Ауа райы
Мерекелер
0

Корей дәрігерлері қармақшылықтарға тегін қызмет көрсеттіҚармақшы ауданының ІІІ Интернационал ауылына Оңтүстік Кореяның Гуанджу қаласындағы клиниканың бас дәрігері Яң Хан Мо бастаған білікті дәрігерлер келіп, бір күнде 500-ден астам адамға тегін медициналық қызмет көрсетті.

 

Аудан әкімдігінің баспасөз қызметі хабарлағандай, ауыл тұрғындары осы күні отбасылық дәрігерлер мен тапшы білікті мамандардың қабылдауында болды. Құрамында хирург, терапевт, стоматалог, оториноларинголог, офтальмолог, гинеколог, косметологтар бар топ ауыл халқына сапалы қызмет көрсетіп, көптеген дәрі-дәрмек, дәруменді тегін таратты.

Қонақтар ауылдың негізін қалаушы Социалистік Еңбек Ері Цай Ден Хактың ескерткішіне гүл шоқтарын қойып, оның атындағы мұражаймен танысты. Енді корейлік дәрігерлер тобының сапары Қызылорда қаласында жалғасады.

Айта кетейік, бұған дейін де Яң Хан Мо бастаған топ 2014 жылы облыс орталығында этникалық кәріс өкілдерінен бастап басқа да қала тұрғындарына тегін медициналық қызмет көрсеткен болатын.

http://syrboyi.kz/zedelnews/8294-korey-drgerler-armashylytara-tegn-yzmet-krsett.html

ГЕРМАНИЯЛЫҚТАР КӘСІПТІ ДАМЫТУҒА КӨМЕКТЕСУДЕОсымен екінші апта бойы германиялық профессор Фритц Мильтнер және доктор Ута Мильтнер өздерінің кәсіби тәжірибелерімен қаламыздың «Prime Clinic» медициналық орталығының мамандарымен бөлісуде.

«Даму» Қоры арқылы шетелден эксперт шақыртуға болатынын естіген «Prime Clinic» ЖШС директоры Гүлфарида Әбдіразақова кәсіпкерлерге қызмет көрсету орталығына келіп, «SES-эксперт» жобасына өтініш берді. Кеңесшілер Қызылорда облысындағы «Аға эксперттер қызметі» жобасының ресми өкілі «ПРЭКО Кызылорда» консалтингтік компаниясымен бірлесіп, жергілікті кәсіпорынға неміс эксперттерін шақырды. Осымен екінші апта бойы олар медициналық клиникада қызметкерлерді оқытып, өздерінің тәжірибелерімен бөлісумен қатар, клиника емделушілерін де қабылдауда.

Соңғы уақытта тұрғындар арасында омыртқа жарығы мен тітіркену ауруларымен ауыратындар саны артып келеді. Сонымен қатар, аталған ауру түрлерін тиімді емдейтін кәсіби білікті мамандар жетіспейді. Міне, сондықтан да «Prime Clinic» мединицалық клиникасының директоры шетел мамандарының көмегіне жүгіну қажет деп шешкен.

Профессор Фритц Мильтнер – нейрохирургиялық отаның барлық негізгі бағыттары бойынша сан қырлы білімі мен көп жылдық тәжірибесі бар маман. Сонымен қатар, жедел емдеудің нейрохирургиялық тәсілдерін де (омыртқа, бас және жүйке жүйесі) жетік меңгерген. Оның университетте тәлімгер, профессор ретінде оқыту бойынша үлкен тәжірибесі де бар. Сондықтан да жоба аясында ол жергілікті дәрігерлерге тек нұсқаулар беріп қана қоймай, науқастардың ауруларын анықтау мен емдеудің маңызды техникаларын практикалық тренинг барысында үйретуге дайын. Аға эксперттің біліктілік бағыты қазіргі заманғы нейрохирургияның, оның ішінде ауруды емдеудің толыққанды тәсілі ретінде омыртқаны консервативті өзекті емдеуге негізделген.

Ал доктор Ута Мильтнер медицинаның барлық басым бағыттарында тәжірибесі мол маман. Атап айтқанда, гериатриялық науқастарды анықтау мен оны емдеудің ауқымды және арнайы білімін меңгерген, аллергияны жалпылама және арнайы емдеу тәсілдері мен сусамыр дертіне шалдыққандарды күтіп-баптау бойынша білікті дәрігер. Эксперт қызметінің өзгеше бағыты ретінде дәрігерлік клиниканы ұйымдастыру, менеджмент пен оны әкімшіліктендіруі жағынан білімін әрі тәжірибесін атап өткен жөн.

«Мен шетелдік эксперттің кеңесіне жүгінуге шамамыз жетпейді деп ойлайтынмын. «SES-эксперты» бағдарламасына қатысып, бірден екі экспертті шақыртуға мүмкіндік алдым және эксперттің гонорары мен оның жол сапар шығындарын аға эксперттер қызметі өтеді», — дейді Гүлфарида Абдразақова.

Кәсіпкерлер бизнестеріне шетелдік экспертті шақырту үшін «Даму» Қорының Кәсіпкерлерге қызмет көрсету орталығына келіп, өтінімге компанияның мәселелері мен маманның міндеттерін көрсетеді.

Бағдарламаның негізгі мақсаты әрбір кәсіпкер өз мекемесіне Германиядан кез-келген сала бойынша тәжірибелі экспертті қызметкерлердің біліктілігін арттыруға, әлемдік тәжірибе жинақтау, жаңа бизнес бастау мен әрекет етуші бизнесті дамыту, өтімділікті арттыру мен Еуропадан құрал-жабдықтар іздеу мен тапсырыс беру сияқты басқа да мәселелер бойынша шақыртуға мүмкіндіктері бар. SES бағдарламасы тарапынан эксперттің екі бағыттағы ұшу шығыны мен виза және сыйақысы төленеді. Кәсіпкер тарапынан тек экспертті тұрғын үймен, тамақтанумен қамтамасыз етіп, тәулігіне 5 еуро ғана төлеу міндеті жүктеледі. Аталған бағдарлама Германия мен Қазақстан арасындағы тығыз әріптестік аясында шағын және орта бизнесті қолдау мақсатында жүзеге асырылуда.

http://aqmeshit-zhastary.kz/news/germaniyaly-tar-bizneske-k-mektesude/

0

 

Ұлымды балалар дәрігеріне көрсету үшін №6 емханаға келге­н болатынмын. Соңғы күндері көп жөтеліп кетті. Қасымда қолына айлық баласын құшақтаған жас ана отырды. Кезекті жылдамдату үшін әңгіме айтып, сырластық. Біраз уақыттан соң, дәрігерге не үшін келгенін сұрағанымда: "Баламның бұты қызарып кетті. Қызыл май, бепантен жақтық, ақ ұнтақты (присыпка) да септім. Пайдасы бол­мады. Қайта одан сайын бөртіп барады. Не істерімді білмей отырмын”, – деп қиналды. Сәбиінің осындай күйге түскенін Сәуле таңның атысы мен күннің батысы баламызға тастамай кигізетін бірреттік жөргектерден (памперс) көреді.

“ПАМПЕРС” деген пәлеОсы бірреттік жөргектерді ең алғаш ХХ ғасырдың соңына таман Американың Милфорд қаласында дүниеге келген Виктор Миллз ойлап тапқан екен. 35 жыл "Procter & Gamble” компаниясында бас химик-технолог болып қызмет атқарған ол зейнетке шығып, жал­ғыз қызынан туған жиенін бағарда қатты қиналған. Сөйтіп жаялықтарды қайта-қайта жумас үшін бір рет пайдаланып, тастай салатын жөргектерді ойлап табады. Осылайша өзі жұмыс жасаған компанияның өнімі болып қабылданып, "Памперс” деген атауға ие болады. Бұл ағылшынның "pamper” деген сөзінен шыққан. Қазақша аударсақ, "еркелету, әл­пештеу, аялау” деген мағына береді. Жөргектерді шығаратын алғашқы құрылғылар мен адам еңбектеріне біраз қаржы кеткендіктен, алғашқы өнім қымбат бағада сатылған. Алайда кейіннен барлық қиын­дықтардың соңы жеңіспен аяқталып, жөргек бағасы қарапай­ым халыққа да қолжетімді бола бастады.

Қарапайым халықтың қалтасы көтергенімен, бұл заттың пайдасынан зияны көп. Мысалы, олардың құрамында целлюлоза (өсімдік жасушаларының қабығын түзетін үлкен молекулалы көмірсу. Бірреттік жөргектердің мақтасында кездес­еді), полиэтилен (орама қабыршақтар мен ыдыстар жасауд­а, мата, қағаз, ағаш өнім­дерін сіңіруге қолданылады), жөргектің жанындағы жұмсақ резеңкелер – полипропилен (су өткізбейтін) секілді химия­лық қоспалармен қатар, аса күшті сорғыш қасиетке ие супер­абсорбент те бар. Абсорбент ретінде натрий полиакрилаты қолданылады. Натрий полиакрилаты халық көп тұтынатын заттар – ыдыс жуу құралдарында, душқа арналған гельдерде, жасанды қар мен әртүрлі бояуларда қолданылуымен қатар, осы жөргектерде ең көп пайдаланылады. Кез келген сұйықтықты өз массасынан 200-300 есе артық сіңіруге ыңғайлы қоюландырғыш қа­сиет­і бар бұл затты 1985 жылы медицина саласында қолдану­ға Әлемдік денсаулық сақтау ұйымы тыйым салған.

Үй ішіндегі тазалықты сақтап, ананың уақытын үнемдегеннен басқа бірреттік жөр­гектердің бала денсаулығына пайдасы жоқ. Жоғарыда атап өткен химиялық қоспалар балала­рымыздың болашағына балта шабуы да мүмкін. Зерттеулерге сүйенсек, ұл баланың мүшесінің ұшы мен ен қалтасының қалыпты температурасы болады екен. Жас бала бір­реттік жөргекке кіші дәретті жіберген мезетте, әлгі табиғи температура бірден жоғарылайды. Аздан кейін сіңген зәр қайтадан тастай болып суып, бір күйден екінші күйге ауысады. Бұл аталық бездің дамуын шектейді. Мұны біздің дәрі­герлеріміз де растап отыр. №6 емхананың №1 отбасылық медиц­ина бөлімінің меңгеру­шісі Қарлыға Болатқызы:

– Бірреттік пайдаланылатын жөргектер, әсіресе, ұл бала­ларға зиян. Ұрыққа әсер етуі мүмкін. Қазіргі таңда грыжа­, водянка секілді аурулардың жас балаларда көптеп кездесуі де осыған дәлел. 2000 жылдары мұндай аурулар елімізде аз кездесетін еді, бүгінде жиілеп кетті. Өйткені, үнемі ылғалдандырып тұратын жөр­гектер бала денесін қысып, ыңғайсыздық тудырып, қан айналымын дұрыс жүргізбейді. Мұның зиян екенін жөргектерді алғаш болып пайдалан­ған шетелдіктер де мойындап отыр. Ал Қазақстан халқының жөргектерді пайдаланғанына 20 жыл тола қойған жоқ. Ал­ғаш жөргектерді киген жастар отбасылық өмірге енді аяқ баспақ. Кейде аналарымыз балаларының "памперс” кигізген же­рінде аллергияның пайда болып, қышынуларға әкеп соғып жатқанын айтып, шағымданып келеді. Бұл, әрине, осы жөргектердің салдарынан. Нәтиже­сінде бір жөргектен екіншісіне ауысып, бұл проблеманы шешіп тастағандай болады. Бұл – дұрыс емес. Бала денесіне шыққан аллергия сол мезетте кеткенімен, өсе келе басқа жерінен шығып, түрлі тері ауруларына әкелуі мүмкін. Сондықтан, ата-аналар бірреттік жөргектерді мейлінше аз қолданғаны абзал. Көп жағдайда оларды толып кеткенге дейін ауыстырмайтын ата-аналарымыз да болады. Мүмкін, ақша­ға келген нәрсені тиімді пайда­ланғылары келетін шығар. Алайда бір жерге жинала берген нәжісте микробтардың шамад­ан тыс көп болатынын ұмытпауымыз қажет, – деп ана­ла­рға кеңес берді.

Дәрігер, сондай-ақ, біррет­тік жөргектерді киген бала өз-өзін бақылаудан қалып, салда­рынан дәрет сындыру рефлек­сі жойылатындығын айтады. Яғни бұрындары бұтына жібе­ріп қойған бала "мен жіберіп қойдым” дегендей жылайтын болса, қазір жіберіп қойғаны дұрыс секілді бойында ешқандай сезім болмайды. Соның нәтижесінде ес білген баланың есейсе де бұтына жіберуі жиілеп кеткен. Бұл жөргектер тек ұл балаларға емес, қыздары­мызға да зиян екенін ұмыт­пауымыз қажет. Ғалымдар аналы­қ бездің дамуына кері әсерін тигізеді деп алаңдауда.

«Адам ұрпағымен мың жасайды» деген ғой дана халық. Бәріміз де тек ұрпақ үшін өмір сүреміз. Бар бақытымыз да, қуанышымыз да балаларымыз деп білеміз. Ендеше неге бауыр­ еті – баламыздың денсаулы­ғына бейжай қараймыз? Бір­реттік жөргектің қызығын бүгін сіз көргеніңізбен, ертеңгі күні балаңыз зардабын тартып жатса, өкініштен бармағыңызды шайнауыңыз мүмкін.

Жансая ЕЛУБАЙҚЫЗЫ

http://www.halyk-gazeti.kz/index.php?option=com_content&view=article&id=6111%3A2016-09-15-04-53-58&catid=6%3A2011-11-18-09-03-06&Itemid=6

 АЗАМАТТЫҢ АСУЫҰлт даналығында «жас келсе іске» деген бар. Астарына ауқымды ұғым бүккен, жастарды қамшылайтын-ақ сөз. Бұл жастарды жауаптылыққа бастайтын, тіпті баулитын болмысқа да ие. Ендеше мұның мақсат-мүддесін жастар қалай қабылдап, қалай орындап келеді? Ендігі әңгіменің барысын жеке тұлғалардан өмірінен іздеп көрсек деймін. Біздің бірінші көздеген қатарласымыз Азамат Мүгімбаев болды. Өйткені ол өз ісінің шебері, мақтаулы тұрарлық азамат. Мамандығы – фельдшер. Нақтырақ айтқанда, көпсалалы орта буын қызметкері.

Азамат 30 қыркүйек 1984 жылы Сырдария ауданы Шаған ауылында дүниеге келген. Ауылдағы №37 орта мектептің түлегі. «Өркениет» медициналық колледжін ойдағыдай тәмамдап, фельдшер-акушер мамандығын алған. Еңбек жолын туған ауылынан бастады. Шаған ауылдық жедел жәрдем стансасының фельдшері ретінде талай ауыр науқаспен бетпе-бет келіп, шұғыл шешім қабылдауды үйренді. Қиын-қыстау уақытта адам жанын арашалап алу жауапкершілігін жіті сезінді. Алыс ауылда жүріп, тәжірибесі толысты. Бәлкім, осы артықшылығы ескерілсе керек, Қызылорда қылмыстық атқару жүйесінің ЗК-169/5 мекемесіне рентген-лаборант қызметіне шақырылды. Жасыратыны жоқ, істі болғандар арасында дертке шалдығушы көп кездеседі. Оларға тұрақты түрде ем жасалмаса ауру асқынуы мүмкін. Бұл орта Азаматты адам ағзасының мың түрлі құбылысын еркін ұғуға жетеледі. Әрине, мамандықты сүю бір бөлек, оның қыр-сырын меңгеру басқа әлем. Ол мейлінше дерт пен дауа аралығын терең түсінуге тырысты, сауап пен міндет тұрғысында тынбастан ізденді. Қазір сол ізденістің нәтижесі өз жемісін көрсетті. Оны 2010 жылы «Авиценна» серіктестігіне вахталық фельдшерге жұмысқа қабылдағанда айқын ұқты. Бүгінде кәсіби маманның табысы да жақсы, тәжірибесі де мол.

– Адамға қызмет көрсетудің сан түрлі бағыты бар. Ал, адам жанына медициналық көмек көрсету бәрінен биік. Себебі онда адам тағдыры тұр. Мен еңбек жолымда бір ерекшелікке қатты назар аудардым. Ол – науқасты барынша жылы сөзбен емдеп, жарық дүниеге сенімін жоғалтпау екен. Бұл қасиет әрбір емдеуші тұлғаның еншісінде болғаны жөн, – дейді фельдшер.

Ия, өте орынды. Жас та болса еңбекпен ысылған жігіттің беталысы «жас келсе іске» деген тәмсілге татырлық дегім келеді. Азамат бүгінде екі қыз, бір ұл тәрбиелеп отырған өнегелі отбасының тұтқасы. Зайыбы Нұргүл Кешубаева облыстық онкология орталығының дәрігер эпидемиологы. Олар болашақта ұрпағының дәрігер болғанын қалайды. Әке мен ана сүйікті ісінің жалғаушылары бұл шешімді қолдауы тиіс. Себебі ұяда не көрген ұшқанда соны іледі.

Ерасыл ШӘРІБЕК

http://aqmeshit-zhastary.kz/bez-rubriki/azamatty-asuy/

Қызылорда облысында 6 айда 9 мыңға жуық сәби дүниеге келдіҚЫЗЫЛОРДА. ҚазАқпарат- Қызылорда облысында биылғы жылдың 6 айында 8963 сәби дүние келді. Табиғи өсім көрсеткіші 10,4 пайызды құрады.

Бұл туралы облыстық денсаулық сақтау басқармасының баспасөз қызметі хабарлады.

Осы мерзімде сәбилер өлімі - 1,5 есеге, ана өлімі көрсеткіші өткен жылмен салыстырғанда 4 есеге төмендеді. Сондай-ақ, осы кезеңде ауыр асқынулары бар әйелдерге арналған 30 төсектік оңалту бөлімі ашылды. Сонымен бірге 5 төсек орындық балалар гинекологиясы бөлімшесі, аудандарда жалпы саны 36 төсек орын балалар неврологиясы бөлімшелері ашылды.

Бұған қоса 1 деңгейлі босандыру бөлімдерін құрал - жабдықтармен қамтамасыз ету үшін жергілікті бюджеттен 400 млн теңге көлемінде қаражат бөлінді.

Бүгінде облыс бойынша 18 «дені сау бала және отбасын жоспарлау» кабинеттері қызмет көрсетуде. Жүкті әйелдерді ерте 12 аптаға дейін анықтау және есепке алу 63 пайыздан 87,4 пайызға көтерілді.

 

 

Автор:Елубай Әуезов

http://www.inform.kz/kaz/article/2945853

«Денсаулық» бағдарламасы

 

ТҰРҒЫНДАРДЫҢ СҰРАНЫСЫН ҚАНАҒАТТАНДЫРҒАНЕлбасы Нұрсұлтан Назарбаевтың «Ұлт жоспары - 100 нақты қадам» бес институционалдық реформасының 82-ші қадамында медициналық қызмет көрсетудің алдыңғы қатарлы стандарттарын енгізіп, дәрі-дәрмекпен қамтамасыз ету, медициналық қызметтің тұрғындар үшін қолжетімді болуы айтылған. Осы орайда, кент тұрғындарын бүгінгідей күнде қаржылық дағдарыстың әсері дәрі-дәрмектердің қымбаттауына да септігін тигізіп жатырған тұста, кент тұрғындарын сапалы әрі төмен бағадағы дәрі-дәрмектермен қамтып отырған Пакизада Жолдасбаева жайында айтпақпыз.

 

Иә, «Айкен» дәріханасының иесі Пакизада негізінен кәсіп­керлікпен көп жылдан бері ай­налысып келеді. Қызылорда қала­сындағы медициналық училищені фармацевт мамандығы бойынша бітірген ол, алғашқы еңбек жолын медицина саласында 1968 жылы бастады. Талай жылдар дә­ріханада еңбегін сіңірген жан, фармацевтика саласында тәжіри­бе жинақтап, 1998 жылы кәсіпкер ретінде тіркелді. Туған жерінен дәріхана ашты.

«Сексеуіл» кенті тұр­ғындарының сұраныстарын қа­нағаттандыруға толық мүмкіндігі бар дәріханадағы препараттардың бағасы да қолайлы әрі ғимарат іші заманауи жабдықтармен жаңалан­ған. Яғни, медициналық тауар түр­лерін сақтаудың барлық шарттары ескерілген дәріханада дәрі-дәрмек­терді белгілі бір температурада сақ­тайтын арнайы орындары бар екен.

Барлық талаптарға жауап беретін дәріханада жақпамайлардан бас­тап, фитотерапия өнімдері және қабынуға қарсы қолданылатын дә­рілік заттар ассортименті, иммуни­тет жоғарылататын дәрумендер мен сироптар жалпы саны 600-ге жуық дәрілік заттар сатылады.

Бірнеше адамды жұмыспен қамтып отырған кәсіпкер мұны­мен шектеліп қалған жоқ. Атап ай­тар болсақ, «Даму» қоры арқылы 8 миллион теңге несие алып, амбу­латориялық және диагностикалық қызмет көрсету кабинетін ашқан кәсіпкер, қазіргі уақытта игі ісінің арқасында тұрғындардың ризашылығына бөленіп отыр.

Себебі, онда­ғы жаңадан орнатылған ультрады­ быстық зерттеу диагностикалық аппараты көптеген науқастардың йод жетіспеушілігіне байланысты туындайтын қалқанша, қол асты, ұйқы, талақ, қуық асты бездері ауруларымен қатар, өт қалтасы толуы, бүйрек тас аурулары мен қатерлі ісік дерттерін дер кезінде аңғаруға мүмкіндік беріп отыр.

Кабинетте Данияр Маханов есімді дәрігер өз жұмысын жоғары дең­гейде атқарып, дерт дендеп келген науқастарға диагноздарын дөп ба­сып айтуға жағдай жасап отыр.

Сонымен қатар, бұл жерде дәс­түрлі медицинамен емдеу ісі жолға қойылған. Оның ішінде нано-техно­логияның нақ өзі болып табылатын гирудотерапия, яғни, сүлікпен ем­деу ісін Пакизада апайымыздың өзі жүргізеді екен. «Халықтың денсаулығына мән беруі қай деңгейде?» деген сауалы­мызға П.Жолдасбаева:

- Салауатты өмір салтын қалып­тастыру, халық денсаулығын оңалту жайын Елбасымыз жыл сайынғы Жолдауында айтып және оған Үкіметтің алқа мәжілісінде үне­мі назар аударып отырады. Сол үшін де жаңадан өз ісін бастап жатырған кәсіпкерлерге қолдау көрсетіліп келеді. Мен де Үкі­меттің беріп отырған мүмкінді­гін пайдаланып, біраздан бері көкейімде жүрген арман-мақсат­тарымды жүзеге асырып жатыр­мын.

Ең басты қалауым, адамдар өз денсаулықтарына үлкен жауап­кершілікпен қараса деймін.

Өйт­кені, мені қазақтардың бейқам­дығы қатты алаңдатады. Басқа ұлттар басы ауырып, балтыры сыздаса, емханаға жүгіреді. Ал, біздер болсақ, әбден асқынғанда ғана емханаға келіп жатамыз. Мұндай жағдайда кейбір науқас­тар дертінен айығып кетсе, енді бірі өмірімен қоштасады.

Қазақ­станда аурудың алдын алуға ба­са көңіл бөлінген. Мемлекет жыл сайын әрбір ел азаматының жер­гілікті емханаларда тегін кешенді медициналық тексеруден өтуіне жағдай жасап отыр.

Өкінішке орай, осы мүмкіндікті халық әлі дұрыс пайдаланбауда. Мысалы, біздерде асқазан аурулары асқынған нау­қастар көптеп саналады. Олардың бірнеше жыл бойы кешенді тек­серуден өтпегенін байқайсың. Егер әркім жыл сайын тексеруден өтіп тұрса, кез келген ауруды бастап­ қы кезеңінде оңай емдеуге болар еді - деп жауап беріп, бір жылдары Азияның іскер әйелдер форумына қатысқаны жайында кеңінен айтып өтті.

Иә, біз де ұзақ жылдар дәріха­ на саласында еңбек етіп жүрген тәжірибелі фармацевттің ісі өрге жүзіп, кент тұрғындарының денсау­ лығын жақсартуға үлес қоса береті­ніне сенімдіміз.

 

Света ҮСЕНҚҰЛОВА.

 

«Толқын» газеті. 6 қыркүйек 2016 жыл

ЕКПЕ ЕГУДІҢ ПАЙДАСЫ ҚАНДАЙ?Қазіргі кезде екпе егу қаншалықты адам денсаулығына пайдалы деген сұрақ үлкен мәселеге айналып отыр. Өйткені, соңғы жылдары жаңа туылған нәрестеге екпе егуге қарсылық білдіріп жүргендер арамызда кездеседі. Басым көпшілігі қызуы көтеріліп, мазасызданғандықтан денсаулыққа зиян дегенді алға тартады. Себебі, екпенің түрлі аурудың алдын алатынын дамыған елдердің медицинасы әлдеқашан дәлелдеп қойған.

 

 

 

Бүгінде жер шарында осы арқылы миллиондаған бала өлімнен, мүгедектіктен аман қалуда. Дегенмен, түрлі дертке шалдығып, сал ауруына ұшыраған жандарды да құлағымыз естіп, көзіміз көріп жүр. Бірақ, оның қажеттілігі болмаса, қолданысқа енбес еді.

– Қауіпті дерттерге қарсы екпе егу жұмыстары әлемдік тәжірибеге еніп отыр. Осыған орай, сәби өмірге келген сәттен бастап белгілі мерзім ішінде түрлі аурулардың алдын алу, жұқпалы дерттерден сақтануды қамтамасыз ету үшін иммундау шаралары дәстүрлі түрде қолға алынды. Оның пайдасы мен қажеттілігі туралы түсіндірме жұмыстары әлі де жүргізіліп келеді.. Елімізде иммундау шаралары баланың жарық дүние есігін ашқан сәтінен бастап 6 жасқа толғанға дейін кестеге сай жүргізіледі. Ата-анасының рұқсатынсыз балаға екпе салу заңға қайшы. Егер олар қарсы болса, тілхат жазып, одан бас тарта алады. Екпені алдын ала арнайы оқытылған медициналық маман тек жұқпалы ауруларға қарсы жүргізуге рұқсат берілген егу бөлмелерінде жүргізеді. Бүгінде пайдаланылып отырған екпе – белгілі бір жұқпалы аурулардың өлі немесе әлсіретілген қоздырғыш микроорганизмдерінен жасалған препарат екенін тағы да нақтылаймыз. Олардың шығарылу тәртібіне қатаң талап қойылып, оның зиянсыздығына, қауіпсіздігіне және тиімділігіне зертханалық, клиникалық тексерулер өткізіледі, – дейді тұтынушылар құқығын қорғау департаментінің инфекциялық және паразиттік ауруларға эпидқадағалау бөлімінің бас маманы Жұлдызай Жансүгүрова.

Дүние жүзі бойынша осы жұқпалы аурулардың кесірінен мыңдаған адамдар көз жұмады екен. Осыған орай, елімізде жұқпалы аурудың 15 түріне қарсы (қызылша, қызамық, шошқа мойын, вирусты гепатит А және В түрлеріне қарсы, құрөзек, сіріспе, көкжөтел, сал ауруы, гемофильді инфекция, пневмококкты инфекция, тұмау, құтыру, туберкуллез, оба) екпелер тегін жүргізіледі.

Кейінгі уақытта дін жолына түскен азаматтар арасында екпе егуді харам деп түсініп, бас тарту жағдайы жиі орын алуда. Екпе жасау дұрыс емес дейтіндер өз қарсылықтарын шариғатпен байланыстырады. Олар: «Ислам екпе жасатуға тыйым салады» деп түсінуде. Ал, медицина саласының мамандары ғылыми тәжірибелерге сүйеніп, екпе жасату дұрыс әрі қажет дейді.

– Соңғы жылдары көп дау тудырған мәселелердің бірі – екпе егу. Дәстүрлі медицинаға сеніммен қарайтындар бұл мәселені көтермейді. Алайда, ғаламторда екпеге қарсы материалдар өте көп. Оны қабылдап, денсаулығына зиян тигізген деректер де жоқ емес. Сонымен бірге, екпенің құрамына байланысты діндар ата-аналар тарапынан қарсылық болуы мүмкін. Бірақ, екпе егуге шариғатта ешбір тыйым салынбаған. Керісінше, денсаулықты күтуге үндеген діни мәтіндер көп. Бұл ата-ананың жауапкершілігіне, олардың таңдауына тікелей қатысты, – дейді дін мәселелерін зерттеу орталығының аға маманы Сержан Андарбаев.

Облыс бойынша үстіміздегі жылдың 7 айында дүниеге келген 10847 баланың 10552-і немесе 97,3 пайызы перзентханада ВГВ ауруына қарсы алғашқы екпесін алған. Қызылша қызамық, эпидпаротит ауруларына қарсы жоспарлы егумен 1 жастағы 9997 бала, 6 жастағы 13078 бала қамтылған. Ал, құрөзек ауруына қарсы егуге 28353 ересек жоспарға алынып, оның 25973-і қайта егілген. Алайда, егуден кейінгі асқынулар тіркелмеген. Осы мәліметтерге сүйене отырып, біздің өңірде екпе егу жұмыстары бірқалыпты деңгейде өткізіліп отыр деуге негіз бар.

Дана халқымыз «Ауырып ем іздегенше, ауырмайтын жол ізде» деген қағиданы берік ұстанған. Бүгінде екпеге қатысты теріс пікірлерге әлі күнге нүкте қойылмай келеді. Дегенмен, насихаттық түсіндірме жұмыстары да жалғасын табуда. Өйткені, халық денсаулығы – ұлт байлығы. Ал, халық өз денсаулығына салғырттық танытпауы қажет. Сонда ғана дені сау ұрпақ қалыптасады.

Ақмарал ОЛЖАБАЕВА.

http://aqmeshit-aptalygy.kz/ekpe-egudi-pajdasy-andaj/

Көкшетаудағы медбикелер даярлайтын колледждің атауы өзгертілді. Енді білім ордасы Жоғары медицина колледжі деп аталады. Соған сәйкес ерекшелігі де бар. Бұл оқу орнын бітірген медбикелер нұсқаусыз-ақ дәрігерлермен қатар науқастарға емшара жасай алады. Мұндай мәртебеге елдегі 6 колледж ие.

Айта кеткен жөн, медицина мекемелерінде жұмыс істеп жүрген медбикелер де қысқа мерзімде, яғни, бір жарым жылдың ішінде білімін жетілдіре алады. Олар үшін арнайы грант та бөлінген. Тіпті медбикелер үшін академиялық бакалавр, одан әрі магистратура мен докторантураны да оқуға мүмкіндік жасалуы мүмкін. Ал мектеп бітірісімен түскен талапкерлер мамандық бойынша 3 жарым жыл білім алады. Мұндай тәжірибе Қазақстан мен Финляндия арасындағы ынтымақтастық негізінде жүзеге асып отыр.

Ақмарал Ысқақова, қалалық аурухананың бас медбикесі:

- Финляндияға мен өзім барып келген кезде, Финляндияның медбике ісі өте жоғары деңгейде дамыған. Сонда біз армандағанбыз, шіркін осындай оқу саласы бізде де ашылса екен деп. Өтініш білдіргенбіз, жоғарғы білім алсақ деп. Өйткені, біз білімімізді арттырып, үйренбегенімізді үйреніп, осы барлық оқыған нәтижемізді науқастарға арнасақ дейміз.

Светлана Мұратбекова, Көкшетау жоғарғы медицина колледжінің директоры:

- Бұрынғы балалар медбикелік іс бойынша диплом алғандар, олар 70 пайыз теория болды, 30 пайызы ғана практика болды. Ал мына абитуриенттер, прикладной бакалавр болатындар, оларда 50 пайыз теория, 50 пайыз практика болады. Яғни, практикалық медсестра болады. Олар приемды өздері бірінші істейді. Анализге жолдамаларды өздері береді.

24.kz.

Көкшетаулық медбикелер қысқа мерзім ішінде білімдерін жетілдіре алады


 

Назад Вперед