізге қалдырып кетті. Өзі қалай күн көреді. Оны ойлаған біреуіміз болсайшы, қайран бейқам да, бақытты бозбала шақтар-ай».

– Туған жер тынысына таяныш болуды ойлаған ол «Жұлдыз» ауылына саябақ орнатты. Көшесіне тас төсетті. Қожамберді ауылындағы мешіт пен «Іскендір ата» мешітін жөндеуге миллион теңгедей қаражат берді. Ауылдан әкесінің атына көше берілуіне орай ас ұйымдастырып, көшені асфальттатып, жарықтандыруға демеуші болды. Мектепке жыл сайын еркін күрестен аймақтық жарыс өткізіп тұрады. Сондықтан да біз оны «Жұлдыздан» шыққан жұлдызымыз деп мақтан етеміз, – дейді ол.
Жақсы жар да – жігіттің бағы. Ерінің ерек жаратылған періште пейіліне қанат бітіріп, шаңырағын ағайын аяғы үзілмейтін құтханаға айналдыруда аяулы жары Гүлзипа Боданқызының еңбегі зор. Екеуі тәрбиелеп-жетілдірген перзенттері әке жолын қуып дәрігерлік мамандықты меңгерген. Тұңғыш қызы Айнұр С.Асфендияров атындағы Қазақ Ұлттық медицина университетінде гинекология кафедрасының ассистенті, дәрігер, ұлы Мұхаммед осы университеттің 5 курсында оқиды. Ажар Семей мемлекеттік медицина университетінің 2 курсында, қызы Тоғжан шетел тілдері колледжін үздік тәмамдап, қазір Тұран университетінде білім алуда. Егіз перзенттері Дариясы мен Дастаны мектеп оқушылары.
Иә, өзіне арман қуған астанада білім алып, келешек несібесін Алатаудың баурайынан теріп жеу нәсіп болғанымен жүрегі ел деп елжіреп тұратын, талай дерт жамап діңкелеген ауылдастың жанына сая болған, нағашысы күтіп отырғандай еркін қоңыраулатып, тіпті кезек күтпей киіп кететін сол көзкөргендердің бірінің көңілін жықпай, қолынан келгенінше жәрдемдесуді мұрат тұтатын, бірдің ғана емес, мыңның, тұтас қазақ елінің мақтанышы Марат Шәмшіұлы туралы айтылар ақиқат осы.

Баян ҮСЕЙІНОВА.

http://zhanaqorgan-tynysy.kz/altyn-oldy-d-riger/

Жедел жәрдемнің келу уақыты 1 сағатқа дейін ұзартылды

Қазақстанда медициналыққызмет көрсету қағидаларын бекіту туралы Қазақстан Республикасы Денсаулық сақтау министрінің бұйрығынақол қойылып, заңды күшіне енді, деп хабарлайды ҚазАқпарататалмыш ведомствоға сілтеме жасап.

Жедел медициналыққызметтер (ЖМҚ) туралы жаңа медициналықбұйрық Қазақстан Республикасының халқына жедел және шұғыл медициналықкөмек көрсетудіңсараланған тәсілін ұсынады. Жедел шақыртулар белгілеріне (синдромдарына) қарай санаттар бойынша оңтайландырылды және топтастырылды. Атап айтқанда: - 1-ші категория: пациенттің өміріне тікелей қауіп төндіретін, шұғыл медициналық көмек талап етілетін жағдайда. Бригаданыңкелетін уақыты 10 минутқа дейін; - 2-ші категория: пациенттің өміріне ықтимал қатер төндіретін, медициналық көмексіз жағдай. Бригаданыңкелетін уақыты 15 минутқа дейін; - 3-ші категория: пациенттіңденсаулығына ықтимал қатер төндіретін, медициналықкөмексіз жағдай. Бригаданың келетін уақыты 30 минутқа дейін; - 4-ші категория: пациенттіңжағдайы жіті ауруларыныңнемесе созылмалы ауруларының асқынуымен, кенеттен және айқын көрінген ағзалар мен жүйелердіңбұзылуымен көрінетін, науқастың денсаулығына және өміріне тікелей қауіп жоқ жағдайда. Бригаданың келетін уақыты 60 минутқа дейін.

Мынаны назарға алу керек, бірінші 3 категория жедел медициналықкөмек станциясы деңгейінде көрсетілетін болады, ал 4-інші категория емханалардағы жедел медициналық көмек бөлімшелері деңгейінде көрсетіледі, яғни емхана деңгейінде жедел медициналықкөмек көрсететін бөлімшелер тәулігіне 24 сағат бойы шақыртуларды қабылдайтын болады. Бұл жаңашылдықшұғыл көмек көрсетудің3 кезеңі арқылы госпитальға дейінгі өлім-жітімді төмендетуге бағытталған: - зардап шегушіге алғашқы көмек көрсету бригадасыныңкелуіне дейін, жедел медициналық көмек, - жедел жәрдемді фельдшерлік/дәрігерлік бригадалармен көрсету, - стационарлардыңауруларды қабылдау бөлмесі деңгейінде медициналық көмек көрсету. Жаңа бұйрыққа сәйкес, алғашқы көмек бригадасыныңкелуіне дейін жедел медициналық көмек медициналық білімі жоқ адамдармен көрсетілуі мүмкін: полиция қызметкерлері, патрульдік қызмет, білім беру, көлік, өнеркәсіп кәсіпорындарының,әлеуметтік сала және т. б.

Сондай-ақосы бұйрықтыңжаңа форматында стационарлардыңауруларды қабылдау бөлімінде пациенттердіңтриаж-сұрыптауын күшейту және оларды кез келген патологиямен қабылдау ұсынылады.Қабылдау бөлімі деңгейінде уақтылы шұғыл медициналық көмек көрсету,қажет болған жағдайда, пациенттердің жай-күйін тұрақтандыруға дейін алғашқы реанимациялықжәне өзге де іс-шараларды көрсету үшін жаңа мамандық - қабылдау бөлімініңдәрігері («emergency doctor») енгізіледі. Осылайша, ресурстарды ұтымды бөлу есебінен жаңа реформаныңнәтижесінде:

- пациент уақытылы және сапалы медициналық көмек алады;

- медициналықұйым - кадрлықресурстарды және емдеу-диагностикалықжабдықтардың неғұрлым тиімді және ұтымды пайдаланылуын, сондай-ақ уақытылы және сапалы медициналыққызметтерді көрсетугеқанағаттану деңгейін арттыруды; - мемлекет - госпитальға дейінгі өлім-жітім деңгейін төмендетуді және күтілетін өмір сүруұзақтығынұлғайтуды алады.

http://syrboyi.kz/zedelnews/13008-zhedel-zhrdemn-kelu-uayty-1-saata-deyn-zartyldy.html

ДӘРІГЕРЛЕР КӘСІБИ ҚАТЕЛІКТЕРІ ҮШІН САЛЫҚ ТӨЛЕЙДІ

Дәрігерлер кәсіби қателіктері үшін енді қылмыстық жазаға тартылмайды. Оның орнына ақ халаттылар тәуекел салығын төлемек, деп хабарлайды КТК.

Яғни, әр дәрігер қорға ашқа жинап, түскен қаржыға емнен денсаулығына керісіншезиян келген немесе өлім тіркелгенжағдайларда өтемақы қарастырылады. Қыруар ақшаны арнайы құрылған тәуелсіз қор басқармақ. Денсаулықсақтау министрлігі осылайша дәрігерді сотқа сүйреуден құтыламыздейді. Отандық медицинаныңкезекті реформасымен Азамат Алдоңғаров таныстырсын.

-Менің өмір сүргім келмейді. Бәрінен шаршадым.

Людмила Немченконыңбұлай баз кешуінің себебі – дәрігердіңқателігі. Оның бұл күнін қу тіршілік демеске амал жоқ. Операция кезінде дәрігер қуығын кесіп алған. Зейнеткердіңенді дәреті тұрмайды. Ал хирург сол күйі жауапқа тартылмаған. Жөргексізжүре алмай қалған әйел енді әділдіктен де,емнен де күдер үзіп отыр.

"Ота жасайтын кезде хирург мас болды. Жалғыз ол емес, медбике, көмекшілерінен де ішімдіктің иісі аңқып тұрды. Сол кезде-ақ күдіктеніп, ішім сезіп еді жамандықты. Енді қазір, не істеңіз оны істеңіз, мен кім, сіз кімсіз деп есігін «тарс» жабады”, – дейдіЛюдмила Немченко.

Ал Самат есімді жігіт көз емдеу клиникасына минус 1,5-мен келіп, минус 13-пен кеткен. Орталықпен дауласқанына биыл үшінші жыл. Бірақ іс сотқа бармапты. Себебі дәрігерлер кезінде қолхат жаздырып алған.

"Қателікті түсінген клиника, меннен ешқандай талап-арызым жоқ деген қолхат жазу шартын қойып, нашарлап кеткен бір көзіме ота жасауды ұсынды. Бәрі жақсы боласыз деген. Бірақ өзгеріс жоқ. Олардың осылайша шағым беру мерзімін созғандарын енді түсіндім”, -дейдіСамат Ысқақов.

Ресми статистикаға сенсек, бір жылда ақ халаттыларға 500-ге жуық шағым түседі. Бірақ оның санаулысы ғана сотқа жетеді. Мысалы 2016 жылы 15 дәрігер жазаға тартылса, оның алдыңғы жылы екеуі ғана. Дәрігер қателігімен таныс азаматтар, олардың кінәсын дәлелдеу басқа бір дәрігердің қолында болғандықтан, қиынның қиыны дейді. Қарға-қарғаның көзін шұқымайтын жазылмаған заң. Мамандарын соттан қорғау үшін Денсаулық сақтау министрлігі енді арнайы қор құрмақшы.

"Дәрігердің мамандығына байланысты міндетті сақтандыру жарнасы 24 мың мен 40 мың теңге аралығында. 40 мың хирургтардан алынады, себебі олардың тәуекелі ең жоғары. Қатардағы медқызметкерлер 5 мыңнан аударады. Егер де дәрігерлердің қателігінен пациенттің денсаулығына зиян келсе 900 мың мен миллион 800 мыңның аралығында, қайғылы жағдай болса 2 миллион теңгеден аса өтемақы төленеді, – дейдіҚР Денсаулық сақтау вице-министріЛәззат Ақтаева.

Министрлік есепке 29 мың дәрігерді алып отыр. Оған сәйкес қорға бір жылда бір миллиард теңгеден артық түсуі тиіс. Дәрігердің қателігін тыю мүмкін еместігін түсінген министрлік, осылай сақтанбақшы.

Әріптестерінің қателігі үшін қосымша міндетті салық төлеу идеясына қатысты дәрігерлер әлі пікір білдірген жоқ. Ал емнен зиян шеккен азаматтар, жаңа қор құр салық жинайтын ұйым ғана болады деп күдікпен қарайды.

http://tolqyn.kz/d-rigerler-k-sibi-atelikteri-shin-saly-t-lejdi/


Ақсуат ауылдық округіндегікөшелердің бірі енді денсаулық сақтау саласының үздігі Өтепберген Наурызбаевтыңесімімен аталады. Еліміздіңденсаулық сақтау ісіне өзіндік үлес қосқан арда азаматтың құрметінеескерткіш тақта орнатылды.

«Қазақстан-Қызылорда» телеарнасы. 2 тамыз 2017 жыл.

Дереккөз: http://kyzylordatv.kz/kz/news/society/koshege-derigerdin-esimi-berildi


БИЫЛ МЕДИЦИНАЛЫҚ МАМАНДЫҚТАРҒА 3 МЫҢНАН АСТАМ БІЛІМ ГРАНТЫ БӨЛІНДІ2017-2018 оқу жылына медициналық мамандықтар бойынша мемлекеттік білім беру тапсырысы 3150 грантты, оның ішінде «Жалпы медицина» мамандығы бойынша мемлекеттік тапсырыс 2700 орынды құрайды.

 

Бұл туралы Вnews.kz хабарлайды.

Университеттің ерекше статусын (ұлттық университет) ескере отырып, 2017 жылғы 27 шілдедегіҚР Денсаулық сақтау министрінің № 560 бұйрығымен тек Санжар Асфендияроватындағы Қазақ ұлттық мемлекеттік университеткемемлекеттік білім беру тапсырысы бекітілген (Жалпы медицина – 385 орын, оның ішінде 270 қазақ тілінде оқытуға; Педиатрия – 150, оның ішінде 100 қазақ тілінде оқытуға; Стоматология – 20, оның ішінде 10 қазақ тілінде оқытуға; Мейіргер ісі – 20, оның ішінде 10 қазақ тілінде оқытуға; Фармация – 15, оның ішінде 10 қазақ тілінде оқытуға; Қоғамдық денсаулық сақтау – 10, оның ішінде 5 қазақ тілінде оқытуға).

Басқа медициналықжоғары оқу орындары бойынша квота бөлінбеген және жалпы конкурс өткізіледі, бұл талапкерлердің таңдаған жоғары оқу орнына түсу мүмкіндігін арттырады.

Барлық білім беру ұйымдары «Жалпы медицина» мамандығыбойынша білім беру қызметіне лицензиясыбар ҚазҰМУ және жалпы конкурс бойынша басқа медициналық жоғары оқу орындарынамемлекеттік білім беру тапсырысына талапкерлердің құжаттарынқабылдайды.

http://tolqyn.kz/biyl-meditsinaly-mamandy-tar-a-3-my-nan-astam-bilim-granty-b-lindi/

МЕРЕЙІ ҮСТЕМ ОҚУ ОРЫНЫ

 


МЕРЕЙІ ҮСТЕМ ОҚУ ОРЫНЫҚызылорда медициналық колледжі Сыр өңіріндегі байырғы оқу орындарының бірі. Облыстағы орта буын медицина қызметкерлерінің басым бөлігі осы колледж түлектері. Көптеген дәрігерлер медицинаға алғашқы қадамын аталған оқу ордасынан бастағанын мақтанышпен еске алады. Сыр бойының басты медициналық басылымы - «Сыр медицинасы» өз оқырмандарына колледж директорымен болған сұхбатты ұсынады.

 

МЕРЕЙІ ҮСТЕМ ОҚУ ОРЫНЫ- Салтанат Сейтқалиқызы, 2016 жылы ҚР ДСӘДМ-нің бұйрығымен колледжге Жоғары медициналық колледж статусы берілді. Оқу орнының Жоғарғы колледж атануының ерекшелігі неде?

 

- 2016 ж. ҚР Денсаулық сақтау және әлеуметтік даму министрлігі Финляндияның халықаралық сарапшыларымен бірлесе отырып, медициналық колледждердің өзін-өзі бағалау бойынша есептерінің негізінде І кезеңде 6 медициналық колледжді қайта ұйымдастыру жөнінде шешім қабылдады. 6 колледждің бірі - Қызылорда медициналық колледжі. ҚР Денсаулық сақтау және әлеуметтік даму министрлігінің шешімі және Қызылорда облысы әкімінің 04.08.2016 ж. №544 Қаулысы негізінде қазір мен басқарып отырған медициналық оқу орыны Қызылорда медициналық жоғары колледжі болып өзгертілді. Аталған «Мейіргер ісі» мамандығы бойынша 5 деңгейдегі қолданбалы бакалавр мамандары дайындалады.

 

- Колледж жатақхана, асхана, кітапхана және заманауи техникалармен толық қамтамасыз етілген бе? Осы жөнінде толығырақ айтып берсеңіз.

 

- Колледж оқушыларының сұранысына қарай олар 300 орынға арналған жатақханамен толық қамтамасыз етілген. 2015 жылы жатақханада күрделі жөндеу жұмысы жүргізілді, оқушыларға қажетті жиһаздармен толықтырылады. Жатақханада 4 демалыс бөлмесі, әр қабатта 2 тұрмыстық бөлме, үтіктейтін, кір жуатын бөлмелер бар. 95 орынға арналған асхана жұмыс істейді, оқушылар ыстық тамақпен қамтамасыз етілген.

Кітапхана қорында 84141 дана кітап бар, оқу және ғылыми әдебиеттер қоры -38638, әр оқушыға шаққанда 44 оқулықтан келеді. Колледж кітапханасының қоры жыл сайын жаңа оқулықтармен толықтырылады. 2016-2017 оқужылында кітапханаға 2 млн 500 000 теңгеге оқулықтар алынды. 10 компьютермен жабдықталған электронды кітапхана жұмыс істейді. Колледжде заманауи компьютерлері бар 3 ақпараттық-компьютерлік кабинет жұмыс жасайды. 3 архивтік бейнесервер, 205 компьютер, 17 ноутбук, 3 нетбук, 55 принтер, 5 сканер, резограф, 23 интерактивті тақта,12 заманауи телевизор,электронды подиум бар. Компьютерлік және интерактивті кабинеттер «Интернет», 1 оқу ғимараты мен жатақхана Wi-Fi желілеріне қосылған.

 

 

МЕРЕЙІ ҮСТЕМ ОҚУ ОРЫНЫ- Биыл медициналық колледжінің қанша түлегі диплом алды?

 

- 2016-2017 оқу жылында колледжді 499 түлек бітірді, 26 түлек колледжді «үздік дипломмен» аяқтады. Денсаулық сақтау министрлігі денсаулық сақтауды дамыту республикалық орталығы 2016-2017 оқужылында колледж бітірушілерінің білімін тәуелсіз бағалау жұмысының нәтижесі бойынша олардың білім көрсеткіші 95%-ті көрсетті.

 

- Колледжде былтырдан бері дамыған елдердің тәжірибесі бойынша дәрігер қызметін атқара алатын мейірбикелерді дайындау ісі қолға алынған көрінеді. Осы жөнінде не айтасыз?

 

- «Мейіргер ісі» мамандығы қолданбалы бакалавриат біліктілігі бойынша мамандар дәрігер емес, бірақ өз бетінше жедел респираторлы инфекция (ЖРИ), ішек инфекциясы кезінде науқастарды қабылдайды, оларға консультация жүргізеді, созылмалы ауру адамдарға кеңес береді, түрлі «Денсаулық мектептерінің» жұмысын жүргізеді.

 

- Биыл «Мейірбике ісі» мамандығы бойынша қолданбалы бакалавр мамандығына қанша студент қабылданды?

 

- Колледжде бүгінгі күні осы мамандық бойынша барлығы 69 студент білім алуда. 3-ші курста - 21, жеделдетілген бағдарлама (орта кәсіби білімі бар мамандар) бойынша 48 студент білім алуда.

 

- Колледжге қабылдау кестесі бойынша 2017 оқу жылында студенттер қандай мамандық иесі бола алады?

 

- Қызылорда медициналық жоғары колледжі 9 мамандық бойынша мамандар дайындайды. 2017-2018 оқу жылында колледжге «Емдеу ісі», «Мейіргер ісі», «Стоматология», «Ортопедиялық стоматология», «Лабораториялық диагностика»,«Фармация» мамандықтары бойынша студенттер қабылданады.

 

МЕРЕЙІ ҮСТЕМ ОҚУ ОРЫНЫ- Ақылы негізде оқытылатын топтар бар ма? Бір жылға оқу ақысы қандай?

 

- Ақылы негізде мамандар дайындалады. Оқу ақысы 1 жылға 195000-215000 теңге аралығында.

 

- Биылға талапкерлерге қанша оқу гранты бөлінді?

 

- 2017-2018 оқу жылында мемлекеттік тапсырыс негізінде барлығы 225 оқушыға бекітілді.

 

- Колледжде оқудың мемлекеттік тілде жүргізілетіні белгілі. Оқытушылар жетіспейтін оқулықтарды жазуда қандай жетістіктерге жетті?

 

- Колледжде оқыту негізінен мемлекеттік тілде жүргізіледі. Оқу бағдарламаларына сәйкес дәріс материалдарының 100 пайызы электрондық нұсқада дайындалған.

 

- Колледж студенттерінің болашақ мамандыққа деген сүйіспеншілігін арттыру бойынша қандай іс-шаралар атқарылды?

 

- Студенттердің болашақ өз мамандығына деген сүйіспеншілігін арттыру мақсатында емдеу мекемелерінің мамандарымен кездесулер, практикалық сабақтарды емдеу мекемелерінде өту, симуляциялық орталықтарда студенттердің өз бетінше сабаққа дайындалуы колледжде кеңінен қарастырылған.

 

- Бір бөлімшеден екінші бөлімшеге ауысу мүмкіндігі қарастырылған ба? Мысалы, «мейірбике ісі» немесе «фельдшер» мамандығынан 9-шы сынып бітірушінің сабақ үлгірімі жақсы болса, «фармация» мамандығына ауыса ала ма?

 

- Бір бөлімнен екінші бөлімге ауысу ҚР Білім Заңнамасына сәйкес жүргізіледі, егер айырмашылық 4 пәннен артық болмаған жағдайда. «Фармация» мамандығының білім беру стандартында 9 сынып негізде маман дайындау қарастырылмаған.

 

- Биылғы түлектер арасында қанша оқушы оқуларын жоғары медициналық оқу орындарында жалғастырмақшы?

 

- Түлектердің 30-35 пайызы оқуларын жоғары оқу орындарында (оның ішінде жоғары медициналық) жалғастыруға ынталы.

 

- Дуалды оқу жүйесі колледжде енгізілген бе? Оның тиімділігі қандай?

 

- Медициналық білім беруде дуалды оқыту бұрыннан қолданылады деп айтуға болады. Өйткені біздің оқушылар колледжде алған теориялық білімдерін емдеу мекемелерінде жалғастырады, бірақ дуалды оқытудың негізі - 3 жақты келісім-шарт жасап, оқуды бітірген түлекті жұмысқа тұрғызу. Қазіргі жағдайда дуалды оқыту жүйесі қолданбалы бакалавриат бойынша білім беру бағдарламасына көбірек келеді.

 

- Ұзақ жылдар бойы колледжде жұмыс істеген ардақты ұстаздардан кімдерді атар едіңіз?

- Коллдждің 90 жылдық тарихы бар. Оны облыстағы іргелі оқу орны деп айтуға болады. Колледжде ұзақ жылдар бойы жұмыс істеген ардақты ұстаздар ретінде А.Шарапатовты, Н.Сейтмамбетованы, Г.Толекованы, Г.Рысмаханованы, К.Бекетаеваны, Н.Иршаеваны, Б.Абдиканиеваны, Г.Нуратдинованы, С.Асауованы, С.Бижанованы, Р.Искакованы, Р.Жиеналиеваны, К.Қарабалаевты, А.Маханбетованы, Н.Нугманованы және т.б. атағым келеді.

 

- Салтанат Сейтқалиқызы, Жоғарғы медициналық колледж директоры қызметіне биылдан бастап кірісіп жатырсыз, жұмысыңызға жеміс тілеймін. Сұхбатыңызға рахмет.

 

Гүлдана АСАНОВА,

«Сыр медицинасы»


Госслужба Кызылорда

Опубликовано: 5 апр. 2017 г.

Құрметті достар! Бүгіннен бастап біз мемлекеттік қызмет саласында еңбегі сіңген қызылордалық ардагерлермен болған сұхбаттарды жариялай бастаймыз.

Бүгінгі кейіпкеріміз - дәрігер, бірнеше жыл бойы денсаулық сақтау саласында басшылық қызмет атқарған Тұрғанбай Маханов.

ОРТАҚ МҮДДЕГЕ ЖҰМЫЛҒАН ҰЖЫМ

 

...Тербенбес тауының баурайындағы іргелі кентке жолымыз түскен еді. Негізгі мақсат -жұртшылық арасында жақсы пікір қалыптасқан Сексеуіл кенті ауруханасының жай-күйімен танысу. Бірден сонда тоқтадық... Жатағандау келген ескі ғимарат іші қарбалас. Ақ халат киген медицина қызметкерлері тұрғындарға ем-домдарын жасау үстінде. ... Жалпы, дәрігерлік – жауапты мамандық. Бұл мамандықты таңдағандарға ешқашан қателесуге болмайды. Олар үнемі білімін жетілдіріп, ізденіс үстінде өз саласында ем жүргізудің барлық тәсілдерін жетік меңгеруі тиіс. Осы ретте, жемісті еңбек етіп, халықтың алғысына бөленіп жүрген дәрігер, осы аурухана меңгерушісі Динара Баянбайқызы Битуғанова туралы сөз қозғағанды жөн көрдік. Қызылорда қаласында дүниеге келген Динара Баянбайқызы 2004 жылы облыс орталығындағы қазақ-тү рік лицейін тәмамдайды. Жас түлек Ақтөбедегі М.Оспанов атындағы Батыс Қазақстан мемлекеттік медицина университетіне түсіп, 2010 жылы жалпы тәжірибелі дәрігер мамандығын алды. Елбасы Н.Назарбаевтың «Дипломмен - ауылға» бағдарламасы бойынша Сексеуіл ауылдық емханасында тәжірибе жинақтаған ол, 2015-2016 жылдары күндізгі стационар дәрігері болып жұмыс істеді. Өз ісін жетік меңгерген жас маман Сексеуілдің тумасы Бақдәулет Дербісовпен шаңырақ көтеріп, бүгінде қос перзент тәрбиелеуде. Білікті дәрігер өткен жылдан бастап Сексеуіл ауылдық ауруханасының меңгерушісі қызметіне кіріскен. Бізбен емен-жарқын әңгімелесіп, жұмыс барысы туралы кеңінен мағлұмат берген Динара Битуғанова:

- Өздеріңіз көрген ғимарат 1928 жылы салынған. Осыдан он екі жыл бұрын күрделі жөндеу жүргізіліпті. Облыс әкімінің қолдауымен келешекте жаңадан аурухана салынады деп көзделуде. Жанына шипа іздеген тұрғындар жоспарлы портал арқылы емделіп, құлан- таза айығып шығуда. Сондай-ақ, кентте жыл санап бала туу көрсеткіші еселеніп, өткен жылы 301 алтын құрсақты ана сәбилі болу бақытына кенелсе, ал үстіміздегі жылдың 6 айында 116 бала дүниеге келді. Бұл мемлекетіміздің әлеуметтік мәселелерге айрықша мән беруінің нәтижесі деп білеміз. Қазіргі кезде ана мен бала денсаулығы кент ауруханасындағы ақ халатты абзал жандардың басты қадағалауында, - деді.

Иә, басы ауырып, балтыры сыздағандардың жанынан табылатын кенттегі медицина қызметкерлері жүктелген міндеттерге асқан жауапкершілікпен қарап, Гиппократ антына адалдық танытып келеді. Осынау ортақ мүдде жолында ауруханадағы 2-ші санатты дәрігер-педиатр Гүлсая Сәулебайқызы мен жас маман, дәрігер-терапевт Әйгерім Көшекбаева және аға аяжан Ботакөз Еңсепова мен Әсем Қоңырбаева, Жұмагүл Иманбаева, Гүлнар Сарбаева, Алтынгүл Ибрагимова, Галя Ниязова, Алтынгүл Молмаханова, Гүләйім Аймолдаева, Гүлсім Ибрашева сынды аяжандар абырой биігінен көрінуде. Олар Мемлекет басшысы Нұрсұлтан Назарбаевтың «Қазақстанның үшінші жаңғыруы: жаһандық бәсекеге қабілеттілік» атты Жолдауы аясында туындаған денсаулық сақтау жүйесіндегі серпінді бастамаларға нақты іспен үн қосады.

 

А. ҚАРЫМСАҚ.

Сексеуіл кенті.

«Толқын» газеті. 17 маусым 2017 жыл

ҚҰРМЕТКЕ ЛАЙЫҚ

 

Қашанда адам жанына араша түсіп, шықпас жанға себепші болатын дәрігерлер қауымының еңбегі қазіргі қоғамда ұшан-теңіз. Солардың ішінде бала жанының бағбаны болып, абыройлы еңбек ету кім-кімге де оңай тимес. Осы ретте, біз білетін Туби Ибраева есімді аудандық емхананың балалар невропатологы көптің алғысын арқалаған жандар қатарынан. Ол 1958 жылы Арал қаласында дүниеге келген. Талай тұлғаны түлеткен бұл өңірдің киелі топырағы біз білетін Тубиге де бір кісінің бойынан табыларлық білім мен ғылымды, ақыл мен мейірімді дарытып қойған. Біз оның өзіне тән жылы шырай мен жанға жағымды майда сөзінен ерекше бір ілтипаттың лебін сезінгендей боламыз. Дертіне шипа іздеп келгендердің қашанда көңіліне қарай білетін қатардағы маманның аудандағы медицина саласында өзіндік орны ерекше дер едік. Ол соған әбден лайықты. Ісімен де, адамгершілік болмысымен де басқалардан дараланып тұратын ақ халатты жанның еңбек жолы сонау 1985 жылдардан бастау алған. Оған дейін Ақтөбе қаласындағы медициналық инсти тутты бітіріп, Қызылорда қалалық балалар ауруханасында интернатурадан өткен. Бүгінде отыз жылдан астам уақыт бойы бір салада табан аудармастан тер төгіп келе жатқан білікті дәрігердің елге жасайтын қызметіне біздер дән ризамыз. Мейірімге толы мінездің иесі бола білген кейіпкеріміз жыл сайын өтетін атаулы мерекелерде мүгедек балаларға сый-сияпат жасауды да қаперіне алған. Балалар дәрігері біздердің сал ауруына шалдыққан балаларымызды ұдайы қамқорлығына алып келеді. Олардың жүйелі түрде, уақытымен ем алуын қатаң қадағалайтын Туби Бақтыбайқызы - аудандағы жас буынның жақсы ем алып, қатарға қосылуына себепші болған жан. Бүгінде бұл кісіге біздердің айтар алғысымыз шексіз. Отбасын жұмақ мекені санайтын кейіпкеріміз бүгінде ел білетін аяулы жар, өнегелі ана, немерелері үшін сүйікті әже. Біздер осы орайда әйел бақытына тән берекелі өмірдің иесі атанған ақ халатты абзал жанды төл мерекесімен құттықтай отырып, деніне саулық, қызметіне табыс, отбасына ортаймас бақыт тілейміз.

 

Мейрамкүл ҚҰЛМАҒАНБЕТОВА,

қала тұрғыны.

«Толқын» газеті. 17 маусым 2017 жыл