Ауа райы
Мерекелер
Сіз емшіге қаралдыңыз ба?

ЖАҢА МҮМКІНДІКТЕРГЕ ЖЕТЕЛЕЙДІЕлбасы Жолдауында алдымызға озық дамыған отыз елдің қатарына кіру мақсатын қойғанымызды ескер­тіп, ол үшін 100 нақты қадам Ұлт жоспары жүзеге асырылып жатқанын және оның 60 қадамы қазірдің өзінде орындалып қойғанын атап өтті. 100 нақты қадамның бірі міндетті әлеуметтік сақтандыру жүйесін енгізу болатын. Қазіргі таңда міндетті әлеуметтік медициналық сақтандыру жүйесін толыққанды енгізу жұмыстары жүргізіліп жатыр. МӘМС жүйесіндегі көрсетілетін медициналық пакеттің 2020 жылға дейінгі мерзімге шегерілуінің бірден-бір себебі елімізде өзін-өзі жұмыспен қамтыған шамамен 3 млн-ға жуық тұрғын анықталған. Олардың МӘМС жүйесіндегі медициналық пакетті пайдалануы мен жарналарын төлеуі қиындық тудыруда және өмір сүру деңгейінің әртүрлілігінде болып отыр.

2018-2019 жылдар аралығында халыққа медициналық көмек Тегін медициналық көмек­тің кепілдік берілген көлемі (ТМККК) шеңберінде қаржылық оператор болып табылатын МӘМС Қоры арқылы қаржы­ландырыла отырып көрсетіледі. Әлеуметтік медициналық сақтандыру қоры 2018 жылы кепілдендірілген тегін медициналық көмек (ТМККК) пакеті шеңберінде қызмет көрсететін денсаулық сақтау нысандарымен келісімшарт бекітуді аяқтады. Ең алдымен алғашқы медициналық-санитарлық көмек, жедел медициналық көмек және өзге де бағыттар бойынша көмек көрсету жөнінде келісімшарттар бекітілді. Елбасының биылғы Жолдауында ТМККК шеңберіндегі медициналық көмектерді оңтайландыру керектігі нақты айтылған. Ол үшін мемлекеттің ­халыққа медициналық көмек беретін көлемін нақтылай түсу қажет. Сол себепті бұл аталған пакеттегі медициналық көмектердің түрлері бір жолға қойылуы тиіс. ТМККК көлемінде көрсетілмейтін медициналық көмектер МӘМС жүйесіне кіргізілетін болады. Сол кезде халықтың МӘМС жүйесіне кіруге мүдделілігі пайда болады.

Жолдауда айтылғандай, елімізде алғашқы медициналық-санитарлық көмек беретін ұйымдардың әлеуетін арттыру көзделген. Аталған медициналық ұйымдарды қолдау дамыған елдерде жоғары санатта.

Қазіргі кезде денсаулық сақтау саласында 30-дан астам ақпараттық жүйе жұмыс жасайды, оның 25-сі электронды денсаулық сақтау орталығында орналасқан. Ақпараттық жүйелерді біріктіру, мобильдік цифрлық қосымшаларды қолдану, электрондық денсаулық паспортын енгізу, «қағаз қолданбайтын ауруханаға» көшу арқылы медициналық көмектің қолжетімділігі мен тиімділігін арттыру қажеттігін баса айту керек.

Бақыт ИСМАХАНБЕТОВ,

«Әлеуметтік медициналық

сақтандыру қоры»

КЕАҚ Қызылорда облысы бойынша

филиалының директоры.

http://syrboyi.kz/negizginews/16888-zhaa-mmkndkterge-zheteleyd.html
ГОРМОНДАР (қазақша презентация). Оны осы жерден gormondar.rar [1,46 Mb] (cкачиваний: 0)  жүктеп алуға болады. 

Рухани білімді, тәрбиелі маман дайындау - басты мақсатымыз!

Г.С.СЕЙДІЛДАЕВА,

Қызылорда медициналық

жоғары колледжінің «Мейірбике ісі-2»

бөлімінің меңгерушісі,

М.К. ЕСДАУЛЕТОВА,

арнайы пән оқытушысы

Елбасы Н.Ә.Назарбаевтың «Болашаққа бағдар: рухани жаңғыру» мақаласында «Жаңа мамандар ашықтық, прагматизм мен бәсекелік қабілет сияқты сананы жаңғыртудың негізгі қағидаларын қоғамда орнықтыратын басты күшке айналады. Осылайша болашақтың негізі білім ордаларының аудиторияларында қаланады»-делінген.

Осындай болашақ бәсекеге қабілетті білікті мамандар дайындайтын білім ордаларының бірі - Қызылорда медициналық жоғары колледжі болып табылады. Мемлекет басшысының «Болашаққа бағдар: рухани жаңғыру» мақаласындағы айтылған міндеттерді орындауда колледж алдына жаңа мақсаттар мен міндеттер қойып отыр.Қазіргі таңда осы заманға сай сапалы білімі бар жоғары инновациялық технологияларды жақсы меңгерген орта буын медицина қызметкерлерін дайындайтын колледждің 90 жылдық мерейтойына орай «Зертханалық диагностика» мамандығының студенттері дайындығының заманауи талаптарға сәйкестігін анықтауда «Химия», «Анатомия», «Зертханалық жұмыстар техникасы» пәндері бойынша олимпиада өткізілді. Олимпиада барысында студенттердің заманауи дайындық деңгейі, мемлекеттік оқыту стандартына сәйкес өз мамандығы бойынша кәсіби тапсырмаларды өздігінен шешу деңгейі анықталды.

Байқау шартына сәйкес қатысушылар 3 кезең бойынша тапсырмалар орындады. Бірінші «Тестілеу кезеңінде» қатысушылардың теориялық білімі анықталды. Екінші кезеңде«Менің болашақ жұмыс орным» тақырыбындаконкурсанттар қазіргі таңдағы лабораториялық медицинаның жетістіктері, инновациялық технологиялармен, тың жаңалықтармен таныстырды. Қазылар алқасы қатысушылардың авторлық позициясын, мәліметтердің өзектілігі және хабарламалардың жаңашылдығын, конкурсанттың материалды таныстыруда жаңа технологияларды қолдануы және коммуникативтілігі, презентацияның көрнекілігі, мультимедиялық технологияны қолдануын бағалады. Олимпиаданың іс-тәжірибелік бағдарлау кезеңінде пәндер бойынша ситуациялық есептерді шешу барысында алған білімдерін сарапқа салды.

«Халықты халықпен, адамды адаммен теңестіретін-білім» деп Мұхтар Әуезов атап көрсеткендей, рухани ұлттық қажеттілікке жарайтын мықты білім алған, рухани ұлттық тәрбие алған болашақ мамандарды дайындау-колледждің басты мақсаты!

Рухани білімді, тәрбиелі маман дайындау - басты мақсатымыз!
Рухани білімді, тәрбиелі маман дайындау - басты мақсатымыз!

ҚР ӘМ «Сот сараптамалары орталығы» РМҚК филиалы Қызылорда облысы бойынша Сот сараптамалары институтының тыныс–тірлігіТарих тереңіне көз жүгіртсек 1951 жылы Одақтық және Қазақ КСР Денсаулық сақтау министрліктерінің бұйрықтарымен Қазақ КСР Денсаулық сақтау министрлігі жанынан Республикалық сараптама бюросы ,ал облыстық денсаулық сақтау бөлімдері жанынан облыстық бағыныстағы қалалар мен барлық селолық аудандарға қызмет көрсететін облыстық сараптама бюролары құрыла бастады, ал Қызылорда облысы бойынша 1953 жылы Қызылорда облыстық сот-медицина бюросы ашылып халыққа қызмет көрсету жолға қойылды.

Қазақстан Республикасы Президенті Н.Ә.Назарбаевтың 25.08.2014 жылғы №898 санды Қазақстан Республикасының мемлекеттік басқару деңгейлері арасында өкілеттіктердің аражігін ажырату жөніндегі шаралар туралы Жарлығында ҚР Денсаулық сақтау және әлеуметтік даму министрлігінен Әділет министрлігіне сот-медициналық, сот-наркологиялық және сот-психиатриялық сараптамалар жүргізу функциясын беру белгіленіп, осы негізде Қазақстан Республикасы Үкіметінің 30 желтоқсан 2014 жылғы №1403 « Сот сараптамасының кейбір сұрақтары туралы» атты қаулысы шығып, 1 қаңтар 2015 жылдан бастап Қазақстан Республикасы Денсаулық сақтау және Әлеуметтік Даму министрлігіне қарасты « Сот Медицинасы Орталығы» Республикалық Мемлекеттік Қазыналық Кәсіпорыны Қазақстан Республикасы Әділет министрлігі қарамағына өтсе , ал осы Кәсіпорынға 2015 жылдың 1 шілдесінен сот-наркологиялық, 2016 жылдың 1 шілдесінен сот-психиатриялық сараптамалары біріктірілді.

Елбасы Н.Назарбаевтың «Нұрлы жол-болашаққа бастар жол» , «Жүз нақты қадам» атты Қазақстан халқына жолдаған ұлттық Жолдауына сай ,бүгінде табысты жұмыс жасау үшін барлық қажетті жағдайлар жасалған.Әкімшілік реформа жүргізілді ,Үкімет пен атқарушы биліктің жаңа құрылымы жұмыс істеуде. Мемлекеттік басқарудың бұл жүйесі атқарушы органдарға жаңа міндеттер , жаңа мақсаттар жүктейді.

Қазақстан Республикасы Әділет министрлігі сот сараптама органдарының сараптама жүргізуі ҚР Қылмыстық-процессуалдық , Азаматтық процессуалдық кодексіне , «Әкімшілік құқық бұзушылықтар туралы » кодексіне, «Қазақстан Республикасындағы сот - сараптама қызметі туралы» Қазақстан Республикасының заңына және Қазақстан Республикасындағы сараптама органдарының сот-медициналық сараптама жүргізу тәртібі мен нұсқаулықтарына сәйкес жүргізіледі.

Қазіргі таңда Қызылорда облысы халқына сот-медициналық сарапшылық қызмет Қазақстан Республикасы Әділет министрлігі «Сот сараптама орталығы» Республикалық Мемлекеттік қазыналық кәсіпорыны Қызылорда облысы бойынша Сот сараптама институтында жүргізіледі. Қызмет көрсету аймақтарына: 7 аудан және 2 қала кіреді.

Құрылымына:

1. Әкімшілік-шаруашылық;

2. Жалпы сараптама бөлімі;

3. сот-биологиялық;

4. сот-гистологиялық;

5. химия-токсикологиялық;

6. медико-1криминалистикалык;

7. сот-наркологиялық;

8. сот- психиатриялық сараптама бөлімдері кіреді.

Сот-медициналық сарапшы болып жоғарғы медициналық білімі бар азаматтар жұмыс жасай алады, қазіргі таңда филиалда 20 сарапшы –дәрігер, 15 орта буын медицина қызметкері жұмыс істейді. Сарапшы- дәрігерлердің санатының деңгейі-62,5%, оның ішінде: 37% жоғарғы санаттағы мамандар, 18%-бірінші санаттағы мамандар, 8%-екінші санаттағы мамандар, 37%-санаты жоқ. Сарапшылар үнемі білімдерін жетілдіріп және халықаралық семинарларға да қатысып отырады.

Филиалда молекулярлық-генетикалық сараптамадан басқа барлық сот-медициналық сараптамалар түрлері жүргізіледі.

Сот-медициналық қызметтің негізгі міндеті Қазақстан Республикасының халқына сот-медициналық қызмет көрсету саласындағы мемлекеттік саясатты іске асыру болып табылады. Ең басты қызметтік бағыттары-қолжетімділікті, тиімділікті, сарапшылық сапасын арттыру. Сот-медициналық сараптама өндірісінің барлық кезеңдерінде Қазақстан Республикасы азаматтарының заңды құқықтары сақталады.

Сонымен қатар , сот-медициналық сарапшы құзырына :

-зорлықпен өлтірілген жағдайда мәйітке сараптама жүргізу ;

-зорлықпен өлтірілгендігіне күдіктенген жағдайда немесе мәйітті сот-медициналық тәртіппен зерттеу қажеттігімен түсіндірілетін жағдайлар кезінде мәйітке сараптама жүргізу;

-денсаулыққа келтірілген зиянның сипаты мен ауырлығын , жыныстық жағдайларын анықтау және сот-медицинасы саласындағы танымдарды талап ететін басқа да мәселелерді шешу үшін жәбірленушіге ,айыпталушыға және басқа да тұлғаларға сараптама жүргізу;

-зертханалық зерттеу әдістерін қолдана отырып,заттай айғақтарға сараптама жүргізу;

-тергеуге дейінгі тексеру материалдарына, қылмыстық, әкімшілік және азаматтық істерге,сондай-ақ жеке айыптау ісі бойынша сараптама жүргізу ;

-диагностика және емдеу кезіндегі кемшіліктердің бар – жоқтығын ,олардың науқасқа тигізген залалын, оған медицина қызметкерлерінің тікелей байланыстылығын; тиісті ереже, нұсқаулықтың сақталған- сақталмағандығын анықтау кіреді .

Сонымен қатар, заңды туындайтын сұрақтар (медициналық қызметкерлердің байқамай немесе әдейі жасағандығы , кінәлі немесе кінәсіз еместігі т.б. ) сот- медициналық сарапшылық комиссиясымен шешілмейді , ол сот- тергеу органдарының құзыретіне жатады.

Және ҚР ӘМ жауапты хатшысының бұйрығымен бекітілгендей « Сот медицинасы орталығы» РМКҚ ақылы қызметтер де жүргізеді. Ақылы қызмет арқылы жүргізілген қорытындылар жәбірленушінің , айыпталушының өзіне ғана беріліп, ол жөніндегі мағлұматтар сарапшы тарапынан жариялануға жатпайды.

Сот-медициналық сараптаманы ұйымдастыру және жүргізу тәртібі туралы нұсқаулығына сәйкес жарақаттардың дәрежесін бағалау олардың денсаулыққа тигізген зияны бойынша үш дәрежеге бөлінеді:

1.Жеңіл.

2.Орташа.

3.Ауыр.

Сол секілді қинау қылмысы бойынша сот-медициналық сараптама жүргізуде жәбірленушінің көрсетуіне сәйкес соққы әсеріне де мән берілу қажет.

Соққы дегеніміз жалпы еңбекке қабілеттілікті мардымсыз, тұрақты жоғалтуға немесе тәннің ауырсынуына әкелген, бірақ қысқа мерзімді денсаулықтың бұзылуына әкелмейтін күш қолданатын әрекет. Сот-медицина сарапшысы соққы фактісінен жәбірленушінің денесінде жарақаттар қалған болса, оларды қарапайым белгілерге сүйене отырып денсаулыққа келтірілген зиян ауыртпалығы бойынша бағалайды. Егерде соққыдан кейін қандайда бір объективті із қалмаса, онда сот-медициналық сарапшы өзінің қорытындысында жәбірленушінің арызын ескереді, объективті жарақаттардың болмағанын көрсетеді.

Сондай-ақ, қинау қылмысы бойынша жапа шектіруде кездесуі мүмкін. Жапа шектіру дегеніміз – нәтижесінде денсаулыққа зиян келтірілуі мүмкін әрекеттерді көрсетеді. Жапа шектіру (қинау) бұл көп мәрте немесе жүйелі түрде ауыртпалық келтіруге байланысты әрекеттермен (шымшу, кесу, әр-түрлі өткір және доғал заттар мен көптеген кішігірім жарақаттар тигізу, химиялық, физикалық факторлар әсері және де өзгеде балама әрекеттер) болуы мүмкін.

Сот –медицинасы сарапшысы жәбірлену фактысын анықтамайды. Бұл жерде де сарапшы: жарақаттың бар екендігін, сипатын, орналасқан орнын, олардың салынған уақытын, салынған уақыт алшақтығын, жарақат келтіру белгілері және механизмі мен жарақат салған құрал сипатын (медициналық мәліметтер бойынша да) анықтауға міндетті;

Денсаулыққа келтірген зиянның ауырлық дәрежесін шешу барысында сот-медициналық сарапшы жоғарыдағы Нұсқаулықтың тиісті бөлімдерін басшылыққа алады.

Сот-тергеу органдарының қаулысының негізінде жәбірленушіні объективті тексеріп және медициналық құжаттардың негізінде зиянның ауырлық дәрежесін анықтау сот-медицина сарапшысының құзыретіне кіреді. Денсаулыққа келтірілген зиянды бағалау барысында сот-медициналық сарапшы қорытындысында:

1. Денсаулыққа келтірілген зиянның объективті көзқарастан туындайтын белгілері (тырналған жара, қанталау, кесілген, жанышталған жара, және т.б.) олардың сипатын мен орналасуын және медициналық зерттеулер құжаттарының нәтижесін;

2. зиян келтіруі мүмкін құрал немесе зат түрін;

3. пайда болу механизмі;

4. зиян келтірілу мерзімі;

5. денсаулыққа келтірілген зиян дәрежесін көрсетеді.

Объективті және медициналық мәліметтер бойынша жәбірленушінің өміріне қауіп төндірілгені анықталған жағдайда сот-медицина сарапшысы денсаулыққа келтірілген зиян дәрежесін жәбірленушінің ауруханадан шығуын күтпей-ақ анықтауға мүмкіндігі бар, ал денсаулыққа келтірілген зиян туралы болжамды пікірмен алдын-ала шешімге келуге жол берілмейді.

Жоғарыдағы Нұсқаулыққа сәйкес қинау кезінде анықталған жарақаттар дәлелдемелікті нақтылау мақсатында фотосуретке, бейнатаспаға түсіріліп, қорытындыға қоса тіркеліп, сарапшылық тағайындаған тұлғаға беріледі.

Филиал әкімшілігі құқық қорғау ұйымдарымен, Қызылорда облысы ішкі істер тергеу басқармасымен, аудандық, қалалық полиция бөлімінің тергеушілері және әділет министрлігі сот сараптама институтының сарапшыларының қатысуымен сот медициналық сараптама жүргізудегі көкейкесті сұрақтар және сараптама тағайындаудағы талаптар жайлы үнемі мәжілістер өткізіп, онда сараптаманы тағайындаудағы тергеу қызметкерлерін ойландырып жүрген сұрақтарына жауап беріліп тұрады.

Филиал сарапшылары судья немесе қорғаушылардың шақыртуымен қалалық және аудандық сот процестеріне қатысып, шешімін таппай тұрған күрделі қылмыстық мәселелер бойынша өздерінің ғылыми тұжырымдарымен негізделген көрсетімдерін беріп, сот шешімінің дұрыс шығуына өз үлестерін қосып тұрады.

Сонымен қатар, филиал сарапшылары жергілікті денсаулық сақтау ұйымдарымен, емдеу мекемелерімен , облыстық «ЖИТС-тың алдын алу және оған қарсы күрес орталығымен» (жүре пайда болған иммундық тапшылығының синдромы) , облыстық обаға қарсы күрес стансасы мамандарымен бірге тығыз байланыста жұмыс жүргізеді. Емдеу мекемелерімен науқасқа қойылған диагноздың алшақтығын болдырмау мақсатында клиникалық-анатомиялық конференциялар, семинар-кеңестер өткізіліп талқыланды.

Туберкулез, обыр және қан айналым жүйесі ауруларынан болған өлімдер арнайы бақылауға алынып тұрады.

Филиал ұжымы облыста өткізіліп жатырған іс-шаралардан қалыс қалмайды. Қызылорда облысы Әділет органдары үйлестіру кеңесінің төрағасы Қ. Е.Сапаровтың ұйтқы болуымен қарттар мен жетім балаларға ,алимент ала алмай отырған аналардың балаларына қол ұшын беру мақсатында қамқорлық акцияларына және ораза айы кезінде мұсылмандық парыздарын өтеп жүрген ақсақалдарға орталық мешітте ауыз ашар беріп өз үлестерін қосып отырады.

Филиал сарапшыларының елеулі еңбектері дер кезінде ескеріліп Министрлік, Орталық және облыс әкімдігімен , облыстық әділет департаменті басшылығымен өз дәрежесінде бағаланып ,соған сәйкес сарапшылар мен қызметкерлер марапатталып тұрады.

Қазақстан Республикасы Үкіметінің 2017 жылғы №34 қаулысына сәйкес, «Қазақстан Республикасы Әділет министрлігінің Сот медицина орталығы» Мемлекеттік мекемесінің қосылуымен қайта құрылып, атауының «Қазақстан Республикасы Әділет министрлігінің Сот сараптамалары орталығы» Республикалық мемлекеттік қазыналық кәсіпорны Қызылорда облысы бойынша Сот сараптамалары институты болып өзгерді.

«Сот сараптамалары орталығы» сот медициналық сараптама зерттеулерін, сот-психиатриялық және сот наркологиялық сараптамаларын жүргізеді

 

Қосберген КУЛЬМУРЗАЕВ,

Қызылорда облысы бойынша Сот сараптамалары институтының

жалпы сараптама бөлімінің жетекшісі

сот медициналық сарапшы 

 

ҚР ӘМ «Сот сараптамалары орталығы» РМҚК филиалы Қызылорда облысы бойынша Сот сараптамалары институтының тыныс–тірлігі


Жақсылық Досқалиев тегін медициналық көмектің жаңа үлгісін түсіндіріп берді

 

2018 жылғы 10 қаңтар

 

АСТАНА. ҚазАқпарат -ҚР Президенті Нұрсұлтан Назарбаев бүгінгі Жолдауында мемлекеттің міндеттерін нақты белгілей отырып, тегін медициналық көмектің кепілдік берілген көлемінің жаңа моделін әзірлеуді тапсырды, деп хабарлайды ҚазАқпарат тілшісі. Академик Жақсылық Досқалиевтің айтуынша, міндетті әлеуметтік медициналық сақтандыру жүйесі аясында тегін медициналық көмектің көлемін өзгертуге тура келеді. «Қазіргі кезде тегін медициналық көмек бар. Оған мемлекеттің өзі кепілдік беріп отыр. Оның құрамына барлық медициналық қызметтер кіреді. Былайша айтқанда, бүгінде ол қызметтің бәрі бюджет есебінен атқарылады. Ал міндетті әлеуметтік медициналық сақтандыру жүйесін енгізгенде кепілдендірілген медициналық көмек шегеріледі. Өйткені кейбір медициналық қызметтер бюджеттен емес, арнайы медициналық қордан төленеді», - деді Ж.Досқалиев ҚазАқпарат тілшісіне берген сұхбатында.

Ғалымның айтуынша, тегін медициналық көмек шегерілсе де,оның негізгі бағыттары қала береді.«Біріншіден, адам өміріне қауіп төнгенде тегін медициналық көмек көрсетіледі. Ондайда сақтандыру куәлігің бар ма, жоқ па, ешкім сұрамайды. Өйткені адамды құтқару қажет. Екіншіден, инфекциялық аурулар кезінде тегін қызмет болады. Сосын туберкулез сияқты аурулар бар. Оны да мемлекет өз мойнына алып отыр. Үшіншіден, сан алуан психикалық аурулар кездеседі. Бұдан бөлек, вакцинация, скрининг, орфанды, яғни сирек кездесетін аурулар, тегін дәрілер және тағы басқа шаралар бюджеттің есебінен атқарылады. Президенттің айтып отырғаны да сол, кімге, қандай және қай кезде тегін медициналық көмек беріледі. Соның бәрін ретке келтіру керек. Қалған міндетті әлеуметтік медициналық сақтандыруға беріп тастауға болады», - деп атап көрсетті Ж.Досқалиев. Айта кетейік, «Төртінші өнеркәсіптік революция жағдайындағы дамудың жаңа мүмкіндіктері» атты Жолдауда Мемлекет басшысы ғылыми онкологиялық орталықты құру міндетін де белгіледі.

 

Автор: Арман Асқаров


http://www.inform.kz/kz/zhaksylyk-doskaliev-tegin-medicinalyk-komektin-zhana-ulgisin-tusindirip-berdi_a3118958

ӘЛЕУМЕТТІК МЕДИЦИНАЛЫҚ САҚТАНДЫРУ ЖҮЙЕСІН ЕНГІЗУДІҢ ҚАЖЕТТІЛІГІ ЕШҚАНДАЙ КҮМӘН ТУҒЫЗБАЙДЫ

Қазақстан Президенті Нұрсұлтан Назарбаев «Төртінші өнеркәсіптік революция жағдайындағы дамудың жаңа мүмкіндіктері» атты Жолдауында әлеуметтік медициналық сақтандыру жүйесін енгізу қажеттілігі ешқандай күмән туғызбайтынын айтты, - деп хабарлайды Tengrinews.kz.

"Денсаулық сақтау саласы халықтың, мемлекеттің және жұмыс берушінің ортақ жауапкершілігіне негізделген Міндетті әлеуметтік медициналық сақтандыру жүйесіне кезең-кезеңімен көшетін болады. Оны енгізудің қажеттілігі ешқандай күмән туғызбайды. Алайда, Денсаулық сақтау министрлігі мен Еңбек және халықты әлеуметтік қорғау министрлігі іске асырмаған дайындық жұмыстарын тыңғылықты жүргізу талап етіледі. Мемлекеттің міндеттерін нақты белгілей отырып, Тегін медициналық көмектің кепілдік берілген көлемінің жаңа моделін әзірлеу қажет. Халық мемлекет тарапынан кепілдік берілмеген қызметтерді Міндетті әлеуметтік медициналық сақтандыру жүйесінің қатысушысы ретінде немесе ерікті медициналық сақтандыру, сондай-ақ бірлесе төлеу арқылы ала алады", - деді Назарбаев. Қазақстан Президентінің айтуынша, халықтың өмір сүру ұзақтығының өсуіне және медициналық технологиялардың дамуына байланысты медициналық қызмет көрсетуге деген сұраныс көлемі арта түсетін болады. "Қазіргі денсаулық сақтау ісі қымбатқа түсетін стационарлық емге емес, негізінен аурудың алдын алуға бағытталуға тиіс. Саламатты өмір салтын насихаттай отырып, қоғамдық денсаулықты басқару ісін күшейту керек. Жастардың репродуктивті денсаулығын қорғауға және нығайтуға ерекше назар аудару керек. Тиімділігі аз және мемлекет үшін шығыны көп диспансерлік ем қолданудан негізгі созылмалы ауруларға алыстан диагностика жасап, сондай-ақ осы саланы амбулаторлық емдеу арқылы басқаруға көшу қажет. Бұл тәжірибе әлемде бұрыннан бар. Оны батыл әрі белсенді түрде енгізу керек", - деді Президент. Оның айтуынша, онкологиялық аурулармен күресу үшін кешенді жоспар қабылдап, ғылыми онкологиялық орталық құру қажет. "Халықаралық озық тәжірибе негізінде ауруды ерте диагностикалаудың және қатерлі ісікті емдеудің жоғары тиімділігі қамтамасыз етілуге тиіс. Біз кардиология, босандыру және өкпе ауруымен күресу кезінде атқарған істеріміз сияқты жұмыстарды да жүргізуіміз керек. Халық мемлекет тарапынан кепілдік берілмеген қызметтерді Міндетті әлеуметтік медициналық сақтандыру жүйесінің қатысушысы ретінде немесе ерікті медициналық сақтандыру, сондай-ақ бірлесе төлеу арқылы ала алады. Ақпараттық жүйелерді біріктіру, мобильдік цифрлық қосымшаларды қолдану, электрондық денсаулық паспортын енгізу, "қағаз қолданбайтын ауруханаға" көшу арқылы медициналық көмектің қолжетімділігі мен тиімділігін арттыру қажет. Медицинада ауруларды диагностикалау мен емдеудің тиімділігін айтарлықтай арттыратын генетикалық талдау мен жасанды интеллект технологияларын енгізуге кірісуіміз керек", - деді Назарбаев.

Сонымен қатар, Мемлекет басшысы Жолдауында медицина кадрларына қатысты мәселелерге жауап берді. "Бүгінде бізде Назарбаев Университетінің бірегей Медицина мектебі бар. Онда біріктірілген университет клиникасы жұмыс істейді. Бұл тәжірибе барлық медициналық жоғары оқу орындарына таратылуға тиіс.Осы және басқа да шараларды іске асыру үшін "Халық денсаулығы және денсаулық сақтау жүйесі туралы" кодекстің жаңа редакциясын әзірлеу қажет", - деді Қазақстан Президенті.

https://syr-media.kz/news/1404-leumettk-medicinaly-satandyru-zhyesn-engzud-azhettlg-eshanday-kmn-tuyzbaydy.html

ҚАЗАЛЫ АУДАНЫНДА АУРУХАНА АШЫЛДЫ (FOTO)

Аудан орталығы Әйтеке би кентінде 150 орындық орталық аудандық аурухана пайдалануға берілді.
Облыс әкімі Қ. Көшербаев жаңа емдеу мекемесінің ашылу салтанатына қатысып, дәрігерлер мен кент тұрғындарын жаңа аурухананың ашылуымен құттықтады.
Аймақ басшысы аурухана ұжымының жұмысына сәттілік тілеп, жаңа «Жедел жәрдем» көлігінің кілтін табыстады.
Аудандық аурухананың ашылуына қатысқан ҚР Парламенті Мәжілісінің депутаттары Бақтықожа Ізмұхамбетов, Абай Тасболатов, Мұхтар Ерман және Геннадий Шиповских пен аудандық денсаулық сақтау саласының ардагері Орақ Кеубасов қазалылықтарды қуаныштарымен құттықтады.

Астанада тегін дәрі-дәрмек емханалар арқылы берілмек

ҚАЗАЛЫ АУДАНЫНДА АУРУХАНА АШЫЛДЫ (FOTO)
ҚАЗАЛЫ АУДАНЫНДА АУРУХАНА АШЫЛДЫ (FOTO)
ҚАЗАЛЫ АУДАНЫНДА АУРУХАНА АШЫЛДЫ (FOTO)
ҚАЗАЛЫ АУДАНЫНДА АУРУХАНА АШЫЛДЫ (FOTO)
ҚАЗАЛЫ АУДАНЫНДА АУРУХАНА АШЫЛДЫ (FOTO)
ҚАЗАЛЫ АУДАНЫНДА АУРУХАНА АШЫЛДЫ (FOTO)

 

 
 
Қызылорда Облысының Әкімдігі

Қазақстан - Қызылорда

Опубликовано: 7 янв. 2018 г.


Қазақстан - Қызылорда

Опубликовано: 7 янв. 2018 г.