Ауа райы
Мерекелер
Сіз емшіге қаралдыңыз ба?

Үздік фармацевт анықталды«Болашақ» медицина колледжінің ұйымдастыруымен фармация мамандығының студенттері арасында болған байқаудың жеңімпазы анықталды.

«Қазақстан-Қызылорда» телеарнасы. 24 сәуір 2017

Дереккөз: http://kyzylordatv.kz/kz/news/medicine/uzdik-farmacevt-anyktaldy


ДЕНСАУЛЫҚТЫ САҚТАУ МЕДИЦИНАЛЫҚ САҚТАНДЫРУДАН БАСТАЛАДЫМемлекеттің құнды қазынасы адам десек, адамның басты байлығы оның денсаулығы екені белгілі. Елімізде жыл сайын тұрғындардың саулығын сақтау, ұзақ өмір сүруін қамтамасыз ету мақсатында түрлі бағдарламалар қабылданып, ауқымды жұмыстар атқарылып келеді. Себебі, дені сау адам ғана мемлекеттің шын мәнінде баға жетпес байлығы болып саналмақ. Еліміздің денсаулық сақтау саласына жаңадан енгізілгелі отырған міндетті медициналық сақтандырудың да өз мақсаты, көздеген межесі бар. Осы орайда жаңа жүйенің маңызы қандай, оның тиімділігі неде деген сұрақпен №2 қалалық емхана бас дәрігерінің емдеу ісі жөніндегі орынбасары Венера Садмановамен сұқбаттасқан едік.

– Венера Сансызбайқызы, еліміздің денсаулық сақтау саласына келер жылдан бастап міндетті медициналық әлеуметтік сақтандыру жүйесі енгізілгелі отыр. Бүгінде жүйенің мақсаты, міндеті туралы бұқараға түсіндіру жұмыстары кеңінен жүргізілуде. Аталған жүйе жайында кеңірек айтып берсеңіз?

– Еліміздегі міндетті әлеуметтік медициналық сақтандыру Елбасының тапсырмасы бойынша Ұлт жоспары – бес институциялық реформаны жүзеге асыру жөніндегі «100 нақты қадамның» 80-қадамына байланысты және Денсаулық сақтау саласын дамытудың 2016-2020 жылдарға арналған «Денсаулық» мемлекеттік бағдарламасы аясында енгізіліп отыр. Міндетті әлеуметтік медициналық сақтандыру жүйесінің басты мақсаты – медициналық көмектің сапасын арттыру. Сондай-ақ, ол халықтың денсаулығын қорғау жүйесі болып табылады. Дамыған елдердің барлығында бұл жүйе іске асырылып, тұрғындар оның нәтижесін көріп отыр. Әр адам өз денсаулығына өзі жауапты, әйтсе де біздің елімізде тұрғындардың саулығын сақтауда көптеген ауқымды жұмыстар атқарылып, жағдай жасалып отыр. Жаңа жүйе бойынша енді бұл мәселеге мемлекетпен бірге жұмыс беруші де араласатын болады. Олай дейтініміз, сақтандыру жарналарын азаматтарға жұмыс беруші мекемелер төлеп отырады, ал жұмыс істемейтіндер мен жұмысқа жарамсыздар үшін жарна мемлекеттен аударылады. Жалпы, бұл жүйе халықтың барлық топтары үшін медициналық және дәрі-дәрмектік көмектің тең көлемі мен сапасын қамтамасыз ететін болады.

– Жүйенің жүргізілу кезеңдері туралы не айтасыз?

– Міндетті медициналық сақтандыру жүйесі елімізде 2017-2022 жылдар аралығында біртіндеп енгізіледі деп күтілуде. Яғни, 2017 жылдың 1 шілдесінен бастап мемлекет, жұмыс берушілер және өзін-өзі жұмыспен қамтыған азаматтар Әлеуметтік-медициналық сақтандыру қорына жарна төлеуді бастайды. 2018 жылы елімізде міндетті әлеуметтік-медициналық сақтандыру жүйесі енгізіледі. Жарнаның мөлшерлемесі белгіленді. Мәселен, ерекше санаттағы азаматтар үшін мемлекет төлейтін жарнаның мөлшерлемесі 2022 жылдан бастап орташа айлық еңбекақының 5 пайызынан аспайтын болады. Ол бастапқыда 3,75 пайызбен басталса, одан арғы жылы 5 пайызға ұлғаймақ. Ал жұмыс берушілер жарнасы мөлшерлемесінің жалпы көлемі алғашқы жылы 1 пайыз болса, 2020 жылдан бастап 2 пайызды құрайды.

– Әлеуметтік жағынан аз қамтылғандар үшін қандай жеңілдіктер бар, яғни, қандай жағдайлар жасалып отыр?

– Жаңа жүйеге қатысты заңда бұл мәселеге қатысты егжей-тегжейлі көрсетілген. Атап айтқанда, мемлекет заңға сәйкес халықтың бірнеше топтары үшін үлкен жеңілдіктер жасауда. Мәселен, әлеуметтік медициналық сақтандыру қоры жарнасын төлеуден азаматтардың 14 санаты босатылады, оның ішінде 12-сі тұрғындардың әлеуметтік тұрғыдан осал тобы. Мысалы, «Алтын алқа», «Күміс алқа» иегерлері немесе бұрын «Батыр ана» атағын алған, сонымен бірге І және ІІ дәрежелі «Ана даңқы» ордендерімен марапатталған көпбалалы аналар, Ұлы Отан соғысына қатысушылар мен оның мүгедектері, мүгедектер, жұмыссыз ретінде тіркелген адамдар, интернат ұйымдарында білім алып және тәрбиеленіп жатқандар, техникалық және кәсіптік, орта білімнен кейінгі, жоғары білім беру, сондай-ақ, резидентура нысанындағы жоғары оқу орындарынан кейінгі білім беру ұйымдарында күндізгі оқу нысанында білім алушылар, бала тууға, жаңа туған баланы асырап алуға байланысты, бала үш жасқа толғанға дейін оның күтіміне байланысты демалыста жүргендерге, жұмыс істемейтін жүкті әйелдер, зейнеткерлер, тағы басқа азаматтарға жеңілдіктер қарастырылған.

– Жалпы, жаңа жүйе қарапайым халыққа не береді?

– Жоғарыда айтып өткеніміздей, бұл жүйе дамыған мемлекеттердің барлығында қалыптасқан, оның нәтижесін халқы көріп отыр. Ол ең бастысы негізгі сақтандыру түрі болып табылады. Бұл сақтандыру түріне мемлекеттік бюджеттен тегін көрсетілетін медициналық қызметтер кіреді. Ол еліміздің барлық азаматтарына қолжетімді болады. Мемлекет өз міндетіне медициналық қызметтің бірнеше түрін алады. Мәселен, жедел жәрдем қызметін, санитарлық авиацияны, әлеуметтік маңызы бар ауруларға ем көрсетуді, төтенше жағдайда көмек көрсетуді және алдын алу шараларына қатысты екпелерді өз міндетіне алады.

Міндетті әлеуметтік сақтандыру аясында қаржыландырылатын сақтандыру түрі де бары белгілі. Бұл негізінен сақтандыруға кірмеген басқа да медициналық қызметтер түрін қамтитын болады. Оған амбулаториялық-емханалық көмектер, ауруханада жатып емделу, жоғары технологиялық көмектер кіреді. Сақтандырудың осы түрі міндетті сақтандыру жүйесіне тіркелген азаматтар үшін қолжетімді болады және азаматтардың жеке шығындары азаяды.

– Бүгінде еліміз бойынша, оның ішінде біздің өңірімізде де бастапқы медициналық-санитарлық көмек көрсету ұйымдары бойынша «Емханаға тіркел де, өз мәртебеңді анықта!» ұранымен тұрғындар мәртебесін анықтау науқаны өтіп жатқаны белгілі. Сіздің мекемеңізде бұл жұмыс қалай жүріп жатыр?

– Иә, үстіміздегі жылдың 5 сәуірі мен 31 маусым аралығын¬да «Емханаға тіркел де, әлеуметтік медициналық сақтандыру жүйесіндегі өз мәртебеңді анықта!» ұранымен тұрғындарды емханаға тіркеу науқаны жүргізілуде. Осы орайда емхана қызметкерлері келген адамға жаңа жүйе жайлы түсіндіріп, ақпарат беруде. Онан бөлек біздің қызметкерлер үйлерді аралап ақпараттық-түсіндірме парақшаларын таратып, ауызша да насихаттаудамыз. Жалпы, №2 емханаға қарасты 36 мыңнан астам тұрғын бар. Балалар мен жасөспірімдерді қоспағанда бүгінде 5 мыңнан астамының мәртебесі анықталды.

– Әңгімеңізге рахмет.

Сурет Kapital.kz сайтынан алынды

Әңгімелескен Айнұр БАТТАЛОВА

http://syrboyi.kz/negizginews/10960-densaulyty-satau-medicinaly-satandyrudan-bastalady.html

ЖАҢА ЖҮЙЕГЕ ЖАН-ЖАҚТЫ ДАЙЫНДЫҚОблыстық денсаулық сақтау басқармасы мен облыс әкімінің баспасөз қызметінің ұйымдастыруымен Қазалы ауданындағы дәрігерлерік қызмет және елімізде енгізілгелі жатқан міндетті әлеуметтік-медициналық сақтандыру жүйесін тұрғындар арасында насихаттау, түсіндіру аясында жасалып жатқан шаралармен және «Емханаға тіркел де, әлеуметтік мәртебеңді анықта!» ұранымен өткізіліп жатқан науқанның өту барысымен танысуға арналған баспасөз туры өтті.

Шара аясында тілшілер қауымы алдымен Қазалы теміржол ауруханасына ат басын бұрды.

Жалпы, Қазалы теміржол ауруханасының қызметі аудан халқына жақсы таныс. Ғасырдан аса тарихы бар аурухана 140 орынға арналған. Мұнда хирургиялық, гинекологиялық, неврологиялық, балалар, жалпы терапия және жансақтау секілді алты бөлім бар. Кеңес беру-диагностикалық бөлімі ауысымына 250 келушіні қабылдауға қауқарлы. Өткен жылдың ақпан айында аурухана базасынан нейроинсульт орталығының ашылуы тек қазалылықтарға ғана емес, сонымен бірге Қармақшы, Арал тұрғындары үшін де мол мүмкіндік болып отыр. Нейроинсульт орталығы 24 төсек орынға арналған. Оның ішінде 10-ы инсульт бөліміне арналған, тағы 10 төсек нейрореабилитация, 4 төсек орын жансақтау бөлімі. Орталықтың бас-ты мақсаты бөлімшеге келген науқастарға жоғары дәрежелі медициналық көмек көрсету, диагноздарын анықтап, стандарттарға сәйкес сапалы ем жасау болып табылады. Орталық дәрігерлермен, мейірбикелермен және кіші буын медицина қызметкерлерімен толық қамтамасыз етілген.

– Орталық заманауи құрал-жабдықтармен толық жабдықталған. Мәселен, тәуліктік мониторинг аппараттар, тыныс алу құралдары, электроотсос, дефибриллятор, электрокардиограф құрылғылары жұмыстың өз деңгейінде жүріп, науқас жағдайының жақсаруында үлкен маңызға ие. Облыстық медицина орталығынан кейін тек біздің орталықта ғана бар КТ,УЗИ аппараттары тәулік бойы жұмыс жасайды. Сонымен бірге науқастың сауығып кетуіне мол мүмкіндік беретін жаттығу залы, физиотерапиялық кабинетіміз қажетті құрал-жабдықтармен толық қамтылған,– дейді Қазалы теміржол ауруханасының бас дәрігері Құбыл Ршымбетов.

– Инсульттің геморрагиялық және ишемиялық түрлері бар. Ишемиялық инсульт алған жағдайда науқас үш сағат ішінде ауруханаға келіп үлгерсе, онда оны құтқарып қалу мүмкіндігіміз мол. Яғни, медикаментозды реперфузионды терапия жүргізіледі. Былайша айтқанда, дәрі егу арқылы науқастың тартылған аяқ-қолын, қисайған бет-ауызын қалыпқа келтіруге болады. Ал, басына қан құйылған жағдайда оның қаншалықты көлемде екені анықталған соң ота жасалады, – дейді бас дәрігер.

Орталық жұмысымен танысу барысында оңалту бөлімінде ем алып жатқан Қазалы ауданы, Ғ.Мұратбаев ауылынан келген Айша Асановамен әңгімелесудің сәті түсті. 1957 жылы туылған Айша ағымдағы жылдың 28-наурызы күні ауыр жағдайда ауруханаға түскен. Дер уақытында келгендіктен мамандардың көмегінің арқасында аман қалған. Он бес күндей емделіп үйіне шығарылған ол осында қайта келіп үш-төрт күннен бері оңалту бөлімінде емін жалғастыруда.

– Екінші рет инсульт алдым. Осында келген соң әуелі Алланың, онан соң дәрігерлердің арқасында қазір жағдайым қалыпқа түсті. Бүгінде, міне, өздеріңіз көріп отырғандай, сөйлеп отырмын, аяқ-қолымды қозғалта аламын, – деді Айша апа.

Екінші рет инсульт алған Бейсенкүл Шеріпбаеваның оңалту бөлімінде жатып ем алғалы бері сөйлеу қабілеті қалпына келе бастаған.

– Заманауи медициналық көмектің арқасында жағдайым күн санап жақсарып келеді. Ауданымыздан мұндай орталықтың ашылғанына қуанып отырмыз. Әйтпесе менің мынадай жағдайымда облыс орталығына жету дегеніңіз азап болар еді. Орталықты ашуға сеп болған азаматтарға алғысым шексіз. Мұнда аурудың айығып кетуіне барлық жағдай бар, мамандар да жақсы, – деп Бейсенкүл апа ағынан жарылды.

Өткен жылы бұл орталықтан 292 науқас емделіп шыққан, оның ішінде 100-ге жуығы ерте оңалту курсынан өткен. Былтыр 11 ота, ал үстіміздегі жылдың алғашқы тоқсанында 6 ота жасалған.

Баспасөз туры аясында тілшілердің келесі тоқтаған нысаны бұл – Қазалы аудандық ауруханасы.

Бес жыл бұрын қазалы аудандық ауруханасының ескі ғимараты аппатты деп танылып, жаңа ғимараттың құрылысын салу көзделді. Оған республикалық бюджеттен 4 млрд теңгеден астам қаржы қаралды. Бүгінде құрылыстың алғашқы кезеңі аяқталған.

Жаңа аурухана аудан орталығы – Әйтеке би кентінде салынуда. 150 төсектік аурухана үш қабаттан тұрады. Бас мердігер – «Қазқұрылыс сервис» ЖШС. Жаңа нысан үстіміздегі жылдың желтоқсан айында пайдалануға беріледі деп күтілуде. Бұл жерде ауысымына 250 келушіге арналған аудандық емхана да бой көтеретін болады.

– Аурухананың жаңа ғимаратқа көшірілуімен бірге медициналық қызмет сапасы да жақсара түседі, жаңа заманауи құрал-жабдықтармен қамтылады деп отырмыз. Әзірге ескі ғимаратта ауруларды қабылдап, ем жасап жатырмыз, – деді аудандық аурухана бас дәрігерінің міндетін атқарушы Бақыткүл Әлішева.

Айта кету керек, ауруханада хирургиялық бөліммен қатар басқа да бірнеше бөлім бар. Бөлім меңгерушісі Көбек Наршабаевтың айтуынша, хирургиялық бөлімде жоғары мамандандырылған құрал-жабдықтардың көмегімен түрлі операциялар жасалуда.

– Мысалы, 2016 жылы лапраскопияның көмегімен 100-ден аса ота жасалса, үстіміздегі жылдың бірінші тоқсанында ота саны 34-ке жетіп отыр. Бұл құралдың арқасында науқас отадан кейін 2-3 күнде үйлеріне шығарылуда, сонымен бірге аталған құрал түрлі аурулардың диагнозын қоюға мүмкіндік береді, – дейді К.Наршабаев.

5-сәуір мен 31-маусым аралығында «Емханаға тіркел де, міндетті әлеуметтік-медициналық сақтандыру жүйесіндегі өз мәртебеңді анықта!» ұранымен ұйымдастырылған науқан аудан көлемінде де қарқынды жүргізілуде екен. Мамандардың айтуынша, емханаға келген әрбір азаматқа жаңа жүйенің жай-жапсары түсіндіріліп, тиісті ақпараттар берілуде.

Мәселен, Жетес би ауылдық емханасының меңгерушісі Фатима Мұстафаеваның айтуынша, аталған емханаға 17500 тұрғын қарайды, оның 6200-і бала. Тұрғындарға телефон арқылы ақпараттар берілуде және медицина қызметкерлері үй-үйді аралап түсіндірме жұмыстарын жүргізуде. Арнаулы кабинет те ашылған. Бүгінде тұрғындардың 70 пайызының мәртебесі анықталған.

Баспасөз туры аясында тұрғындармен кездесу өтті. Онда аудандық аурухана бас дәрігерінің міндетін атқарушы Бақыткүл Әлішева бастаған мамандар жалпыға ортақ жаңа жүйенің маңызы мен міндеті туралы жан-жақты түсіндірді. Аудандық аурухана бас дәрігерінің орынбасары Раушан Қалуова арнайы хабарлама жасап, тұрғындар сауалдарына жауап берді.

– Акция басталғалы бері біз еңбек ұжымдарымен, ауыл тұрғындарымен кездесіп, түсіндіру жұмыстарын жүргізудеміз. Ауданда 59 мың тұрғын бар, бүгінде соның 60 пайызы бастапқы медициналық-санитарлық көмек көрсететін ұйымға тіркеліп, мәртебелері анықталды. Бұл бағыттағы жұмыс әлі де жалғаса береді, – дейді аудандық аурухана бас дәрігерінің міндетін атқарушы Бақыткүл Әлмәмбетқызы.

Айнұр БАТТАЛОВА.

Қазалы ауданы

http://qazaly.kz/zha-a-zh-jege-zhan-zha-ty-dajyndy/

ЖИЫРМАСЫНШЫ БЕЛЕСТІ БАҒЫНДЫРҒАН ҰЖЫМЕлбасымыз үнемі халыққа арнаған Жолдауларында «Мәңгілік елдің бүгінгі және ертеңгі ұрпағы денсаулығы мықты, салауатты өмір салтын ұстанатын азаматтар болуы тиіс» деп айрықша атап көрсеткен болатын. Себебі, күшті мемлекетті денсаулығы мықты азаматтар ғана құра алады. Сондықтан, жаңа заманауи емдеу мекемелерін көптеп ашып, оларды соңғы үлгідегі техникалық құрал-жабдықтармен қамтамасыз ету басты міндеттердің біріне айналып отыр. Бұл ретте, жекеменшіктегі емдеу орындарының да алар орны ерекше. Осы тұрғыда біз де құрылғанына 20 жыл уақыт толып отырған «Аралстомед» жауапкершілігі шектеулі серіктестігі жайында айтқанды жөн көрдік. Иә, осыдан тура жиырма жыл бұрын, яғни, жекешелендірудің дүрмегі денсаулық сақтау мекемелері арасында әсіресе, стоматологтар қауымына айрықша салмақ салған тұста Арал аудандық тіс емханасының бас дәрігері қызметіндегі Ордабек Едігеев өз әріптестерін сарсаңы көп шақта тығырықтан шығуға көмектесті. Сөйтіп, облыстық әділет басқармасынан тіркеуден өтіп, облыстық денсаулық департаментінен салалық қызметін жүргізуге лицензия алды. Бұрынғы жүйеден ешқандай құрал-жабдықтарды алмай шыққан ұжым мүшелері намысқа тырысып, өз орталарынан ақша жинастырып, керек жабдықтарды сатып алды. Алғашқы кезде баспана табудың өзі мұң болған еді. Алайда, сол бір қиын күндердің бәрі артта қалды. Бүгінгі күні қаламыздың қақ ортасынан ойып орын алып тұрған жаңа мекен-жайды ауданымыздың барлық тұрғындары жатқа біледі десек, артық айтқандығымыз болмас. Сол шақтары мекеменің жандануына зор үлесін қосқан Қонысбай Маханов пен Мақсұт Айсауытов халыққа өздерінің қалтқысыз қызметін көрсеткен болатын. Сол білікті мамандардың іздерін қуған тіс емдеудің мамандары емделушілерге барлық қолайлы жағдайды жасап отыр. Яғни, онда жұмыс жасап жүрген дәрігерлер мен аяжандар соңғы үлгіде жабдықталған кабинеттерде барлық қолайлылық пен жайлылықты сезініп, белсене еңбек етіп жүр. Атап айтар болсақ, дәрігерлер Сәбила Жанкүшікова, Марал Қуатова, дәрігер-стоматолог Қазила Байешова, аяжандар Күлдәрі Әбілезова, Жақсыгүл Жалмағанбетова, тіс технигі Құттыбике Байділдаева және жас мамандар, дәрігер Гүлзия Тәжімбетова, аяжан Күнсая Кубекова мен тіс жұлу кабинетінің маманы Әскербек Қыстаубаевтарды мекеме мақтаныштары деп атауға болады. Есеп қызметін жіті меңгерген Алмагүл Сатыбалдиеваның құжаттарды ұйымдастырып, жаңа құрылымның бой түзеуіне үлесі зор болды. Осы жандардың арқасында «Аралстомед» ЖШС-і бүгінде жылына орта есеппен 11 мыңға жуық адамды емдейтін еңселі ұжымға айналған. Тіс емдеу және жұлу, тіс салу функциясы күннен-күнге дамып жатырған тұста қызметкерлер әрдайым оқу курстарынан өтіп, білімдерін жетілдіріп келеді екен. Сонымен қатар медициналық көмектің кепілдік берілген көлемінің шеңберінде қаламыздағы №83, №62, №260 және Сексеуіл кентіндегі №177 орта мектеп оқушылары мен жүкті әйелдер тістерін тегін емдей алады екен. Ширек ғасырға жуық тарихы мекеменің басшысы Ордабек Едігеев тіс емдеу саласы төңірегінде былайша әңгімеледі: - Халық саулығына қалтқысыз қызмет етуді мақсат етіп қойғанбыз. Әсіресе, адам өмірінде тіс ауруының алар орны ерекше. Оны емдеу тек қана стоматолог-дәрігерлердің қолынан келетін іс. Жасыра алмаймыз, қазіргі уақытта кішкентай бала да, ересек те тіс жегі ауруларымен ауырады. Тіс жегінің көптігі экологияның нашарлығынан, әрі тамақтың құнарсыздығынан да болып жатады. Кейбір адамдар «бұрынғы кісілер тамақтан кейін де, алдында да тісін жумай, тарымен аузын шая салады, біз де солай жасаймыз» деп айтып отырады. Алайда, жоғарыда көрсеткен себептерге байланысты, олай істеуге қазір мүлдем болмайды. Тағы да бір ескертетін жайт, кішкентай балалардың тістері ауырған бойда жұлдыруға әкеліп жатады. Тістердің қисық өсетіні содан. Қолдан келгенше емдеп, өзі табиғи түрде түскенше көңіл бөлу керек - деп мекемеде алдағы уақытта атқарылатын жұ мыс тары жайында ой бөлісті. Біз жиырмасыншы белесті бағындырып, тұрғындар талабынан табылған ұжым мүшелерінің еңбектеріне табыс тілейміз.

 

 

Света АРТЫҚБАЙҚЫЗЫ.

 

«Толқын» газеті, 22 сәуір 2017 жыл

Kazaly Bayan rus

Қосты: ВидеоМерзімі: 20-04-2017, 18:07


Опубликовано: 20 апр. 2017 г.

Наш сайт:
http://kogamtv.kz/

Kazaly Olzhas kaz

Қосты: ВидеоМерзімі: 20-04-2017, 18:06


Опубликовано: 20 апр. 2017 г.

Наш сайт:
http://kogamtv.kz/


Опубликовано: 19 апр. 2017 г.

Наш сайт:
http://kogamtv.kz/


Опубликовано: 19 апр. 2017 г.

Наш сайт:
http://kogamtv.kz/

Кеселмен күрескен ұжым

Қармақшыауданындағыобағақарсыкүресстанциясыіргетасыныңқаланғанынабиылжетпісжыл. Мекемеіскекіріскенкүнненбастапаймақтаасақауіптіжұқпалыіндеттіңалдыналуғабағытталғаншаралардыдеркезіндеатқарыпкеледі. Халықденсаулығынсақтауменқатарөзөмірінқатергетіккенжандармерейтойлықшарадақұрметтөріненкөрінді.

«Қазақстан-Қызылорда» телеарнасы. 17 сәуір 2017

Дереккөз: http://kyzylordatv.kz/kz/news/medicine/keselmen-kuresken-uzhym


Nova диагностикалық орталығы жаңа ғимаратқа көшті

Жетіжылданберіқызылордалықтарғамедициналыққызметкөрсетіпкележатқан Nova диагностикалықорталығыжаңағимаратқакөшті. СалтанаттышарағаоблысәкімініңорынбасарыРусланРүстемовқатысты.

«Қазақстан-Қызылорда» телеарнасы. 17 сәуір 2017

Дереккөз: http://kyzylordatv.kz/kz/news/society/nova-diagnostikalyk-ortalygy-zhana-gimaratka-koshti


Назад Вперед